禁止停車的限制區(禁區)

有2個疑問?
1. 假如响禁區淨係停車冇上落客,例如打開車窗交收物件,咁警察可唔可以抄個司機牌?
2. 有貨車禁區,有的士禁區,有冇淨係"私家車"禁止停車的禁區?

限制區除左不能上落客, 亦不能上落貨
你覺得將物件移離車廂算唔算上落貨?
即使12(在限制區內讓乘客上落), 13(在限制區內裝卸貨物)告你唔到,
都可以用26(沒有遵從交通標誌)告你
因為限制區內係禁止停車

TOP

你都講咗禁止停車,當然唔可以停車上落貨或客啦!

TOP

本帖最後由 yjfoeg 於 2016-4-16 14:20 編輯

有冇淨係"私家車"禁止停車的禁區? <-
一般應該係公共交通工具先會有豁免區域, 相對黎講應該冇位係私家車唔停得而貨車停得

TOP

即係話就算個司機停車响禁區乜都冇做,就算一見到警察即刻開車走,個警察都可以截停個司機抄佢牌?

TOP

本帖最後由 kf 於 2016-4-16 18:40 編輯

禁區停車 你一見到警察即刻開車走 警察通常唔會追抄 你等警察行到埋嚟都末必抄
點解咁講呢因為我車泊龍門居停車場 回旋處24小時禁區經常泊滿車 有時差人揸車經過都唔理 宜家D警察 打工炸......不過記住 違法就係違法 被抄就唔好攞手機影差人兼爆粗

TOP

回覆 5# wyhui5124
佢未埋到黎/ 未開聲你已經走, 差佬一般唔會抄你

TOP

放你係人情, 抄你就係道理

TOP

即係話就算個司機停車响禁區乜都冇做,就算一見到警察即刻開車走,個警察都可以截停個司機抄佢牌? ...
wyhui5124 發表於 2016-4-16 17:45


你可以解釋壞車, 解釋身體不適, 解釋前面有狗.

但如果沒有合理解釋, 條例上炒得, 因為無明確寫明幾多分鐘先叫唔得.

TOP

回覆 2# StAsh818

據我個人的解讀,《道路交通(交通管制)規例》第14條第6款和第7款有關限制區的規定,只規管"於限制區內讓乘客上落"或"於限制區內讓乘客上落",並無禁止停車的條文。然而,非因交通理由停車,已有可能觸犯《道路交通(泊車)規例》有關違例泊車的條文。

TOP