想請教下大家隔音問題

相信大家自己屋企的環境本身都有一定的外來嘈音,基於最近小弟自己係屋企錄音,雀仔聲,鄰居開門,風聲等等,通通入哂咪仲好明顯,想問大家平時屋企聽hifi點降決依D問題。

閂窗開冷氣係指定動作, 分體式冷氣係家用錄音室/hifi房必需嘅, 如講究嘅, 有專業錄音室門買, 好明顯你居住環境唔係好大, 果d隔聲海綿對你冇作用, 因為要鋪滿成間屋。

而家教你用一個土炮方法, 我好耐之前用過一兩次, 希望各位唔好當我痴線
堅固露營帳幕一個, 被幾張, 自製通風喉管一條, 電腦/usb風扇一隻, 電筒一個

帳幕上冚幾張被, 其中一張最好係棉枱, 通風喉管駁電腦風扇
好處 : 隔絕大部份噪音(包括車聲), 成本低, 適合做讀稿presentation錄音
壞處 : 地方狹窄, 可用時間短, 唱歌運氣困難, 缺氧

TOP

關門關窗,其實已經做哂,我部冷氣其實唔靜咁我都熄埋,問題仲係咁。堅固露營帳幕,我間房超細做唔到啦,其實試過隔音綿(鋪部份會比較漏音寬地方)都好似作用唔大。咁其實係唔係已經無得搞呢...。

TOP

先天所限, 你間房最靜嘅, 可能係被窩或衣櫃裡面, 試吓床上面放帳幕得唔得,  我以前都係咁挨過咗, 而家我間私家房只有冷氣輕微風聲, 窗外嘅聲都聽唔到, 出面火警鐘響更加絕對聽唔到!!!

TOP

先天所限, 你間房最靜嘅, 可能係被窩或衣櫃裡面, 試吓床上面放帳幕得唔得,  我以前都係咁挨過咗, 而家我間 ...
ikki55 發表於 2014-7-12 00:48



   咁你果度真係超靜.....

TOP

本帖最後由 eric196511 於 2014-7-12 08:47 編輯

格音用吸音錦係最好
用格音錦無效係因為貼嘅位置錯咗同買到唔合適自己環境品種
我做過錄音室工作格音錦都有唔同特性同功效
唔同凹凸面吸音錦有唔同作用
錄音室用嘅吸音錦比較難買到
如果認為買吸音錦貴
教你另外一個更好方法去買普通地毯幾塊以上按你屋企幾大買可以更多塊
貼係喇叭附近牆身要同喇叭高度一樣
不過比得起錢用吸音錦係最好吸嘈音最明顯
而地毯只係幫助唔係好多但都有效吸到嘈音
還有係聽音響地方同放喇叭地方唔好近窗見到街景
放喇叭位置最好後面左右都係無窗嘅牆幫助格音再加吸錦物質如地毯或吸音錦已經ok

TOP

咁你果度真係超靜.....
icoicqico 發表於 2014-7-12 00:57

嘻~~本身座落地區巳經靜, 加上隔音玻璃窗和全方位隔音物料...都係一個錢字, 如果你用唔到帳幕, 可以局部改善, 只要針對弱點就可以~~

首先選定最佳錄音位置, 即最少外部噪音進入地方, 窗口加厚的窗簾, 質地以棉或棉麻混合為佳, 進口的隔音紙窗簾亦可, 只是密封程度比布窗簾差, 厚布窗簾可隔掉25-30%噪音, 門可用隔音棉(鴨記有售), 選擇比較厚身就可以, 形狀冇得點選擇, 雞蛋盤形狀都可以~~ 向內開嘅門要連門框、門隙都要貼封(只貼門, 貼到突出便可), 嫌煩嘅可以掛兩張被上去, 門外走廊要加地毯, 人行過時就唔會咯咯聲。

TOP

本帖最後由 野蠻國度 於 2014-7-13 01:08 編輯

其實應該諗:點樣令到個mic收到最小noise,同時又收到最大想要ge人聲。咁樣講會唔會對你有d啓發?

TOP

唔靜嘅環境錄音一定會錄到噪音, 強行調校有時會弄巧反拙, 環境改善喺自己範圍內做得幾多得幾多, 有可能要試好多次, 切忌坐喺度乜都唔做~~

TOP

打開衣櫃門不要關,
在中間貼近d衫放支咪,
人就企係兩門之間唱

TOP