中港車牌首次過關問題

我有架私家車岩岩辦好新申請中港牌手續,
岩岩拎到國內機動車行駛証<藍色果本>
而家要上大陸上牌

想問一下第一次過關流程是如何?<深圳灣>
我有張封閉道路通行許可証, FOR 香港呢邊過關用
但是大陸果邊應該點做? 是否拎住駕車入出境簽注呢張就OK?
過完關是否只能去上牌的地方而不能去其他地方?<大陸班同事叫我渣返廠先, 佢地再去上牌>
還有就係我上到大陸大約仲要辦咩手續?
我手上仲有幾聯的粵港澳機動車輛往來及駕駛人駕車批淮通知書..........

未徹底做好晒手續係咪只有司機可以渣車過關而不可以載客?
香港車係咪每3個月要返黎香港一次?

大陸廠班同事咩都話得, 無牌過關又得, 未攪好手續載客又得, 架車長期放大陸一年先返黎一次又得~
我想問清楚, 上到廠先出問題還好, 佢地自己攪, 但中途係大陸被公安截就麻煩~
問香港檢驗中心果D人又唔肯答, 乜都話唔知唔清楚..............

有無有經驗的CHING可以幫幫忙?

THANKS

本帖最後由 archy 於 2015-5-5 03:40 編輯

開車過關前要去深圳灣先註冊指紋

上車前要先報到底邊個司機渣車首次上牌
首次係可以車人,不過車人煩到爆炸,唔好自己玩自己
吉車過關就唔會有咁多麻煩野,要玩車人上好牌先慢慢玩

過左香港關時出去已經要在深圳灣關外做托印
(即係好似驗車果陣mark底車架及engine)送去梅林上牌用
然後再去梅林上牌(車牌及貼車卡,即過關卡)
深圳灣再拎個一年換一次電既衛生偵測器
作用係每過一次關收你一次消毒費2蚊(要預繳)

另外如果個人未渣過中港車
即係個人未有人牌,需要另外辦埋人牌
一個人可能係無限架中港車既註冊司機,但人牌就係得一張,
你渣邊架車過關人牌都一定要跟住架車,唔係過關就扣人扣車

未做過,乖乖地搵個中介幫你上牌,幾千蚊唔好慳,
當你自己上一次牌你會知道係前所未有咁麻煩。。。

架車90日要返香港一次
唔返既話第一次罰錢警告(幾千蚊)
第二次倍加,之後可以扣人扣車

另外記得千奇要記住,過關時最左面為空載通道
有帶人果陣千奇唔可以行入去,如果行左入去
扣車扣牌扣人,架車同個牌係近乎永不超生,
係不會接受你任何唔識,唔知,唔小心為解釋,
因為你行空載車又帶人叫走私人蛇。。。

TOP

有錢人親一個


我搭單想問, 大陸藍牌車點囉到香港牌?

TOP

有錢人親一個


我搭單想問, 大陸藍牌車點囉到香港牌?
shingokin 發表於 2015-5-5 15:35



正宗黎講係大陸公司來香港投資5000萬以上

不正宗就三個字:【你懂的!】

TOP

有錢就咩都得啦,何況區區一個兩地牌

TOP