[開箱] Zowie產品開箱

本帖最後由 夜刀神 於 2016-9-24 13:58 編輯

小弟係1個FPS玩家,主要用既電競產品都係FPS向~正好ZOWIE呢個牌子就係針對FPS而開發既電競品牌!
其實小弟係1個ZOWIE死忠 ~最LIKE呢個牌子既名句:專業源於簡約~! 呢個品牌產品個樣帶比人感覺真係普普通通,但係用過就FELL到佢個好用之處! 好啦廢話唔多講~開箱!

今次開箱既產品分別係:滑鼠墊 滑鼠 音效系統 集線器


首先係鼠墊,zowie ptf-x ~呢隻墊個面簡單講就係市面上一般電競品牌鼠墊既control面但佢比起control會再滑DD。紋理比起同品牌既SR系列鼠墊深,摸上手會比較啜手。鼠墊個面係防潑水表面,另外隻墊有包邊設計,用耐左塊面都無咁易起。個人比較鐘意呢類PAD,有包邊耐用加上防潑水面 主要原因係玩槍GAME甩槍果下,如果太漂會好易出事。


第2樣野介紹滑鼠,zowie ec2-a~相信都有唔少人知道呢隻鼠~右手設計,掌握式同抓握式都得,渣上手非常好手感 同系列仲有隻ec1-a,2隻差別基本上只係大少唔同,2係細D果隻。滑鼠本身有4種DPI可以調節,對應返4種顏色。
分別係~紅色:400DPI 紫色:800DPI 藍色:1600DPI 綠色:3200DPI 。調節個制係滑鼠底部sensor右邊。
整體上黎講滑鼠簡單易用,亦都唔洗裝任何DRIVE或軟件~即插即用夠哂方便 包裝盒入面會包埋個腳貼,用耐左都可以自己換唔洗出去買返黎再剪,呢個設計唔錯 ,方便又其係我呢D懶人玩家


第3樣野係滑鼠集線器。集線器無咩特別,夾線位可以伸縮~另外正面印有ZOWIE個LOGO。
集線器呢樣野未必個個都會用到,甚至有人會覺得只係裝飾無太大用途。但如果係咁諗就錯啦~
簡單舉個例子:如果你有去過網吧都知佢D線全部放哂係後面,有時你用隻鼠向自己果面拉,但因為D線集中係後面,造成後重前輕最後隻鼠都係會向後縮好唔方便!當然有D人係機 MON 鼠都係放係張台上面唔會有呢D情況發生,不過有時候好似我呢D房仔細細唔可以將所有野都放係張台上既人黎講有個集線器真係方便好多,只少唔洗成日卡住條線。(有張圖會見到我電腦台下面超亂 ,以前無用集線器真係條線卡到火都黎又其玩槍GAME果陣 )


終於到最後一樣野啦~音效系統!zowie vital 呢個產品出左唔係話太耐,未必好多人知。簡單黎講呢個產品可以話係1個外置音響卡,將你本身既聲音經過呢個音效系統處理出黎既音更加細緻。簡單介紹下,舊野上面一共10粒制。先從左邊右上至下簡單講下~第1個音量 第2個係麥克風音量 第3個係調低制 第4個係喇叭輸出 第5個係耳機輸出。之後到右邊上至下~第1個係高音 第2個係低音 (高音+低音同時禁=人聲/中音) 第3個係調高制 第4個係麥克風靜音 第5個係鎖定制。另外舊野前後都有位插分別係耳機同咪入口,另一邊就係USB連接口同喇叭口。
用後感:唔好睇佢簡簡單單咁(zowie野不嬲簡單易用 ),用落真係唔錯~小弟用同品牌耳機zowie mashu耳機開CSGO測試過的確唔錯 可以將D槍聲SET到超細緻(聽到打木板聲/鐵聲/石聲分別)除左槍聲外,經過個音效系統調整腳步聲更加清晰,語音系統講野既人聲都可以SET到聽到槍聲又唔唔會嘈到聽唔到人地講野把聲~真心好用! 另外呢個音效系統唔同其他外置卡,佢入面個設定係獨立的唔會同電腦同步(好似你電腦SET音量100,係音效系統set50都唔會郁到電腦入面個音量),音效系統本身有獨立記憶體係入面,唔洗擔心再插過要用新SET過~佢本身設計就係FOR係可以拎出去用,就算網吧你都可以一插即用好方便。包裝方面佢本身設計FOR你可以拎出去用當然有埋個袋仔比你裝住


最後感想:如果你係玩開FPS玩家,又想試下新野可以推荐你用ZOWEI呢個品牌 雖然佢D產品個樣好一般個包裝都唔算得上話好靚,但係佢本身個品牌重質唔重樣加上佢個設針係針對FPS而開發。見到呢家都開始有唔少世界賽選手都有用ZOWIE產品,真心值得一試! 最後整返張產品合照先(集線器廢事拎出黎 )
附件: 您需要登錄才可以下載或查看附件。沒有帳號?註冊

正!
用過EC2-A之後我都係Zowie fans,我的best mouse
mouse pad 我就用PSR

TOP

+埋ZOWIE鍵盤就全套
個音樂舊野好貴

TOP

+埋ZOWIE鍵盤就全套
個音樂舊野好貴
1234950 發表於 2016-9-24 02:59


係呀...佢黎緊應該會有新KB同新HS~仲有差個MON就齊哂成套ZOWIE

TOP

回覆 4# 夜刀神

唔知keyboard會出新  定係改celeritas
HS被我忘了
MON 應該只係病Q +ZOWIE名

TOP

回覆 5# 1234950


我相入面隻HS未就係佢呢家停產左果隻zowie mashu 只於佢係改定係出新真係唔知~相信黎緊會有HS同KB。MON就一定病Q嫁啦,型號名轉左不過睇個樣同個配置好似無改過

TOP

回覆 6# 夜刀神


    有冇收到料話佢會出

我覺得未必會再出 要出神早出左  KB HS其實都幾難特出  特別係KB
所以個人真係唔睇好

TOP

本帖最後由 夜刀神 於 2016-9-24 16:24 編輯

回覆 7# 1234950


    呢層真係唔知佢幾時出,但係見佢舊MS HS同KB都係淨ZOWIE~佢新包裝果D全部轉哂有BENQ。個人覺得佢有機會係回收返舊耳機同舊KB再出新都唔奇。

佢KB我之前想買,黑軸手感幾正~但無耐就無哂貨應該係比人回收哂,連我呢家用果隻耳機都唔見埋

TOP

回覆 8# 夜刀神

我都想要佢個BOARD既黑軸  不過好似好少見
BTW個LAYOUT好怪(FOR ME)

好似話BENQ注左資 所以出佢名

TOP

又係你呀床單哥(?
btw自己都用緊Zowie野(滑鼠)
見到新出個VITAL都有啲心郁

TOP