避震彈弓compressor

本帖最後由 鄧記 於 2016-8-20 21:54 編輯

有冇ching DIY换過避震?想問吓關於compressor嘅意見,睇吓邊種好啲。

上網見有人用呢種,呢個避震正係我架車嘅model。

mshock1.jpg
2016-8-19 14:24


但有人話呢種好易跣,好牙煙。上架車問人借嚟試過,因為條彈弓短(冇咁多圈),根本用唔到。想買呢種。短啲彈弓都應該得啩。

mshock2.jpg
2016-8-19 14:24


全部都係國產。西德貨要四百美金以上。請問有冇ching cf用過?邊種好用啲?

再唔係就拆咗出嚟成舊拎去車房俾人换。但係跟住幾年重有一兩架車要換避震,而且上次拎去車房啲工夫都好馬虎,要翻手做過,所以啉住買埋傢生DIY囉。多謝指教。

你想買工具自已外彈弓

TOP

但有人話呢種好易跣,好牙煙
鄧記 發表於 2016-8-19 14:28

在這例子,所謂牙煙,係指最嚴重真係可以死人的。
就算有專業人士做,我都會企遠D睇。

TOP

在這例子,所謂牙煙,係指最嚴重真係可以死人的。
就算有專業人士做,我都會企遠D睇。 ...
BEpsilon 發表於 2016-8-20 01:04 AM

如果好驚 唯有係地下訓橫再用風槍打出黎 有起事都係火箭彈射

TOP

有起事都係火箭彈射
lyh1993 發表於 2016-8-20 01:09

問題係火箭彈射方向不是由你控制啊。

TOP

見人通常用細炮好小人用喇喇卜慢慢上.

TOP

第一種會危險少少.仲有如果兩邊收的唔平均條彈弓會變形.親身見過成條彈簧彎曬.
第二種相對來較安全同受力平均.

TOP

本帖最後由 鄧記 於 2016-8-20 22:35 編輯
你想買工具自已外彈弓

原意就係,但係而家方案有變。睇過架車原來唔係post#1圖一個model,個避震弹弓係呢款,冇咁多圈嘅。

s1.jpg
2016-8-20 22:12


咁又遇返上架車嘅問题,圖一個種压缩器係收唔盡嘅。要用圖二個種,一便要夾個upper seat,咁就可以收盡。

s0.jpg
2016-8-20 22:12


但係而家架車個upper spring seat好似冇咁嘅設計,上網話要用呢種压缩器,响下面夹個lower spring seat:

s2.jpg
2016-8-20 22:12


所以而家嘅方案可能係要拎枝避震去俾人裝拆嘞。

就算有專業人士做,我都會企遠D睇。

我見過專業人士都瀨嘢。好多年前去新蒲崗彩X换死氣喉,見個師父仔個膝頭腫晒,就係俾條鬆咗架弹弓打到囉。俾專業人士做好處係自己唔駛置啲專用架生,幾年先用一次,唔怕嘥錢老婆都嫌阻埞。重有就係有乜風險唔驶自己孭。壞處係做得馬虎冇得跟,事後發覺冇得追。

唯有係地下訓橫再用風槍打出黎

拆就得。上網見好多人係咁做。不過始终有危險。上次俾個普通車房裝,個座冇對正,自己用compressor盡量收,都可以拆到,冇火箭彈射。但係好似上面提到,個種compressor收唔晒,點都唔可以上番塔頂鏍絲。最後拎去俾避震專門店裝。佢又可以將其中一枝個bump stopper反轉嚟裝,又要拎番去做過。專業人士都係咁㗎嘞。

見人通常用細炮好小人用喇喇卜慢慢上

車房梗係用風槍上嘅,快吖嘛。所有車同避震筒嘅manual都話塔顶鏍絲唔可以用風槍上,但係佢地話知你,震到條避震內傷你即刻唔覺㗎。本來行得七、八萬你五萬又要换,重做多單生意㖭。上次條Koni FSD都唔知係唔係俾佢震到內傷。

多謝各位ching回覆。請問有冇ching cf提供吓意見點樣可以壓縮到呢種小圈數嘅彈弓。歐洲車真係蝦人。冇計之下就拎去俾人做,要求佢要用磅呎錶,唔好用風槍上囉。

TOP

有冇ching DIY换過避震?想問吓關於compressor嘅意見,睇吓邊種好啲。

上網見有人用呢種,呢個避震正係我 ...
鄧記 發表於 2016-8-19 14:28



    我都係用你上圖個隻,要一對咁用,你相中果個仲有lock pin,穩陣啦
而且係全牙,你長短彈弓都岩用,你怕就再落多枝,行三枝應該冇走雞

TOP

回覆 9# 用尸名

多謝ching回覆。用有lock pin嗰隻個敗處係夾兩條相鄰嘅彈弓時,唔可以收得太贴。

長短彈弓都岩用

就係post #8嗰啲得三圈幾嘅短彈弓收唔到,一便夾到三條,另一便只夾到兩條,所以收唔到可以上塔顶鏍絲嘅地部。

係唔係可以用三枝compressor,一枝夾三條彈弓,另二枝夾兩條彈弓咁做法呢?

TOP