愛車模範

今日上網睇到編嘢, 呢D就叫愛車之人啦, 其實外國好多人都係咁, 大家要學下呢!! 比個like佢

2001/2002 萬事得 Millenia 2.5 V6停紅燈時震下震下體驗分享

話說小弟部車揸左5年,基本上覺得萬事得車雖然吾係大廠,名氣吾夠日本另外兩個
“田” 的車響,但整體性質素都算中上好用 (轉子引擎車種除外…….哈哈)


講番我都車啦,
事緣大約在三四個月前開始,我部車d轉數開始有問題,起初係著車時轉數吾定,轉數錶枝針上下咁郁下郁下,但過左一兩個星期,情況開始越來越差!發展到停紅燈時震下震下,好似吾夠盤咁死下死下 (凍車無事,只係車頭熱左先係咁)
,但係無著 engine 燈,於是我就走去車房揾人跟下乜事啦,點知惡夢就開始…..

第一間車房 (沙田區) 係朋友介绍,因我部車要驗車及車頭漏油及係時候換 cam 帶果d,咁咪叫師父攪囉。  點知一擺低就7日,淨係應付驗車就要換雞肶/較尺和尚頭/塵冚/嘩佬冚爭口…..
等,師父又 check 到水箱裂要換 (上下水喉又換)
,置於車頭震問題,師父話無著 engine 燈,但篤電腦出左 P0300 / P0302 (Random Misfire / 第二盤 misfire)
,叫我換火咀/火咀線,一整就萬幾蚊但攞車後情况一樣,停紅燈時震下震下,甚至 P/N波 slow車都死火…. (今次有著 Engine燈)

咁我咪去第二間車房比人 check囉,放低兩日後師父話怠速 valve死左,同埋蝴蝶掩污糟邋遢,會幫我換怠速 valve及洗蝴蝶掩,點知一整就7日,咁都吾緊要,最攞命係全港零件行無貨 (連土瓜灣萬事得零件專科
“X 德” 都無貨),劏房又無,咁我咪上呢度 Uwants 個全港零件行 post逐間打去問囉。點知我未揾到怠速 valve,師父又打黎話個分火死埋……..
(呢 part 我曾開 post求救!!!) 我真係 O 晒咀……..

好彩得“X 德”個 staff 提點下,我知道呢兩件料個 parts no. , 咪上 google 搜尋下囉,點知大部份有貨的零件係美國/歐洲…..!!!
幾經辛苦之下,我又上網又到深圳八卦二路四圍揾,終於知道廣州市有間汽配公司有貨,而八卦二路有間專賣 Mazda零件的舖頭又肯幫我聯絡代訂,我先可以買到呢兩件野比師父安裝。

當我攞車時以為一切ok啦, 點知同樣係停紅燈時震下震下,甚至 P/N波 slow車都死火…!於是我吾服氣上網 search外國 DIY維修網站,尤其 Millenia論壇,我發現好多文章有我個症狀,車種分別有 323 / 626都一樣有咁情况,我於是花了兩三晚一邊查字典一邊睇d師兄的 post (全部係英文)
,跟住印左一叠資料出黎,
預備 DIY跟下 (Post內有關之前兩間車房整過 d野就無印出黎, 因已更換)


首先我向漏真空方向埋手,但問題又黎啦, 我吾知邊度買真空喉 (4mm / 6mm/8mm)
?我揸住 d喉揾左好多間零件行都無, 有d零件行甚至話比我知金魚d氣喉都得!! 我梗吾信啦!! 我覺得就算用到但金魚d氣喉受得熱咩 (車頭咁熱) ??? 所以我仍然吾服氣四圍去揾,終於响黃大仙一間零件舖揾到有得賣,我買左之後就跟住車頭 d 喉逐條換。  換晒之後仍然係車頭震同死火。

跟住我向 EGR valve 埋手,拆個 EGR 嘩佬出黎發覺好污糟邋遢,於是跟d資料教咁用 crab cleaner同牙刷洗,裝好後症狀仍舊。

我再下一就係換晒 4 支 O2 sensor,裝好後症狀仍舊。

跟住我就換 PCV valve,裝好後症狀仍舊。然後就換 Engine coolant sensor
(好彩呢兩樣
“X德” 有貸) ,真係講都吾信,換左Engine coolant sensor後個車頭即刻冷熱車都定晒,停紅燈時無震,甚至 P/N波 slow車都無再死火。

我揸左幾日後突然又著 engine燈,但車頭仍然好定,無震無死火! 當時我手頭上印出黎 d資料, 只係未攪 Air Flow Meter呢樣野,於是我就拆出黎用 crab cleaner洗,洗完 engine燈熄左,咁我知呢舊野真係有問題啦。  用多兩日又著 engine燈,我索性叫八卦二路間專賣 Mazda零件的舖頭,幫我同廣州市間汽配公司訂埋,換左後到依家成個星期都無再著 engine 燈啦。

呢兩日我成日諗,會吾會一開始就換 Engine coolant sensor
, 咁咪吾駛花咁多錢換咁多野囉?! 不過話分兩頭,依家換左咁多野,我部車又有排揸啦……哈哈

佢應該買埋部電腦自己CHECK CODE XD

TOP

又講返~~車房既師父係唔係真正既師父~~
到頭來都係要靠自己~

TOP

trial and error
It is what typical workshop does

TOP

車房師父......呢D情況經常發生, 原廠都一樣, 初時話A有事, 情況一樣後話B有事, 再情況一樣後話C有事......最後攪到EFG.....咁之前D其實有無事

TOP

家陣無人夠你清楚你架車啦~~

TOP

提示: 作者被禁止或刪除 內容自動屏蔽

TOP

十年車, 整咁多樣野貴過架車價, 咁值唔值先...

TOP

又講返~~車房既師父係唔係真正既師父~~
到頭來都係要靠自己~
marcow50 發表於 2012-7-20 14:07


我都一樣,去車房問之前必定做好功課先。佢地好多時靠估。

TOP

去車房整車,車主真係要睇下師父咩料子,上左年紀O個D唔少都好武斷

一開始整萬幾蚊係驗車野,唔可以話車房問題既~
不過唔知車主攞車前會唔會睇下仲有冇問題...

COOLENT SENSOR基本上一睇電腦就睇得出數據有問題
唔知D車房有冇電腦呢

TOP