Windows 好似幾正, 終於有番 Windows 7 既感覺

之前 Windows 8 一出,為左爭 tablet 市場, 決定犧牲 desktop 用家.
個 Metro UI 真係唔多受落, 無左 start menu 又係一絕, 速成更加係 OnX, 仲要無埋聯想字.

雖然都有 D 願意死跟既人, 一樣好支持, 覺得應該用家去就 OS, 人地點改都要跟埋去, 反而唔跟既人係守舊唔肯去學新野.    好坦白講, 呢 D 改動完全無好處, 你話我老土都好, 我就唔覺得用家要去改變了.

還好, 市場上都唔係好支持呢D改動, 起碼好在 MS 終於明白到用家習慣同感覺至係最重要, 沒好處既改變, 只會係用家煩左, 世上唔係咁多盲目跟從既人 (起碼 MS 未做到 apple 咁, 出舊屎都有人話香既).

Windows 10 終於正常番好多了, 開機唔需要見到個 start screen, 直入 desktop (呢樣 8.1 已有).

Start menu 回歸, 當年係咁話 start screen 比 start menu 好用既人, 唔知會唔會好失望.  
當然, 忠於新野既人, 都仲可以 desktop 用都照 set 番 start screen 做 default 的.

速成變番之前既排位, 仲有番聯想字, 好 happy.
不過, 有樣野好怪, 唔知會唔會影響左個速成既排位, 就係我用 Hyper-V 起個 VM 玩, 但係輸入法竟然同我個 host OS 互通.
我在 hyper-v 中改左用 新既速成, 我個 host 既 Windows 8 會跟住轉埋, 而我轉個 host, 個 hyper-V 又會轉.
試左幾次至試證既, 唔知有無人用 Hyper-V 玩緊 Windows 10, 有無咁既情形.
唔知直 boot Windows 10, 會唔會其實都係出番個爛鬼排位....希望唔會係咁啦.

整體而言, Windows 10 既最大優點, 就係 Windows 7 既感覺終於番番黎了.

再試多兩試, 原來係我既錯覺, 仲以為係舊速成, 原來都係新既 (不過同最初既新速成好似有D唔同).
測試既試字.....舊速成應該係排第 3 的, 家陣都係改左去第四.
不過, 因為有番聯想字, 好多字唔駛用速成既 code, 例如 "測試", 可以打 "EN9<shift>1" 就得, 個試字唔駛再打, 一時攪錯了.

TOP

所謂同host OS互通, 師兄係唔係用同一個ms live account 來等如win10 ?

ps win8以後live account 會sync 埋account profile settings 上cloud

TOP

其實你所講既UI同傳統DESKTOP既不同,只需要裝個Smart Switch即可
唔係好明點解D人咁驚用Windows 8.1

TOP

其實你所講既UI同傳統DESKTOP既不同,只需要裝個Smart Switch即可
唔係好明點解D人咁驚用Windows 8.1 ...
HappyFred 發表於 2014-10-22 05:15



    羊群~~~

TOP

其實你所講既UI同傳統DESKTOP既不同,只需要裝個Smart Switch即可
唔係好明點解D人咁驚用Windows 8.1 ...
HappyFred 發表於 2014-10-22 05:15


好簡單。
首先,唔係人人都識得上嚟HKEPC又或者身邊有個電腦好熟嘅朋友。
佢哋見到咁嘅界面,同自己嘅使用習慣唔同,已經卻步。

其次,你可以話就算上面嘅條件係成立嘅,你都可以自己去Google。不過,係呢度我都可以話返俾你聽,雖然Google對你同我嚟講,係好易用。但係真係唔係人人都會用/會用Keyword去搵佢自己想要嘅嘢。又或者可能佢哋係慣咗衣來張手,飯來張口嘅習慣。就算係呢個Forum,都耐唔耐就見到有師兄問啲一Google就可以搵到答案嘅問題出嚟問。

最後,個輸入法真係玩死唔少工作以打字為主嘅人。所以,係有得揀嘅情況下,佢哋都會令願選擇Windows 7都唔揀Windows 8/8.1。而係可以選擇嘅情況下,我哋都會選擇提供Windows 7嘅電腦而非Windows 8/8.1嘅電腦,免得部分用家成日嚟找我哋麻煩……

TOP

其實windows 8只係整幾樣野已經取代win7

startUI
舊版速成/倉頡

TOP

我咩WINDOWS都用過,
中立一些,求穩定暫時WIN7都是最好的.
順暢度一定係WIN8,好多軟件都唔係咁支援,如用令人使用不夠安心.始終都係不太穩定.經常會出玩死機.當然你所有係用完全支接WIN8又不同理解.
我硬件已經好高級價值2萬元算新都有呢D情況,係軟件問題或者多數係OS問題.

TOP

其實我覺得唔係點樣令win8似返之前(當然唔同係其中一個因素)
重點係好似冇咩重要理由要升win8

TOP

佢係張win7+win8=win10
但係又唔夠令...同埋個D格仔真係好核突!

TOP