有幾個問題請教下,關於NZE121

架車01年AT 想問下:
1.洗完蝴蝶掩洗唔洗甩電RESET?
2.承上題,當架車冇電,會唔會同甩電個效果一樣?(因為試過冇電會RESET收音機)
3.用防盜開鎖解鎖10次有8次淨係識著左邊死火燈,右邊一係好暗咁斬斬下,一係唔著,係咩問題?

另外仲有既係,有次冇渣9日撻唔著車,每撻一次間唔中打南磨附近就會"的"一聲,其他咩聲都冇
(咩野燈都開到,但唯獨CD機開唔到,原裝CD機個餅帶仔會自動"吞"出黎...D燈本身好光,撻左好多次就變暗,跟住防盜都唔夠力開鎖)
跟住搵左的士過江龍,但都係唔著,最後冇計搵拖車,但拖車黎到搵野博住舊電,跟住叫我一路撻一路
踩油竟然著得返,佢就同我講博得著就唔關其他事,只係舊電或打南磨問題或電器流電
咁我咩都冇整過,依家渣左半個月,今次先擺左2日,又唔得了<-(中途試過幾次都擺幾日,但著到)
不過估唔到死電會咩聲都冇,上網睇都話會難撻同撻撻聲典幾下先

4.想問救返既電普遍有幾耐命(環保電)?算唔算肯定係關舊電事?(電鏡綠色,電池燈冇著)

痳煩咁多位師兄教下我,Thx

本帖最後由 ckkong97 於 2016-10-5 09:31 編輯
架車01年AT 想問下:
1.洗完蝴蝶掩洗唔洗甩電RESET?
2.承上題,當架車冇電,會唔會同甩電個效果一樣?(因為試過 ...
laulaitsz 發表於 2016-10-5 09:19



    舊電用左幾耐?兩年就一定換左佢先,電上面通常都有日期寫住幾時換,就算舊電隻眼ok 燈著舊電都會死,我上果粒panasonic 電就係咁,日日用車開完粒燈ok,第二日早上已經唔夠電,房燈,指揮燈明顯暗左,著車要耐啲先著,換完電,正常晒
豐田既電池燈係死打南磨先著,今年年頭著過即去車房換打南磨
仲有環保電無晒電好大機會要換, 頂唔倒幾多次, 就算我用panasonic 水電都係頂多幾星期最後都係換....
買定舊救車尿袋啦, 唔洗次次搵的士....

TOP

舊電用左幾耐?兩年就一定換左佢先,電上面通常都有日期寫住幾時換,就算舊電隻眼ok 燈著舊電都會死 ...
ckkong97 發表於 2016-10-5 09:28

舊電一年多D....係囉,你都話要著耐D,但點解我第一次就連聲都冇,撻唔起 (無奈)

TOP

舊電一年多D....係囉,你都話要著耐D,但點解我第一次就連聲都冇,撻唔起 (無奈) ...
laulaitsz 發表於 2016-10-5 10:04


年幾環保電都分分鐘夠期

TOP

不過有冇師兄答到我4條問題,因為好想知

TOP

本帖最後由 mickey1234 於 2016-10-6 02:09 編輯

環保電,話死就死,乾過塘,基本上可以換,一粒新電用到幾耐都無人很定答到你,何況救返黎既。兩年換一粒,每次六七舊水,都係一蚊日者,想耐用啲就買靚電囉,但都無人保証你耐用,因每人用車習慣,行長短途都影響耐用性,如經常熄匙聽歌仲死得快

我試過最耐用既電係pan記水電,用左四年幾,常長途,返工車,即係一個星期駕六天,仲要每一至兩個月同佢加電池水

TOP

環保電,話死就死,乾過塘,基本上可以換,一粒新電用到幾耐都無人很定答到你,何況救返黎既。兩年換一粒, ...
mickey1234 發表於 2016-10-6 02:04


pan 記無出水電好耐, 佢而家果隻泰國造既電都唔洗入水, 我上果粒就係呢隻, 兩年零三個月...
而家換左粒pan 記藍電日本造(行貨), 如果同容量貴$200 度... 唔算貴, 不過我換大一個容量再貴啲, 睇下可以頂幾耐....

TOP

我尋日都去換左藍電行貸,電池鋪檢查後原來係有地方漏電,今次麻煩了

TOP

我尋日都去換左藍電行貸,電池鋪檢查後原來係有地方漏電,今次麻煩了
laulaitsz 發表於 2016-10-6 08:14

漏電有得跟 好過行車有怪聲呢d問題,

但你車頭燈閃閃下不如攪下佢先

TOP

漏電有得跟 好過行車有怪聲呢d問題,

但你車頭燈閃閃下不如攪下佢先
jazz2014 發表於 2016-10-6 09:10


    豐田車唔著車得燈同防盜,應該唔難搵

TOP