第一次睇車買車!!

各位ching,本人第一次買車,起2X Car 睇中架 07 jazz 0手車,不過聯絡人表明係大行TRADE IN 車,請問呢D車有冇問題同有咩要留意?謝謝!!

2x car 買大行trade in...
不如直接去車行睇車...

TOP

回覆 2# yjfoeg

係囉,大行trade in車通常自己有二手車部賣,擺上2x car賣可能部車太cheap,大行自己唔做,又或者有其他原因,咁樓主自己諗吓啦!

忠告樓主一句,在車行買車要千萬個小心,唔好信晒人,簽任何文件都要看清楚,落訂一定要簽買賣合約,唔好信車行淨係開張收據比你,否則隨時坐地起價

TOP

Jazz都算多盤,點解唔搵D私人?

TOP

咁岩佢放出黎架車隻色係我想要!!!
即係0手都可能有問題?

TOP

本帖最後由 misugi 於 2016-3-30 23:05 編輯

其實我唔覺得有乜問題,可能我部車都係車行買(去到先知),我果架都係trade in車,日產果間代理,標話0手,但去到已變1手,問佢點解,話因為擺得耐得滯,要轉左名先,佢有比牌簿我睇,車主名係寫左當時既日產代理那車行。睇完試完,就即落槌,架車到而家唔覺有乜問題,是09年買的。
我有問過點解架車唔係擺o係佢地公司既二手車場賣,佢話呢D平車擺去果D大場成本好高,擺得兩、三個月賣唔出車場租都蝕埋,所以成堆平車會集中o係一個cheap D既停車場,擺上網賣,有人問先叫佢去車場睇、試。
講到尾都係睇架車有無問題,私人讓既亦唔保證架車無野…,而家有幾間驗車公司,真係擔心既可以搵佢地驗過先,如果賣方唔肯既,咁都知咩事,我朋友之前都係車場買車,搵驗車公司驗,買左之後換油時發現一樣野驗唔到,里數 ,其他野一概無問題。

TOP

大行trade in車,有d sales自己有米既就會出錢收咗佢.尤其呢d熱門貨5憂賣,5會比行收.因為行收咗就個個sales都賣得.反而d冷門車先交返公司,又或者個sales冇咁多財力.细佬新/舊都做過,大概知點運作.最 so既係銀行/財務既 tender車,但要有門路先買到.

TOP

牌簿幾手問題,一般舊車主交收新車果日會簽埋份交收纸,架舊車若果行收就入倉,分行經理一般會以30-45日為期,賣得切就5會過户多咗一手又多咗手續(過户)費.有客試就一定掛紅牌.賣5切就要過户入行名.呢d都係分行經理決定.照計07 Jazz好易賣?或者咁啱遇着過年又或者隻色較特別?否則好少要賣兩三個月先走到貨.

TOP

架車都係新放出黎,之前未見過!!

TOP

本帖最後由 mo9394 於 2016-3-31 10:48 編輯
2x car 買大行trade in...
不如直接去車行睇車...
yjfoeg 發表於 2016-3-30 18:51


我經驗係會執到好野

sales 會接trade in, 用自己戶口, 公司會借住一定數額的車俾sales 自己搞掂, 好多sales 手頭都係五六部呢D 車.
如果幾個月內自己賣得出, 個差價自己賺晒, 交番個trade in 價俾公司, 公司唔會理你賺幾多. sales 開頭開價會高, 賣唔出, 手上多左車, QUOTA 爆, 就會慢慢減落去. 佢地熟車價, 你未必會搵到平靚正, 但一般俾人呃出事的機會細, 好多SALES 都唔介意俾埋咭片你, 叫你介紹多D 朋友接佢的TRADE IN 車, 佢地都想有回頭客.

一個角度睇, trade in 車, 即係原車主係買新車所以trade in, 你可以諗下原車主買新車, 手頭多數鬆動D. 上部車通常都係 0 手 1 手多, 唔想麻煩自己放車, 蝕D 錢都Trade in 就算慳時間, 通常D 車做保養, 做維修都應該跟得足. 有無撞過就自己睇.
我部車接的時間差唔多十年車, 但係新得好誇張, 全車外面接近無花 (少少彈石仔d 唔計), 後座接近無人用過的痕跡, 車頭零件企理無維修過. sales 話上手車主係女護士, 部車主要渣車番工放工, 假日用佢老公車多. 佢老公在某某車代理打工, 可以超平價維修, 所以部車十年都係原廠維修, 咁啱個牌子轉代理, 無得再平價整車, 佢先放走部車換新車. sales 講的, 聽左信唔信自己諗喇, 不過聽落都幾合理 (合理, 但未必係100% 指我部車 ). 部車接左番黎幾年, 無大野壞過, 淨係換過個喇叭同尾燈

TOP