今日去左換大陸駕照,要等一個月。

本帖最後由 ethan65 於 2016-8-10 22:42 編輯

本身想係深圳搵蛇頭幫搞,但怕危險/昆人之類,所以無去到。

大陸有自己地方住,係惠州,方便辦 境外人員臨時居住證(全名好似係咁),以前叫暫住證,依家改左名。
不過自己搞都幾麻煩,用左兩日去搞。

11點幾返到大陸,辦臨時居住證,然後食飯,車管所中午-2點 食飯時間,所以要等到2點,一開始去附近車管所,但原來吾係間間受理,要去返市車管所,自己開車都成個鐘-.-

(網上師兄話相片影印一定要去到先搞。)
去到車管所,填表---出返去影相影印---體檢(真係好簡單,視力 色盲,問身高)

然後返去車管,俾左張野我,叫我去吾知邊到蓋章,條友普通話真係亂來,
我朋友大陸人都聽吾明,之後出去問,搞一大輪,都吾知去邊搞,又返去車管問,又吾知個條友up咩,一直嘈,後來格離窗交警話 宣誓那邊,但去到又話吾係,同埋差不多5點,有d收左工,問吾到,如果條友講清楚,可能一天搞到。

第二天一大早就出發,又塞車又大雨-.-
直接去宣誓果邊問,因為琴日有d收左工,又話吾係呢到蓋章,真係頭都大埋

返去車管所問,今次醒目,去其他窗口,呢個正常好多,話去 考試股 蓋章,1號行政樓 。果邊好多考生,等消息之類,考科目一。
成功蓋章,之後車管話要等一個月,要審查我張駕照係吾係真,張駕照佢地要keep住,等電話通知,到時再交錢,拎香港同大陸駕照。

總結

自己搞好麻煩,因為要最少兩日時間,一日辦理,一日拎證(可以搵人代拎)
同埋有d同網上教學有出入,可能地區問題,例如:蓋章,吾記得張野內容係咩,淨係要自己簽名,搵人蓋章。
要審查、一個月先有證、到時再付款,都同網上有d吾同。
重點吾同,係''無得''郵寄張證。

提提大家

1)如果想自己搞,一定清楚當地邊間車管所有得辦理。
2)體檢吾收現金,一定要卡。地區問題。

以前自己搞半日, 前排帶過幾個朋友搞, 一樣半日

TOP

以前自己搞半日, 前排帶過幾個朋友搞, 一樣半日
用尸名 發表於 2016-8-10 22:50

正路半日,因為第一日搞錯地方,去到都差不多4點,車管5點收工
不過都係覺得代辦比較好,唉...

TOP

本帖最後由 7喜 於 2016-8-10 23:51 編輯

大陸政府部門好多收費只接納刷卡,全部政府收入要直接上國庫,唔比現金過手,10蚊20蚊收費都要刷大陸銀行卡,或者銀聯卡,除非你去稅局交稅(買房買鋪),稅局大樓有財務部,就可以用現金交錢

大陸政府好多小動作,等你正途唔容易搞到,要比錢去搵人代辦,要百姓從中養活另一班人,即係要市民洗錢去創造其他職位

我張證早你大半年到手,即日搞,即場攞證,每個地方既車管所做事都唔同
我識人今個月國內考到證,唔比現場攞,要指定用EMS寄(中國郵政、即國企賺你錢),EMS記錄顯示考獲當日寄出,即係根本就做到即日現場攞,有部分車管所係都唔比你到手,要你比錢養國企

大陸既野係無準則可言,直接講即係不知所謂
你呢個只係開頭,起路面開車你會白明點解以前既人用錢買駕照,所以今時今日班友開車都係亂咁黎
到你有機會違章既時候,你仲頭痕,會覺得好多野都唔合理,異地違章你有錢比都唔係你想比就比到
開車經過某些村落會有人強收路費(政府公家路)
泊路邊食飯,出來取車會有人擋住你唔比走,老屈你停車費(政府公家路),比幾錢隨佢開價

TOP

留意大部分市區臨近燈位都有一條實線隔開車道,當你行緊快線發覺地下出左箭嘴迫你只可以轉左,而你想直去,如果你cut實線轉過右邊條線,比電子眼影到,會罰錢同扣分,好多陰濕野架

0001.jpg
2016-8-10 23:50

TOP

留意大部分市區臨近燈位都有一條實線隔開車道,當你行緊快線發覺地下出左箭嘴迫你只可以轉左,而你想直去, ...
7喜 發表於 2016-8-10 23:50

我果邊有d可以左轉+直行 或 只可以左轉,行熟左就無野,不過要罰款 真係吾知。

TOP

我果邊有d可以左轉+直行 或 只可以左轉,行熟左就無野,不過要罰款 真係吾知。 ...
ethan65 發表於 2016-8-11 07:43



   只罰錢咪事小

TOP

唔洗驚喎, 就算中招被扣分, 而家行情好似係500羊頂1分.  即係扣晒12分俾6000羊又係一條好漢.

TOP

只罰錢咪事小
用尸名 發表於 2016-8-11 07:58



    師兄你之前去辦理,張證可吾可以郵寄?

TOP

上2個禮拜先教個姪女去辦證.系深圳搞可以郵寄.第三日已經EMS收到.
惠州果邊唔同呱.

TOP