而家鴨記係唔係無晒全理價嘅一咭兩號賣?

小弟有呢度嘅師兄教路,用開0月租如意咭。
但老豆用開神州行成日因為無定時充值所以次次上去就過期,覺得好麻煩,叫我幫佢買返張。

但小弟見如意咭都已經無賣好耐,況且而家又攪實名,連中移聯通嘅中港咭都停出。唔知幫佢買乜好。

佢用量唔係多,有時一個月上大陸一次,有時幾個月上一次。都係返去探老人家時上門前俾個電話先,所以通話少,無上網都無乜所謂。但要可以起香港充值(佢唔識起大陸買充值券),有一咭雙號俾佢飛線,等香港人搵到佢。

諗過重佢買張從化咭再實名,但一來我唔得閒幫佢上大陸攪實名,二來見到起大陸實名都幾恐佈。
http://orientaldaily.on.cc/cnt/news/20140719/00176_097.html

唔係驚中央,係驚不法歹徒攪到自己一身蟻。老人家唔知因乜事俾人攪,嚇鬼死佢一餐就無謂啦。