[技術討論] 棍波開車停車上斜開車一問

本帖最後由 guppyguppgyuppy 於 2016-11-13 00:16 編輯

新手學棍波車一問

1. 開車前, 踩極力子, 入一波, 搵到磨點後, 放手制, 車有動力向前, HOLD住極力子, 呢個時間係咪已經可以俾少少油加速? 定係HOLD住極力子, 慢流半個車位後再完全放開晒極力子後至俾油加速?

2. 停車時, 先輕微腳踏慢車, 到差唔要完全停車前至踩儘極力子同時踩腳踏減速停車? 定係, 行駕時先踩儘極力子後踩腳踏減速慢車呢?

3. 上斜起步? 完全掌握唔到, 成日死火, 請問成個步驟應該係點呢?

新手學棍波車一問

1. 開車前, 踩極力子, 入一波, 搵到磨點後, 放手制, 車有動力向前, HOLD住極力子, 呢個 ...
guppyguppgyuppy 發表於 2016-11-13 00:12


1. (平地)HOLD住極力子, 慢流半個車位後再完全放開晒極力子, 再比油已經得
2. 先輕微腳踏慢車, 到差唔要完全停車前至踩儘極力子同時踩腳踏減速到停
(想肥空波滑行就 行駕時先踩儘極力子後踩腳踏減速慢車)
3.上斜起步(要睇部車夠唔夠力)
-->新車夠力, HOLD住極力子, 慢流半個車位後再完全放開晒極力子, 再比油已經得
-->唔夠力, 搵到磨點後, HOLD住極力子, 俾少少油加速再完全放開晒極力子

TOP

本帖最後由 EllisHui 於 2016-11-13 00:29 編輯

1.FEEL到震就放手制俾D油 .  放極力子個陣佢震就唔可以再放.  姐係少少震就HOLD住等佢行 震得勁就踩返深少少極力子(少少) 踩到岩岩唔震再慢放 或者俾多D油等佢轉數上去

2.先踩腳制減速. 轉數去到大約一千就踩極力子

3.同1 差唔多只係要早D俾油 同俾多少少油




其實有一個方法可以簡單D明白
就係極力子起既高度 應該係同車速掛鈎.
部車未開始行 起晒極力子只有兩個結果.
一個就係冇俾油. 俾唔夠油=死火
另一個就係俾夠油 彈出去
有請其他CHING 補充

TOP

本帖最後由 會員 於 2016-11-24 10:25 編輯

TOP

回覆 1# guppyguppgyuppy


   
1,3. 棍VAN 1波平地定上斜, 慢慢放極力子都夠力的
如果私家車就要印一印油防唔夠力溜後

2. 後者, 空波滑行會多個剔

TOP

補充一下第二點第三點
先踩腳制減速 如果等差唔多停再踩極力子既話 你又冇留意轉數 轉數跌得太底你會未踩極力子就死火. 所以減速要留意轉數到一千轉以下 就要踩極力子 (一般大約5~6百轉就有機會死火)

第三點 詳細D講個過程
踩極力子-> 一波->吊起極力子->少震(磨到)-> 俾油到2千轉HOLD住->放手制-> 車開始慢慢行->冇死火佢就會越行越順->慢慢起晒極力子->完


紅色個部份冇咁做既話就好大機會死火

TOP

多謝樓上幾位師兄講解
小弟學果架車斜路起步同平地起步真係相差唔少, 平路識得流前, 上斜完全唔識, 就係咁斜路再起高個極力子就死火. 因為師傅平時教係平路起步唔需要俾油住, 等流前半車位至好放極力子, 再俾油. 其實咁做, 好多時起步都好慢, 會俾後車呯.
原來停車前無踩腳踏, 一野極力子, 是空波, 師傅完全無講過...

TOP

補充一下第二點第三點
先踩腳制減速 如果等差唔多停再踩極力子既話 你又冇留意轉數 轉數跌得太底你會未踩極 ...
EllisHui 發表於 2016-11-13 00:43



    轉速, 可以係邊度睇到? 師傅又係無講過...

TOP

回覆 7# guppyguppgyuppy


    直接踩極力空波滑行 其實剎得仲慢
. 如果係近期少少既車型(手波)仲會食油左.得不嘗失

TOP

回覆  guppyguppgyuppy


    直接踩極力空波滑行 其實剎得仲慢
. 如果係近期少少既車型(手波)仲會食油左. ...
EllisHui 發表於 2016-11-13 00:54



    剎得仲慢<---你得好岩, 架車仲會突然流前快左添

TOP