大陸買二手車, 訂金已經俾左

Opel Zafira 2002款, 1800CC AT

人在大陸, 換左大陸牌幾年, 終於的起心肝儲錢買架車用下, 錢唔係儲到好多, 又怕自已考牌後幾年都無開過車技術生疏哂, set budget 三萬蚊諗住買架廢鐡練下手車先

去到二手車場, 一遇到佢就俾佢隻門既手感深深吸引..........我朋友果部豐田皇冠, 三十幾萬既車果隻門都無咁正既手感呀大佬!

我手上既係自動波牌, 三萬蚊budget響大陸二手車巿場黎講, 想買自動波既二手車真係唔係好多選擇, 睇下其他車款, 二萬零蚊既國產二手車, 連門都關唔冚, 二萬幾蚊既Buick, 望落去都覺得佢甩皮甩骨, 真係唔敢買!

俾一晚時間向己考慮:
- 13年車可能好多問題, 不過我覺得自已有足夠心理準備, 三萬蚊買自動波二手車都九成係咁上下年紀
- 呢個品牌響大陸唔係好common, 維修成本肯定會高, 零件可能都唔易搵, 不過未試過又唔知姐.......
- 車身重, 又大部, 實食油, 都預左架啦, 可以坐到七個人既車仲用到1800CC既引擎, 點都唔會好似3200CC果D咁大咬掛?

如是者, 諗左一晚, 第二日搵個開車房既朋友去試車, 佢都話部車既condition OK, 唯獨是維修同零件會比較麻煩, 我對車可以話無乜認識, 就坐響司機位側邊feel下佢行緊時既感覺.............suspension既感覺好正!

呢部車個power steering仲係行緊油壓, 第日換車果陣可以比較下行電既power steering有咩唔同了

今時今日, 響大陸買架德國品牌, 坐到七個人既MPV, 無三十萬都肯定落唔到樓, 仲要係祖國組裝既"合資車", 而家呢部車係100%進口版, 有種"蔗渣既價錢, 燒鵝既味道"既感覺, 真係令我非常衝動!

二手車場報價35000, 朋友幫我殺價殺到33000, 即時落訂, 呢個星期尾應該可以去攞車, 不過, 過戶就仲需要多少少時間

想問下各位師兄, 部車買番黎有D咩要執? 除左機油, 波箱油, brake油, 冷氣隔, 風隔, 機油隔, 車胎, brake皮, 仲有D咩?

全新雙田入門都係6-7萬人仔,做也3.3買架二手車

TOP

回覆 2# milkycloud


    唔係啩? 莫講話全新, 二手本田Fit都要三萬幾, 我個人又大份, 有得選擇都係買架大少少既車好..........

呢部車始終太舊, 就算無事無幹俾你開到三兩年都應該係時侯將佢報廢換過部

TOP

TOP

本帖最後由 benyeung 於 2015-9-15 01:02 編輯

回覆 4# milkycloud

大陸既Volkswagen Jetta, 新車都好似係咁上下價錢, 不過最平既配置肯定都係棍波(除非成個車款都只有自動波版, 但係定價就肯定要同其他同級車款睇齊, 唔會賣到咁平頂爛巿), 而我只係考左自動波牌, 就算同型號既車, 除左波箱之外其他野完全一樣, 自動波版比棍波版起碼貴一萬

我最初set既budget只係三萬, 而家車價三萬三已經超支10%, 再加埋車行只係同部車買交強險(保障範圍我都未清楚, 估計係車身損壞果種)而無買到商業險(即係香港既"第三者保險", 大陸並無強制車主買呢樣保險), 自己買商業險使費要過千, 部車到手後實有野要執, 呢度隨時兩三千都有之, 到最後埋數果陣, 好可能已經超支30%

你而家同我講七萬鬆D可以買到新車, 對我黎講已經超支100%以上, 根本唔使諗, 再講, 我根本就無乜路面經驗, 咁多年無掂過呔盤手車實生梳左, 隨時仲差過新牌仔, 第一架車買咁大部我真係覺得會"到處簽名", 使多一倍錢買架新車咪盞加倍肉痛!

TOP

講真,大陸買低價二手,維修暗病既錢分分鐘係返到,而且揸緊既時候黎料,我怕你得不償失

TOP

可以考慮呢架
http://newcar.xcar.com.cn/258/

TOP

如果部車無大撞.主要機件波箱引擎無整過打算用來操車粗用都可以.話曬都係全入口車.質量有翻噤上下.
全車油水.各過濾格.剎車皮換曬都唔會好貴.大把大廠牌子選擇.同埋唔知行咗幾多.有機會要換埋皮帶.大陸搵唔到零件咪HK買.唔怕無得整

TOP

BYD? 唔搞啦, 新車賣到咁平都唔知閹割左D乜野部份..........

其實我都預左, 三萬銀買大陸二手車同幾千蚊響香港買架廢鐵差唔多, touchwood講句, 唔好彩既話半年至一年左右維修費就會追上車價, 不過我有朋友仲日日都用緊95/93年既Hyundai Elantra, 除左食油之外其他野都仲好地地

架車行緊果陣出事, 我覺得最多都係水滾, 死火, 斷估都唔會爆炸, 又或者係好似頭文字D咁谷爆偈, 甚至好似D搞笑電影咁甩波棍甩呔盤, 連brake都無反應咁大鑊掛?

我果個開車房既朋友睇黎睇去都只係見到兩樣野整過, 一件係右大燈唔係原裝件(我完全睇唔出), 同車後邊左右兩度門都試過斷"穩定杆" (限制開門幅度果條棍), 架車如果出過事肯定唔止咁少野整過, 所以我都好放心落訂, 直到而家都興奮到唔想訓

TOP

回覆 8# cacacaca

師兄, 如果呢D零件響大陸真係搵唔到要番黎香港買, 大約係咩價位?

呢部車咁舊, 我都驚驚地會搵唔到consumable parts

TOP