[開箱] Doss wifi 小喇叭 CloudFox 開箱

是咁的,今日咁岩行開黃金,見到一個可以用wifi黎連接ge喇叭賣緊幾舊水。心諗,咁抵deal?因為之前都想買隻差唔多功能ge喇叭,不過見sony果d價錢又太貴,所以一直都唔捨得買。今次見到呢個CloudFox幾舊水ge一於買黎玩下喇。
箱就晨早開左喇,我就無謂做偽開箱喇,直接入正題喇,睇下幾百蚊貨仔有冇咩驚喜先。

個樣就冇咩特別,同bose某款喇叭有d似,睇落都算靚靚仔仔幾順眼。
呢款喇叭主打網絡功能,咁就梗係有得連wifi架喇,連之前就要download距個app先,喇叭背面有個QRcode,用手機scan完就可以down落黎,iphone同android都有app可以用。

搞左一輪連左wifi之後,就梗係睇下有咩特別野玩喇。
咁個app呢,就可以連去天天動聽,Pandora,在線電台,豆瓣搵歌,亦都可以播返你自己部手機ge歌。

機頂設有6個播放列表制同埋大細聲,上一首下一首果d制。
果6個播放列表制有咩用呢,就係你可以係距個app度將你鍾意ge歌set入唔同ge list入面,之後你想聽邊個list ge歌都可以直接禁呢6個制去播放。就算你冇連手機距都可以自己上網load落黎播放。

距仲有粒direct wifi制,可以比你係冇經router情況下直接用wifi連接cloud fox播歌。

另外,距仲支援Airplay同DLNA仲可以插sd card同Aux in,即使冇裝距個app都可以用距黎聽歌。
功能上都相當豐富,唔知把聲係點呢,等我播宇宙巨醬黎聽下先


中頻表現唔錯,人聲比較突出,不過高頻同低頻只屬中規中矩,冇乜特別,咁細隻喇叭算係咁

總結:
咁ge價錢有咁ge功能都算抵玩,不過有樣不足係,唔知點解距會用底座黎差電,唔知點解距唔係用usb差電,究竟點解ge點解ge點解會咁ge,唔見左是但一樣我都差唔到電架喔,呢個真係要改良下先得。

最後高永文果句:講完!!
附件: 您需要登錄才可以下載或查看附件。沒有帳號?註冊

好似幾正,但係幾多百蚊?

TOP