收機見聞 [轉貼]

本帖最後由 theonlyTed 於 2014-9-24 08:18 編輯

小道真的罪該萬死 , 日前教大家上華強北放 iPhone 6 攻略 , 又寫了預訂 iPhone 6 Plus 搶 iReserve 絕技 昨日小道就再上華強北 , 不過就唔係為左放機 , 而係去採購產品順便睇下 iPhone 6 收機行情 . 下午到步, 搞完本身公事就去遠望數碼商城看一下 , 大量香港人已經在放機, 小道輕輕了解一下 , 收價雖然已經沒有之前一日好 , 不過仍比先達價多 10~20% .

小道見到一對情侶上黎放機 , 一眼就睇出係港人 , 小道就過去八卦一下 . 這對小情侶話上網見到有人教上大陸放機好價D , 今日放假就膽粗粗過黎試下 . 小道又問為咩唔香港放機 ? 佢地就話香港果邊開盒又唔收 , 果樣又唔收 , 收價又太低 , 我地出台機o既 , 根本冇肉食 , 而家上黎放我都仲有千幾二千執 , 先達直頭話唔收 .

別過小情侶 , 小道走入遠望入面找朋友 , 朋友嚴生亦係華強收機佬一名 , 小道走去問下料 , 嚴生就話呢兩日多左好多香港人上黎放機 , 以前都有 , 不過現在多好多 , 男女都有 , 還有穿校服的學生 . 這些都是散戶, 一個人只有一兩台 , 他們的定價不高 , 加上行內(指收機佬)都壓一下價, 所以近兩天華強收機價都大跌 . 嚴生抽了一口煙 , 笑笑口又說「現在你們香港人都站在門口舉賣了 , 引起了深圳人都知道這裡有便宜 i6 賣 , 不少個人用的都自己走去門口找殺價 , 變成了一個小市場 . 店裡賣 9800 , 香港人在門口賣 8000 , 誰還進來買 i6 ? 我們現在收機都是收了去其他城裡賣」

小道見到咁環境就返香港去先達搵個老死 , 佢都係先達收機佬之一 . 咁我就問佢而家收機咩環境 , 佢一開口就「而家D人個個上X晒華強放 , 華強而家收得仲"西" , 我呢邊都PK , 佢地(散戶)搞X亂晒 , 個Q個都上去放 , 我地一齊攬炒 , 班pk(散戶)蟹晒我地又蟹X晒」

而家個收機市場一片混亂 , iPhone 6 炒機時間唔夠一星期就開始蟹 , 前所未有 . 但引起呢個情況先達真係冇得話散戶直上華強放機整死個市 , 如果先達收價同華強收價差距在 1000內 , 相信冇散戶願意挺而走險過關上大陸 , 先達亦唔好話d 果農 , 自由市場 , 人地高價過你 20~30% , 邊個唔想賺多d ? 只怪先達收機食水深 , 加上資訊流通得快 , 有攻略上華強放 , 仲邊個想放先達 ? 今次比個教訓 , 下次先達食水冇咁深 , 同香港人一齊做大個市好過啦 .

http://unwire.hk/2014/09/23/midnight-in-wahkeung/mobile-phone/



》只怪先達收機食水深 , 加上資訊流通得快 , 有攻略上華強放 , 仲邊個想放先達 ? 今次比個教訓 , 下次先達食水冇咁深 , 同香港人一齊做大個市好過啦 .
根本小戶就係無議價能力,只不過華強變第二個先達而已,咁唔服你自己組織賣機團抬高個價


》如果先達收價同華強收價差距在 1000內 , 相信冇散戶願意挺而走險過關上大陸
不如你賣機價係原價+1000唔好

同意

TOP

St 自己壓價, 收唔到貨    攪到散戶要北上賣哂。 st今次抵死啦, 同電訊商一樣想賺到盡

via HKEPC Reader for Android

TOP

相關文章