[鍵盤] 2 號機系列 - Tt POSEIDON Z 青軸 開箱加防水防塵分享

本帖最後由 cleverandy 於 2014-7-4 00:29 編輯


近排準備緊整部二號機比細佬,就黎唔洗爭電腦玩,明明原本有部 NB,佢話玩  LOL 延遲太高,死都要同我爭台機  暫時買左顯卡、鍵盤、耳機、機箱已經有隻舊,底板同  CPU 再睇睇先,睇下遲D有無暑假板、U、RAM加牛的優惠~  另外果日亦都陪埋個FD 買KB +耳機。題卡同耳機的開箱等等再出。


之前我屋企有好多淘寶番來的 Cherry MX 軸粒仔,細佬玩過後中意青軸,甘就選左尼隻 Poseidon Z 比佢,雖然唔係 Cherry 原廠出的,不過保養仲長有5年國際保,試過手感差唔多,壽命就唔知啦,壞左咪踩上代理整囉  
睇番舊POST見Lemoncall 師兄講,係 kielh 凱華生產的Cherry 彷軸。


背面介紹下功能,媒體鍵、WIN KEY LOCK、燈光段數等等,唔多講喇自己睇~


包裝入面有泡泡袋保護,斷估係防止暴力運輸大哥


折袋,靚靚仔仔出左黎  
一眼睇曬,裏面送左2本個人唔會睇的野,就無其野。


鍵盤都係用番USB插頭,條線就無咩特別。



鍵帽係 ABS 鍍膜透光鍵帽,比較特別的地方係在空白格上,下方邊位經磨圓,按落去無壓力唔銀手指。


聽店內的老闆講,鍵帽的表面上左5層塗層,比較唔易打油~


睇番個箱,尼個製原來就係用來LOCK WIN KEY,打機唔怕彈出桌面,不過其實有好多遊戲都寫到按左WIN KEY都唔會彈出去。


盤底有個理線坑軌,用唔用就隨個人喜好,而屋企張台個線孔係左面,我就將條線甘整,就同個孔成直線,拉鍵盤架果時無甘易扯住。生產地依然係強國,不過身邊基本樣樣電器都係佢做,怕佢中國的會爆炸咩,甘我電視爆都未到鍵盤爆


鍵盤底同側面都有防滑腳,側面我估係比貼住櫃或牆用的,剛剛試過的確係堅穩陣。


側面可見本身鍵盤已經有斜度,唔開腳仔都夠做,鍵帽也分階級排列,較符合人體工學。


背光效果點確唔錯,仲有四段光度可以選~ 不過都係有D覺得右上角的3棧指示燈太光。

最後分享一下防塵防水措施,我細佬成日係房度食杯面,食飯同薯片,我以前D鍵盤都成日比佢整到 … 講起就覺得又煩有核突。早排見到有師兄分享過鍵盤清理+保養方法,可惜有得細佬係度,個方法唔岩用。以下我用的係極低成本可以做到起碼  IP5/5防水防塵  – 就係用保鮮紙,其實0成本,入廚房A一啲就夠




開頭見保鮮紙唔夠闊一片包曬全個鍵盤,所以分開2片包。不過有小小問題,包得太實,邊位D鍵按左,唔可以完全彈番起。但拉番少少鬆度就無事,不過亦有問題二出現,中間接駁位太核突。問題3,腳架都包埋,要開洞先用到或者拆到再鬆番D。





之後家母睇到,佢問:你唔記得以前點幫你包咩? 原來佢以前係用一片搞掂,不過係打長包,甘就解決埋接駁位問題了,又靚仔。不過包左膜,戴左套,始終無甘爽,保鮮紙有D黐手。諗過包書膠,但估到會因為厚同無彈性,按一個鍵會影響埋隔離果個鍵。靼就會出現左個防鬼鍵鍵盤都防唔到的鬼鍵問題


雖然2號機未成型,但係鍵盤都試左幾日,的確唔錯。其實買之前都試過幾隻青軸對比,亦同非Z版試過,尼隻凱華青軸比 Cherry 的響得更大聲(搞到日夜屋企都啪啪聲 ),壓力就真係差唔多,壽命就唔理啦,有5年保,如果唔掂概話,唔通Tt佢想番廠整好多次咩。打字果時,覺得真係幾清脆,長鍵位置都好順,好過我以前玩果隻黑軸(果隻長鍵有D立)。佢 Fn 位係右面,唔會按CTRL時按錯,而較音量、燈光位都可以單手搞掂 (你知有D師兄有隻手長期唔得閒啦),前排的播放暫停基本上唔會用。而指示燈位光太強,有D殘眼 ,搞到我想係唔用的時候關左佢。如果隻Poseidon可以加埋區域LED設定或設有個人LED設定模式比較好,因為我係打機果時最需要係QWERDF、方向鍵同WASD、上排數字鍵1-6、CTRL、SHIFT和TAB鍵比較雖要用。整體來講的確唔錯。

謝謝師兄分享
用保鮮紙包咪會影響左手感?

TOP

Logitech K310 washable keyboard might be more suitableif you want to keep it clean.

TOP

謝謝師兄分享
用保鮮紙包咪會影響左手感?
carmenlai1219 發表於 2014-7-4 11:50

一定會,都幾次手,不過青軸感覺無影響,係冇左本身鍵帽的實淨同滑感

TOP

Logitech K310 washable keyboard might be more suitableif you want to keep it clean.
Yogesh 發表於 2014-7-4 12:00

不過佢好似係薄膜

TOP

師兄隻kb 幾錢? 好似好吸引... 但上price 睇好似同cherry 差唔多錢... 點解唔買cherry?

TOP

本帖最後由 cleverandy 於 2014-7-4 15:43 編輯
師兄隻kb 幾錢? 好似好吸引... 但上price 睇好似同cherry 差唔多錢... 點解唔買cherry?  ...
kwunfung 發表於 2014-7-4 15:38

七舊有找,比price 價平啲啲
尼隻仲響過cherry ,不過真正原因係有五年保,我唔理cherry. 既壽命係唔係高啲,至少呢隻保養多cherry 一倍有多,就算到時想玩第隻,有保放出去都易啲

TOP

七舊有找,比price 價平啲啲
尼隻仲響過cherry ,不過真正原因係有五年保,我唔理cherry. 既壽命係唔係高啲 ...
cleverandy 發表於 2014-7-4 15:42


thz 師兄... 呢排都有睇過呢個KB... 但無入手過機械軸... 唔知同cherry 手感差別.... 仲心大心細緊... 師兄你對兩款軸感覺如何?

TOP

thz 師兄... 呢排都有睇過呢個KB... 但無入手過機械軸... 唔知同cherry 手感差別.... 仲心大心細緊... 師 ...
kwunfung 發表於 2014-7-4 15:46


手感因人而異, 建議師兄去揾 或L記試試....同時亦可試試邊款軸岩自己

TOP

Wrapping a mechanical keyboard with cling film really defeats its purpose though. Pulling the keycaps off for cleaning isn't so difficult to start with anyway.

TOP