驗車要注意?

6年車要去驗

交比車房, 怕比人劏, 想問有咩要注意易比人呃錢?

朋友介紹去大圍通髮呢間野有無伏?

本帖最後由 rockie577 於 2016-10-28 11:37 編輯

自己去驗啦, 唔得先整, 車房驗起碼比多$1500, 無謂錢

TOP

近一年易約左又多地方有得驗。晚上驗又有,星期六驗又有。
除非自己真係無時間又或者錢唔係問題,否則自己拎去驗仲快同平。

1. 夠期換油未? 偈/波/刹/軚
2. 仲有無迫皮? 電筒照入去,最少見到有一個硬幣厚度。或者換開油問一問車房要唔要換。
3. 胎紋,呢樣唔洗教點check。
4. 如果換開油,叫車房睇下塵冚有無裂。(可以話轉灣盡軚有啲聲。)
5. 查下有無燈燒,安全帶同車椅定位有無問題。
自己拎去驗,如果真係唔合格會出張紙俾你。你攞張紙去兩三間車房做報價仲快同實際。搞掂再拎去驗都係俾多$180.

TOP

先問左有無熟人車房跟過驗車先
無就點都要比人搵錢, 去D信譽良好既代客驗車中心問

TOP

自己唔識驗, 比人驗, 全包$1000 (包政府驗車)

覺得都幾抵 (車黃會要$2500, 換油$1400超貴)

不過唔熟車, 所以驚比人呃要整呢樣果樣

不過朋友介紹呢間, 希望唔會伏

TOP

本帖最後由 mo9394 於 2016-10-28 12:47 編輯

自己拎去驗, 驗左肥佬無蝕底, 除左蝕少少時間, 唔明你擔心D 乜

人地打完咁大篇心得, 最後又去搵番間朋友介紹的車房, 問人你朋友介紹信唔信過, 你唔信你朋友我地幫你唔到

TOP

自己拎去驗, 驗左肥佬無蝕底, 除左蝕少少時間, 唔明你擔心D 乜
mo9394 發表於 2016-10-28 12:46



    驗車唔係每次5舊水?

同埋我估都有野要整, 自己完全唔識車

TOP

驗車唔係每次5舊水?

同埋我估都有野要整, 自己完全唔識車
ckarea 發表於 2016-10-28 12:48


小問題, 即日番去唔收錢. 大問題即日你搵唔到車房搞, 就 14 日內收百零蚊

平時換油執頭執尾有無車房跟開? 有的話多口吹下水, 叫人望一望, 頂多換下雞脾, ZIP 下brake, 呢D 消耗品夠期換下對自己都安全D, 我自己去開間車房, 上次換油同前後調呔, 佢話見到雞脾少少硬化, 有機會過唔到, 但都唔會幫我換住, 佢話真係肥左先番黎換

TOP

小問題, 即日番去唔收錢. 大問題即日你搵唔到車房搞, 就 14 日內收百零蚊

平時換油執頭執尾有無車房跟開 ...
mo9394 發表於 2016-10-28 12:50



THANKS, 咁我同佢講, 我自己要拎去驗車, 叫佢睇睇, 跟住我自己去驗

TOP

THANKS, 咁我同佢講, 我自己要拎去驗車, 叫佢睇睇, 跟住我自己去驗
ckarea 發表於 2016-10-28 12:59


D 貨VAN 你見殘殘舊舊都過到驗車, 就知標準其實唔係好高, 一般正常使用到的車係好易過到測試. 肥d 古怪野多, 例如自己加 DVD, 自己加補品改裝之類, 你如果全原廠基本實過, 再多check 下車牌水撥之類有無古怪

最難搞廢氣, 你搵驗車車行都唔會預先同你跟, 一樣係肥左先搞, 再試, 唔得再搞再試.

難請人, 佢地人手唔夠, 大部份車房你俾錢一千幾百都未必想幫你拎去驗, 所以得少部份車房肯做代客驗車, 無同人做開的, 你話自己驗佢地無乜特別感覺, 亦未必因為知你驗車專登劏你.

TOP