二手車過名問题

睇啱部二手車,上架驗晒,出左保險cover note, 但賣家話要留牌,問程序: 一齊去運輸署,賣家先搞留牌,跟住過名,出新車牌號碼,俾錢車主,去整新號码前後牌,裝回,揸走架車。

有無野留意?徐咪四間牌照署都可做?

唔該唔該。

留牌好似得長沙灣同金鐘可以做,吾知觀塘得吾得

普通轉名間間都得

其實好簡單,填好幾張form, 去到櫃臺同職員講轉名加留牌,佢會一次過整,幾分鐘就得

基本上你過左戶,比埋錢車主就會走人,做牌E D 自己慢慢搞

TOP

留牌只有長沙灣/金鐘先有得做。交易當日check清楚部車,過戶+留牌可以一齊做,新車主要帶臨時保單住址證明(有限公司買要帶CI)有自己套牌紙就可以一齊入埋做; 留牌錢記得問車主比,交易前再去望下部車先比錢交收車匙。最後更係套返個新車牌先好渣出街啦,祝你好運!

TOP

唔該晒,車主约我去沙田,原來沙田無留牌做,多謝提醒
問多句:買家個車牌號碼就由運輸署即時隨机抽,對嗎?非常感激。

TOP

係隨机抽

TOP

搭單問:
如果舊車主留牌 甘續牌費應該叫佢幫手整左先 定1次過 留牌 過户 續牌費3張form對哂埋去都得? 但系續牌費張表要填車牌號碼 留空比運輸署d人幫手填個新號碼上去?
最後系咪等叫名 去繳費就得? 五該哂

TOP

留牌及轉名兩個手續可一齊做,留牌用TD129, 轉名用TD 25, 兩張form, 留牌$560 賣家俾,轉名$1000 買家俾,留牌時運輸署會隨机抽過新車牌号碼,所以保險張cover note 車牌一欄要留空,  辦完手續去做新車牌掛上。只有長沙灣及金鐘做留牌。我個賣家就好人,行兩次,预先一日搞好留牌,做埋新車牌掛上車,再约我轉名。

TOP

正常賣家都會一齊做,好少會預兩日出嚟搞的,補充上面師兄沒預到的情況
除咗cover note車牌留空外,攞車時"正常"要換返新攞到的車牌號碼才可以出車的

TOP