港人免試換領內地駕駛證

本帖最後由 lavers 於 2015-4-11 13:37 編輯

好多年前已經想搞返個大陸駕駛執照,今次趁復活節假期上去搞,順便寫個報告俾大家參考。

三月頭開始做功課...
參考了香討啲師兄意見
睇過車管所嘅指南 (香港机动车驾驶证免试换领机动车驾驶证业务办事指南 http://cgs.stc.gov.cn/Article/fwzn/qtsx/103452725.html
問咗唔同途徑辦理過程及收費 (詳情在後面)

結論:最麻煩係要有"境外人員住宿登記表",即係住址證明 (其實我每個月都返東莞,自己都可以搞到住址證明,不過東莞住址證明係要去返東莞車管所辦證。由於計過搭車費用及時間考慮,都係決定在深圳搞。)

深圳有三間車管所可以辦理"港人免試換領內地駕駛證"業務 (西麗、福田、羅湖) 由於實行網上預約制,去之前一定要上網預約左先,否則唔受理。
網址:http://cgs.stc.gov.cn/  (網上預約服務 -> 香港机动车驾驶证免试换证)
填上申請人資料:
1.姓名
2.身份証號碼(揀境外人員身份証明,之後輸入香港身份證號碼 A123456(7))
3.大陸手機號碼
4.選擇車管所同時間

西麗、福田 經常有額,約當日都得。
羅湖 日日都爆額,00:00放出嚟一分鐘就爆滿!便民店都話好難預約到,所以佢哋一般都係幫你預約西麗、福田。
其實佢哋嘅費用係包咗專車蛓你去車管所的,邊間都冇所謂。但係我在31/3早上十點幾無聊睇下深圳車管所預約情況,居然俾我見到羅湖有額,於是我就即刻自己約咗先!

辦理過程及收費詳情:

香港
李x:HK$1920/RMB$1600
鏗x:HK$1980

流程:
身份證、回鄉證、駕駛執照副本及證件相(需做光碟)
付款
約定某一日申請人親身到深圳火車站由專人帶到深圳車管所辦理
一星期工作天後在香港取證

大陸
羅湖關口:RMB$1200(打電話問佢話要先上去佢哋店面登記資料及付款,再約幾日後再親身上去由專人帶到深圳車管所辦理。即係要上深圳兩次!)
梅林便民店:RMB$900(要在TB下單付款,位置比較遠)
羅湖車管所便民店:RMB$980(問咗三間都係一樣價錢)

最終揀了羅湖車管所隔離的某間便民店幫手,辦事流程如下:

30/3:用即時通訊軟件問價錢及流程。

31/3:好彩地俾我自己網上預約到羅湖車管所7/4PM時段,把回鄉證副本發給便民店準備資料。

7/4:2:00PM 親身到佢哋店面影相,提供香港身份證、香港回鄉證、香港駕駛執照給他們影印及付款。3:00PM 專人帶到羅湖車管所辦理,唔洗5分鐘就搞掂。(由於我自己預約了羅湖車管所,所以行過隔離就搞掂。否則佢會有專車接送到深圳其他車管所辦理)辦理完就走得,三個工作天後取證 (便民店會幫你代領,佢可以幫你寄速遞到香港,郵費三十蚊到付就可以了。我冇問到係HKD/RMB,因為我朋友幫我代領)

10/4:下午我朋友幫我到便民店取證,佢即刻影咗張證send俾我睇,於是我就即刻跟李x網站個"網上查證中國牌教學"去驗下張證,點知入咗資料按確定冇反應。於是我用QQ同深圳車管所聯絡,佢問我個駕駛證上面個檔案編號及姓名,check完之後回覆我話"一切正常"。

總結:

自己一腳踼 - 有時間,有能力自己搞到暫住證,又唔怕走嚟走去的話... 最平!
大陸代辦 - 只需要事先俾回鄉証資料做暫住證,其他的資料辦証當天才影印及交俾車管所... 價錢適中!
香港代辦 - 要事先在香港俾晒所有資料,其實佢哋都係轉介俾大陸代理搞... 最貴!

後記:
大陸啲便民店真係好鬼好生意,當日我一個鐘頭內已經見到有幾個香港人問免試換領內地駕駛證價錢,仲有好多大陸人搵佢哋幫手續証。

自已搞係RMB$480 + 拍照費 + 體檢費

TOP

回覆 2# Sonyvaiolink

對! 但係要走嚟走去...

TOP

回覆  Sonyvaiolink

對! 但係要走嚟走去...
lavers 發表於 2015-4-8 13:38


    五年前自己搞都係上去一次一日搞掂,揾車管所隔離既影相舖幫手,全部加埋唔洗五百,證就速遞來香港。

TOP

五年前自己搞都係上去一次一日搞掂,揾車管所隔離既影相舖幫手,全部加埋唔洗五百,證就速遞來香港 ...
colaa 發表於 2015-4-8 15:03


係呀... 以前簡單得多又平好多... 但係由01-Apr-2011開始要"境外人員住宿登記表"

TOP

係呀... 以前簡單得多又平好多... 但係由01-Apr-2011開始要"境外人員住宿登記表" ...
lavers 發表於 2015-4-8 15:22



  我下年要續證了,唔知要唔要暫住證.如果要,我就想換返個地址去廣州但怕會仲煩.

TOP

即係話一個國內地址就要成過千蚊喇,而且全世界都用同一個地址登記"境外人員住宿登記表",以及自己嘅身份證明文件資料等都要比個三唔識七嘅國內代理,有冇問題嫁?

TOP

本帖最後由 lavers 於 2015-4-8 17:57 編輯

回覆 6# colaa

暫時續證就唔需要暫住證, 下年就唔知喇... 共產黨啲嘢成日改...

TOP

回覆 7# saya33

咁又唔係一個國內地址過千蚊...

RMB$980已經包了車管所收的辦證費用(RMB$480)
即係便民店收RMB$500包影相+體檢+暫住證

我個人覺得全世界用一個地址唔係問題, 其實只不過係一個通訊地址.
至於把自己嘅身份證明文件資料等都要比個三唔識七嘅國內代理, 的確係有風險. 所以建議大家如果自己搞得掂, 有時間, 唔怕走嚟走去的話, 都係自己搞啦.

TOP

要將自己嘅身份證明文件資料等都要比個三唔識七嘅國內代理,真係要三思!

TOP