[牢騷] Honda Freed 問題一堆

本帖最後由 poopies 於 2015-3-24 16:27 編輯

其實小弟都係呢版的回覆講過幾次部Freed有問題,
話說部行貨Honda Freed(六人版 MIJ)係13年8月落地, 到宜家車齡都未夠兩年。

最初新車落地唔夠一個月就發現司機位車門, 雞翼窗窗框有鐵銹,
當時有打返比個sale, 然後大昌安排除返銹。

雖然當時對Honda新車的QC感到意外, 而對呢個品牌的印象有打折扣,
但始終都對機能無大影響, 所以代理幫個窗框除左銹就ok。

跟住部車落地第七個月左右就發現左邊電門門鎖唔順,
不論乘客係車廂內/車外開左電門都要大力拉手抽先可以開關電門。

去到10000公里返大昌Check車的時候,就有講低左邊電門門鎖唔順暢。
咁最後師傅就話重新較過鎖口位同落左油, 點知Check完車第二日情況依舊。

然後今年過年前最近一次Check車, 有再講低門鎖問題,
咁大昌就說會訂零件, 零件到左貨會通知返黎換, 但到今日都無收到任何通知。

到琴日部車連冷氣都出問題, 開冷氣較到攝氏21度都唔涼。
我主動打電話去大昌預約維修, 排期要排到4月;
然後就順口問埋隻車門零件幾時到貨, 點知職員話其實之前已經到左貨,
話可以安排四月部車返去整冷氣時換埋個門鎖。

大昌無履行承諾貨到主動通知車主, 估唔到咁大間代理都只係有咁的服務質素。
可能係業界習慣, 我相信如果唔係因為部車巧合地壞冷氣,
大昌大概等我下次返去check車佢先同我換門鎖。

然後到部Freed, 落地兩年唔夠已經又壞門鎖、又壞冷氣、車門又有銹
黎緊過左三年保養期都唔知點算

21度著暖氣都正常,出邊都冇咁熱
而你話有銹 收車時冇,到你手先有同QC冇咩大關係

最緊要係個電門, 成日大力夾實拉都係特別易壤

TOP

本帖最後由 poopies 於 2015-3-24 17:06 編輯
21度著暖氣都正常,出邊都冇咁熱
而你話有銹 收車時冇,到你手先有同QC冇咩大關係

最緊要係個電門, 成日大力夾實拉都係特別易壤
ivanng213 發表於 2015-3-24 16:30


"21度著暖氣都正常,出邊都冇咁熱"
宜家部車個冷氣基本上只得吹風(即使A/C on), 確定失去製冷能力, 而非暖氣被啟動。
其實過去試過氣溫比現時更低, 但因為天氣潮濕, 冷氣開21度都有製冷。

"而你話有銹 收車時冇,到你手先有同QC冇咩大關係"
新車落地時無留音車門有無銹, 因為有銹的位置其實並唔容易發現。

部Freed落地兩個星期左右就發現有銹, 兩個可能性:
- 氧化係部車交到我手前已經出現, 但攞新車時未發現。
- 氧化係部車交到我手後的兩星期內出現。
而以前部AE110泊左係同一個室內場16年都未有同類情況, 好難唔令我懷疑其QC/用料。

"成日大力夾實拉都係特別易壤"
想問問點為之夾實拉?等我可以提醒下屋企人。
係唔係即係指大力扯道門?

我見平時佢地開門係用母指頂住車身,
然後使力禁開個鎖, 即類似開房車門的方法。

--
老實講, 身邊唔少親戚朋友同事都揸緊Honda都未見有問題。
買車前都有問過佢地意見, 佢地都覺得買Freed okay。

宜家咁的狀況我都始料不及

TOP

我架Jazz 2年都冇任何問題, 睇黎你真係唔好彩....

TOP

"21度著暖氣都正常,出邊都冇咁熱"
宜家部車個冷氣基本上只得吹風(即使A/C on), 確定失去製冷能力, 而非暖 ...
poopies 發表於 2015-3-24 16:57

冷氣你試下開Lo啦, 一係開車頭除霧就知壓縮機係咪正常運作

車門有銹 唔知你邊個位 如果係螺絲嘅話都正常...我果部用左2年都有少少 到而家4年幾都係咁 冇咩大問題


    門鎖問題..我以前多數都係遙控開哂門先 絕少拉門抽,因為感覺太易壞

TOP

本帖最後由 Oops 於 2015-3-24 18:15 編輯
"21度著暖氣都正常,出邊都冇咁熱"
宜家部車個冷氣基本上只得吹風(即使A/C on), 確定失去製冷能力, 而非暖 ...
poopies 發表於 2015-3-24 16:57


電門㩒完掣/輕輕拉一拉handle 就好放手等佢自動開關, 唔好繼續拉住度門

TOP

本帖最後由 poopies 於 2015-3-24 18:32 編輯
冷氣你試下開Lo啦, 一係開車頭除霧就知壓縮機係咪正常運作

車門有銹 唔知你邊個位 如果係螺絲嘅話都正常. ...
ivanng213 發表於 2015-3-24 18:13

車門的銹係車內司機門紅圈的位置, 車門框並非螺絲位。
平時坐司機位唔為意,當時我係走車cam電線的時候先發現。
images.jpg
2015-3-24 18:21

Call返sale + Whatsapp張相比佢, 當時佢都無解釋,
只係叫我隨時揸返部車返大昌比佢處理。
可惜張相換手機時無backup, 如果唔係可以比大家睇睇。

因為Keyless平時好少拎條匙出黎, 但睇黎以後都要改用遙控開門/上車後係司機位開門比人。  

電門㩒完掣/輕輕拉一拉handle 就好放手等佢自動開關, 唔好繼續拉住度門
Oops 發表於 2015-3-24 18:14

咁我確定屋企人同自己都無用錯力開度電門。
奇怪的係最常用個度右電門反而無問題。

TOP

大昌Check車真係得啖笑!
試過頭燈有個細燈膽燒咗, 想Check車時順便換埋!
留車時就話乜都得, 攞車時竟然無整過!
成三千銀Check車, 我懷疑佢地根本無做過任何嘢!

TOP

聽落我覺得架車咁多問題真係搵你笨咁...   我部自己錢七 十幾年車都無呢D問題鐵銹我覺得應該唔係短時間會出現... 由其新車

TOP

講銹我朋友部新豐田都有....
至於冷氣,雪種問題?

TOP