見到好多人都換咗內地車牌,開個post討論下喺內地揸車有乜要注意

小心揸果D就唔駛講啦,我嘅經驗係車cam一定要裝,第三保一定要買大,因為就算100%唔係你錯,一旦出事有行人或騎單車/電動車人傷亡,好多時都好難全身而退,而家大陸閒閒地醫藥費就幾十萬,一條人命又一百幾十萬......

回覆 1# yytly
我老豆廿年中港車經驗同我講係香港既經驗唔夠就唔好渣上去   假日車一兩年牌果D就唔好
因為唔計撞車黨果佢地好多唔打燈唔睇鏡想出就出   只要撞到人就一定上身    講到尾就係慢慢渣 反應要快  由其燈口

TOP

回覆  yytly
我老豆廿年中港車經驗同我講係香港既經驗唔夠就唔好渣上去   假日車一兩年牌果D就唔好
因為唔 ...
love19901109 發表於 2015-4-11 17:51


    我有個朋友喺內地停路邊去車尾箱攞嘢,冇關車門,攞緊嘢時有部電動車撞埋度門,度門同架電動車只係撞爛咗少少,但個人就飛過度門撻死咗,警察判我個frd全責,總共賠咗百幾萬,扣咗保險,仲要貼五十幾萬

TOP

本帖最後由 lawlaw01 於 2015-4-12 03:27 編輯

部車要有三寶:迫力要夠剎,大燈要夠照,個鞍要夠響。

認真,路口轉綠燈一定要睇清楚先好去,好多老馮衝燈尾。如果你係頭車,側邊又有部大車,綠燈等部大車出咗先。因為行人單車電動車過馬路又係衝燈尾,大車遮住睇唔到,一俾油就隊瓜佢。平時盡量唔好行內線因位佢哋唔會小路讓大路 (例有寫無人跟),一係俾人攔腰撞一係要成日狂 dup 車讓人。

行高速未必一定要慢先安全。有時要快搵位走,唔好俾d大車box死。因為大車行行下爆軚,貨斗跌野出黎成日有,俾人box死咗無位走就硬食。

TOP

我最唔明係
如果香港小路出大路,小路要讓車
但係o係大陸,大路要讓番小路轉頭,小路D車仲要砍住出

TOP

本帖最後由 lawlaw01 於 2015-4-12 03:30 編輯
我最唔明係
如果香港小路出大路,小路要讓車
但係o係大陸,大路要讓番小路轉頭,小路D車仲要砍住出 ...
Bumblebee0523 發表於 2015-4-12 02:57


唔係。佢哋認為係先到先出,邊個搶到位就可以出,情況就同排隊打尖差唔多。

但係邊個先到,邊個遲到,好難拗。撞咗叫GA,知你係香港人,對方係本地人,GA 即時 case close 入你數。

TOP

大陸有句話:
做人要厚道,開車要霸道。你懂的

TOP

在大陸揸車最緊要話老爸是李剛

TOP

我最唔明係
如果香港小路出大路,小路要讓車
但係o係大陸,大路要讓番小路轉頭,小路D車仲要砍住出 ...
Bumblebee0523 發表於 2015-4-12 02:57


    如果大家都係普通道路使用者,大陸人冇法定優先嘅concept,佢哋認為搶先=優先。大陸紅燈可以右轉,規則係要禮讓行人先過馬路,但實際係如果行人掛住睇綠公仔唔睇左手面右轉車,隨時畀轉彎車隊瓜。久而久之,D人覺得睇燈都冇乜用,不如睇有冇車好過,所以後來慢慢形成“中國式過馬路”。

TOP

唔係。佢哋認為係先到先出,邊個搶到位就可以出,情況就同排隊打尖差唔多。

但係邊個先到,邊個遲到,好 ...
lawlaw01 發表於 2015-4-12 03:23


    所以我强調車cam同第三保嘅重要性

TOP