大家點睇 " 電子道路收費 " ?

hkstanley

唔知有幾多人會睇佢份諮詢文件, 不過我今日睇完, 覺得係有用既...
雖然未必大大大降減中環既塞車情況, 但參考外國, 都減15%車, 同增加25%車速...

http://www.erphk.hk/download/document/ERP_PE_Doc_whole_doc_tc.pdf

我反而唔想佢用RFID方式去DETECT架車, 因為要係車上裝多舊野, 到時又要我地俾錢, 又要拉線去車頭.
我支持佢用車牌識別技術, 雖然D人話怕私隱問題, 講真, 你用八達通都有私隱問題啦, 咪人人都用. 又好似autotoll咁, 佢都知你幾時過海啦, D人咪又係申請....

大家點睇喔?

backspace-hk

唔知有幾多人會睇佢份諮詢文件, 不過我今日睇完, 覺得係有用既...
雖然未必大大大降減中環既塞車情況, 但 ...
hkstanley 發表於 2015-12-23 11:53

車牌位置有高有低未必 detect到，加埋autotoll用就 very good，因為唔想再裝多一舊野。
豁免和優惠就 noway 喇，任何車入得條路就佔用左道路，所以所有車包括政府車，警車，救護車，小巴同巴士都要比錢，越大部就越收得多D。
問題:
例如老細車，過D入左收費區後係條路等老細唔陏又點處理?
電子道路所收取的費用又會否用返係道路到? 例如啲爛路，東一忽西一忽鄧到 high high。

最後我係反對電子道路收費，因為而家個政府太廢做嘜都唔掂，加上我地D車主又年年比牌費而家又加多樣收費，咁就緊係反對!

btgirl1231

中環係一個上班地方,最要原因得2種,唔夠停車場和太多接老闆私家車
當佢真係話收費時段,開車食飯果班大老實會出來話左佢地食飯,而有錢老果班根本都唔自在果張$320
樓主故講得對,車牌識別技術係最好方法,又可以學下大陸果種,1.3.5就單數,2.4.6就雙數可以開車出街

ckkong97

中環係一個上班地方,最要原因得2種,唔夠停車場和太多接老闆私家車
當佢真係話收費時段,開車食飯果班大老實 ...
btgirl1231 發表於 2015-12-23 12:34

    我諗起果個BB6889 車牌 字體仲要6，8同9 都係差少少

love19901109

其實邊個會得閒無事入中環...塞到扒係到   入得既都有野做
有冇收費 有野做要入就要行

hkstanley

其實邊個會得閒無事入中環...塞到扒係到   入得既都有野做
有冇收費 有野做要入就要行 ...
love19901109 發表於 2015-12-23 13:07

    入得去, 一定有野做, 咁就更加要收費, 呢D係佢地做野既成本
    如果去中環為左接女神放工, 一係俾錢, 一係叫女神去灣仔坐佢架車
   
    關於等老細車問題, 文件內有講過一種收費方法, 如果架車係中環超過一個小時, 佢經過既所有收費點, 都要收費, 好似singapore, 一個區有成 70個收費點, 如果架車一個小時內走, 只收最貴果個收費點價錢, 如果超過一個小時, 就每行一個, 俾一個... singapore果邊, 繁忙時間收成$50港紙, 一架車最少都掂到三四個POINT啦, 咁都成二舊水架

    好多人話老細車, 唔自在果幾十蚊, 但我又唔係咁睇, 愈有錢既人, 就愈緊D細數, 佢會叫個司機, 你去灣仔等我, 夠鐘我再CALL你

    其實IFC出面成排老細車係到等, 都因為唔會抄牌, 又唔駛俾停車場收費, 有位等咪等囉... 但如果等既時間每分鐘都係成本, 佢地應該未必咁做. 就算真係老細肯俾錢, 咁政府都叫有收入啦, 咪同抄牌差唔多囉

ckshum

技術係得，但解決唔到塞車問題。諮詢文件連塞車成因，包括車輛目的地、行程原因、停留時間、車位供應、路線規劃、交通管理，全部欠奉，只歸咎太多私家車，點會解決到問題！

好似最塞既皇后大道中、畢打街一帶，所有灣仔、金鐘西行車輛，無論往上環海旁一帶或半山堅道一帶，都必行經該處，沒有替代道路。運輸署應對症下藥，研究如何分流該處的車輛，大膽想法例如將遮打道改為西行，或者容許車輛從金鐘道右轉樂禮街出干諾道中。

hkstanley

技術係得，但解決唔到塞車問題。諮詢文件連塞車成因，包括車輛目的地、行程原因、停留時間、車位供應、路線 ...
ckshum 發表於 2015-12-23 17:15

    你都岩架....
    不過都有好多車係由西隧出去返灣仔銅鑼灣果邊... 希望中環灣仔繞道起完, 會有幫助

    我平時放工坐果個SHUTTLE BUS係九龍開去跑台山, 次次一出西隧就係中環塞到演藝...

nuuanu

理論上有用，但實際係香港實行唔到

1. 無法公平地介定那些區域要收費，以後車輛可能駛往非收費區等候，使非收費區更擁塞。
2. 無法有效益地收費，科技上 RFID 或車牌辨識係可行，但係實際有冇經濟效益? 而家講緊每一部車都要有一個帳戶，而家車輛數目72萬，每月或每期要人手處理72萬個帳戶，仲要有人追數核數，收費能否收支平衡?
3. 為何其他更有效的方法不用? 增加違泊罰款，增加汽車登記稅，增加牌費。

silvermyfd

挖隧道，起天橋，改燈位時間吧
成日用埋d旁門左道
塞來塞去都係幾果幾個地方
中環鏞記食飯街
紅隧
跑馬日跑馬地
油麻地停車場5號幹線
大老山隧道
旺角道垃圾站
彩虹地鐵站上落橋位
太子道東譽港灣
亞皆老街旺角東站
針對性地睇返每個地點的道路設計問題，我認為係政府冇心從根本解決問題
而家個政府係：塞車？叫d人唔好揸車囉。反智