自己換 2000年 ACCORD CG5 防盜車匙感應器
架車大半年前已經間唔中撻唔著，而撻唔著時錶板個綠色鎖匙公仔會閃，證明讀唔到條車匙入邊粒晶片。
後來到7月尾，就撻50次車都未必有1次可以撻到車。
經全能既GOOGLE大神幫助，終於搵到相似既徵狀，發現係個感應器失效。
由於架車係香港行貨車 (美版)，結果去 大X行 零件部問，結果係冇貨，訂要等三個星期，盛惠$1400!
由於要等3個星期，所以放棄訂零件。回家再用全能既GOOGLE大神，終於搵到AMAZON竟然有貨，重要肯送香港，連運費不用HK$600!
經過漫長既等待，今日終於收貨，放工即刻開工!
之前已經搵定點換，估計得幾個步驟應該好易。
過程冇影底，因為諗住好易好快完成.......
步驟1，3分鐘就完成
步驟2，5分鐘就完成，因為開始熱，同埋條線個插頭好實.........
步驟3，攪左成個鐘，因為粒鏍絲係後邊向入，鏍絲批好難入.......
步驟4，有經驗後，用左20分鐘
結果，係架車到焗左個幾鍾先換完，個人全身係汗...........
拆出黎舊零件
不過自己整左呢個問題最少慳左HK$800零件費再慳埋人工 |
|
|
簡體版
訂閱頻道
訂閱電子報
發表於 2015-8-10 22:41
| 
