大球場棍van考牌分享

http://www.hkepc.com/forum/viewt ... page%3D4&page=1
因之前post鎖左,現分享考牌經驗.


上月尾第一次考港島大球場棍van,跟私人c fu.

考下午3:40,考前操多兩節,順便觀察當天路面情況.
掉頭泊位平時練習99%成功無問題,到正式考試時可能有D緊張,功力真係會減左最少兩成.

掉頭平時好順但考時有D chok,但好在無撞野過關. 到泊位平時好靚仔,考時極貼邊,阿蛇落車睇左好耐,仲叫我落車睇我心諗大檸樂. 阿蛇話車身側邊擲線,我話後輪在線內喎,佢話好算. 上番車心中暗叫好彩!

到路試阿蛇話出試場路口左轉,都估係行樂活線. 直路時好快已可上3波,到保良局路口望清楚左右兩邊無車放brake摩擦點慢出右轉,之後阿蛇話路口左轉即確定係行樂活線,禮頓道多車要收油慢行. 記得有次2波停車再快開,摩擦點放brake唔記得轉返1波開車(呢樣唔知會否當嚴重). 不過都好順無chok就繼續開啦..

轉入黃泥涌道左邊99%有死車,收慢打燈望盲點做過線動作. 到禮頓山附近有一中型貨車在中線打死火燈(似係落貨). 我做過線動作轉去快線,之後再轉回中線,係呢個時間該貨車開動. 事後諗返和c fu傾,呢個情況最好唔好轉線,保持兩個車位停同等一等才是最穩陣的做法.

之後樂活道上山,燈位前做斜路開車,搵到摩擦點無後溜就OK. 之後南華會一段好暢順過死車無對頭車,點知可能放鬆了,衰收尾...

最後要回試場90度右轉入東院道時,2轉1波竟轉錯去3波(平時練習從未試過呢個灣出問題),架車直標,阿蛇出腳停車. 係架路邊死車前停. 阿蛇話好危險差D撞. 回過神來,慢慢後波再轉回試場停車. 當天路況算好好, 係臨尾衰自己.

返office等黃紙,結果大家都估到,乙部過關,丙部肥.

我第一次考肥左乙部三手掉頭,乙部肥左後,心情放鬆哂,咁樣考丙部反而 pass 到.

我都係掍 Van.

TOP

我第一次考肥左乙部三手掉頭,乙部肥左後,心情放鬆哂,咁樣考丙部反而 pass 到.

我都係掍 Van. ...
hkcky 發表於 2015-2-16 17:09


如果俾我選,都係情願肥丙好過肥乙. 因為我唔想再排隊練掉頭泊位,一來浪費時間等,二來重覆好悶. 練考線雖然都固定,但路面情況變化好大.

TOP

如果俾我選,都係情願肥丙好過肥乙. 因為我唔想再排隊練掉頭泊位,一來浪費時間等,二來重覆好悶. 練考線雖 ...
ringo_warez 發表於 2015-2-17 10:37



再練都唔會個半鐘都練泊位掉頭。之後每堂都係練 1/3 時間,2/3 時間都係遊街。

TOP

而家考貨van路試、泊位分開?以前好似肥一part都全部重考

TOP

第一次考又係行保良入黃泥涌,機電處落斜就到保良時,同左邊山上落斜匯合比佢踩停,我當時落斜拖番去一波,係轉clutch個下佢話我冇落深d brake,會衝去前邊,當時我右腳掂住brake慢緊。結果就係後段上山落斜點好都冇用。肥左

via HKEPC Reader for Android

TOP

本帖最後由 ee9861 於 2015-2-17 15:25 編輯

2拖1死都一野用力向左上, 唔好玩野彈去N再去1
我上第1,2次果陣用左半個鍾息匙練1/2/3轉波

TOP

而家考貨van路試、泊位分開?以前好似肥一part都全部重考
misugi 發表於 2015-2-17 14:11


係分開了,不用重頭考過晒...

TOP

本帖最後由 ringo_warez 於 2015-2-17 17:17 編輯

接上回講到要重考路試,第一樣要做就係再排期...

唔之點解,掃桿埔排期快過九龍新界好多,重考也是.
另一優點係港島只有一個試場,重考不用擔心會派去另一試場,不用重新適應路線.

由於我不想拖太耐,怕隔太久唔記得,7日後即網上抽快期,朝早7:25做定準備,極速選最近的日子(最早係7日後)和填報資料. 成功訂到期.
另外,我已預先到郵局申請E Cert作網上付款.(我估大部份人都係到運吉處交費$510).

因此,我重考的快期與第一次只係相差約20日.

TOP

其實樂活道真係好易考...   同埋二波轉三波標極有限  咁慢...   驚既就轉波踩重D  BRAKE  其實有好多地方都可以二波行  唔洗一波   記住路口一停一定要極力子一波  實無死

TOP