新手NAS

小弟的公司老闆(很小公司20人樓下)想裝個NAS方便同事SHARE FILE或出左街的同事存取FILE, 如此重任, 落係小弟身上, 小弟略懂基本電腦知識, 對NAS未接觸過, 打算都係幫老闆去黃金等地方買,BUDGET老闆無講, 因為大家都唔識, 我係討論區見好多師兄買開都係兩千左右,所以打算都係呢D預算, 但去到見到五花八門, 價位由幾百到幾千都有, 有D  FUNCTION都唔知係咩, 所以想請教各位師巳我應如何選擇及入手?以及老闆最擔心安全問題, 因為始終都有客的資料, 驚因為無IT TEAM好易唔識SET俾人HACK左。老闆都明白最安全係唔用, 但係工作效率同安全比較下, 都係效率行先, 請問各位師兄NAS保安有無分咩級數及如何選擇?

基本上呢啲要business solution方案都係搵vendor啦……

via HKEPC Reader for Android

TOP

但係工作效率同安全比較下, 都係效率行先
qmk292 發表於 2015-7-27 09:28


咁樣好似有點兒....
師兄可唔可以講下你公司做咩

TOP

真心説句,以我過來人的經驗,如果你買左同埋要你整,一有問題,個個人會煩到你飛起,連自己的工作都未攪掂仲要晚上OT先可以做到自己的工作!

TOP

無法啦, 增值免版淘汰, 同埋當老闆俾錢學多樣新野
business solution都有問過, 但係就天價到叩你不如唔好做

TOP

最重要既係,你想幫公司setup一個share file的方案,你自己有無一套想法先?唔係話淨係買部NAS set好就搞掂喎……

你需要的資料,並非只係technical咁簡單,重要你去點諗成個architecture,Network方面點樣諗,點樣駁;用戶層面上點樣設計你公司職員點share俾佢地(公司內/外),對外面街既客又點樣share;重有house keeping,同埋最重要既security等等……

所以千祈唔好覺得一個business solution要廿幾卅萬,好像天文數字般,人地做個solution的手法,配套措施,同埋最緊要佢地要「上身」同「狽鑊」,這些東西通通都係錢……而你所謂既增值想去搞呢壇野,又能唔能夠負擔得起呢??

唔係話叉禍你,但從你的文言之間其實對NAS/network這些東西好像一曉不通;雖然你可以透過呢度可以搵到你所需的基本技術,但最後你點樣去應用就真係好睇你自己……

TOP

我明白樓主情況,公司應該沒有IT 部,有時候電腦問題要自己解決。
真心俾意見,我有隻4 Bay NAS (QNAP)攞番公司用,都係方便同事share file,公司人少10人內. File size 都係word/ excel / PDF 之類,冇乜重要文件。有需要share 俾客用,都是個別file share 出來,俾條link 人download.
我建議買4 Bay, 行Raid 5, 再加隻External HDD daily backup. 買隻可以自己加RAM,多人同時使用有幫忙。 另一隻牌子唔多識,由其他師兄補充。
HardDisk 可考慮WD Red 3TB, 都係$960 左右。如果要share file total 超過10TB, 咁可能要買6bay / 8bay 才能滿足你。

TOP

師兄,上邊丁蟹師兄句句都係肺腑,我都不能同意更多
你完全無tech base, 又無諗過infra既情況,就咁打算一隻nas就做到,只能夠祝你好運
你唔話放出街都無咁驚,仲要將公司data係街摸到
無事既話你當增值,一出事,你無人backup你,份工都分分鐘無埋,值唔值得,自己諗下

TOP

提示: 作者被禁止或刪除 內容自動屏蔽

TOP

本帖最後由 epa 於 2015-7-27 15:24 編輯

你買隻nas公司用,通常nas都會有兩三年會幫個產品寫更新檔,但過後冇再更新,比專業黑客入侵鎖你檔案再叫你比錢先解鎖檔案,都唔係冇可能。

我都覺得樓主唔好諗住幫公司做埋it可以得老闆歡心,出左事十個老闆,九個駡到你一面屁,仲有一個炒左你。

TOP