今日考忠義街衰左.............(過程分享)

考11點,未夠11點已經考完,乙部ok,衰左路試其實覺得自己再學都唔會有咩用所以咪去考囉 ,學左16個鍾,師傅話要考前要熱身又要學多2課
師傅約我9點半佢自己9點40分先黎到,去黃大仙行左一陣10點半已經去到試場依2個鍾錢真係.....
有小小緊張 去到孝文街轉右出忠孝街以為自己已經望得好清楚 點知左面有架電單車好快咁黎緊,咁就衰左啦...... 依條路我都行左好多次架啦,點知都係衰係度,之後我都冇咩心機考,如果唔係掉頭未考我真係入個4波轉彎佢睇 要再排又要去到10月尾
又唔見$2k

我覺得考牌只系學車的一個過程之一,岩拿牌都唔證明你識渣,好多野要自己以後上路渣得多先之領悟到,當然唔系講漂移之類野。牌實拿到,時間問題。

TOP

我弟1次衰呢道..之後葵盛圍

TOP

其實條路試真係幾短應該唔算難,衰自己小小緊張太急.................

TOP

樓主加油.
下一次要成功.

雖然我冇考過e 條路唔知咩情況

TOP

又要返工,去唔到排快期,依家又要等到10月尾先可以考,咩都凍晒啦

TOP

我兩次都係考忠義街,第一次都係衰左

考牌時,衰左實會覺得係「時不與我」。
但到你搓熟左就會明白,考試時既龜速行車都肥得,只能100%代表你真係未夠熟習駕駛技巧,而唔關環境事。始終現實搓車,環境再奇怪d 既都有,你一樣要好安全咁handle呢d 情況。

我第二次考個時,有架小巴係巴士站入面落緊客,無理由停定等佢落完客開車,當然繼續行。點知去到佢側邊時,佢又岩岩落完客,見我龜速考緊試,想硬硬zip 位抽我頭添。我諗大部份考生既見到咁既情況都會dup 停,跟住一個S

TOP

原帖由 黃金俠 於 2009-9-2 12:29 AM 發表
我弟1次衰呢道..之後葵盛圍

me2

TOP

原帖由 foggie 於 2009-9-2 14:19 發表
我兩次都係考忠義街,第一次都係衰左

考牌時,衰左實會覺得係「時不與我」。
但到你搓熟左就會明白,考試時既龜速行車都肥得,只能100%代表你真係未夠熟習駕駛技巧,而唔關環 ...

唔dup可以點?

TOP

原帖由 pandahk 於 2009-9-2 18:55 發表

唔dup可以點?


或者你會奇怪,日常中都有時真係要dup車,但點解考牌一有dup 車情況就差不多一定S(even 係行人自己標出黎)?原因係——一般考牌,都只係開30-40km/h,比日常真實搓車慢成倍的!而且離遠見到有d 近d 既車(無論死車或者開緊既車),都要自覺再收慢d,慢到~20km/h。咁既速度,就算架小巴真係衝出黎,根本都唔駛dup,只需要好正常咁踩brake停車!

好多人怪其他車/行人,連累自己要dup 車肥佬,其實就係佢地冇及早考慮到呢d障礙物會隨時標出黎。

忘記左講,當時我離遠見到落緊客,已經收慢左,見佢想抽頭即刻收油。跟住佢見我冇停車,知道比我頂死左冇得出,咁我當然比返油繼續去。

[ 本帖最後由 foggie 於 2009-9-2 21:49 編輯 ]

TOP