[開箱] ViewSonic KU520 不專業開箱

新手想試下玩機械鍵盤, 又唔想花太多錢, 見網上對 Viewsonic KU520 評價不錯, 決定入手.

淘寶價人仔 129 , 順豐運費要成人仔40蚊, 如果唔係心急想玩, 用集運會平好多.
順豐好處係星期四落單, 星期五就收到了. 超快




盒中有盒, 賣家送了一塊 mouse pad, 無咩用, 暫時擺埋一邊




一打開, 包裝都算精美, 保護得好好.




鍵盤主體, 保養及說明書, 拔鍵器一個
一眼睇晒, 百幾蚊貨仔算係咁.
同普通Keyboard 最大分別就係重好多.
賣家話有900 Grams 左右重




另一個分別就係D制好高, 好似浮係半空咁




鍵盤上既字體都幾靚, 正正方方, 個人幾鐘意




Viewsonic Logo, 雖然唔知係真定假野. 不過做工唔錯, 底盤仲有拉絲效果




聞說係國產青軸, 雖然我唔可以肯定.
但有一樣可以肯定既係, 打字聲非常大. 非常大.




反轉睇一睇, 隻腳都算實淨. 開合都好順暢.




開頭睇完本說明書都搵唔到D function 制點用
反轉Keyboard 睇下, 原來收埋左係下面.

Function 都好齊, 雖然係單光版本, 但都有得玩下恆亮, 呼吸燈咁
光暗都有5段調整.




最後黎一張插電後既著燈效果
WASD 方向制同上下左右制, 特別用藍光表示, 有心思.




用左一陣, 俾我最大感覺真係好噪, 我自己可以接受到
畢竟一開始買青軸都係貪佢呢種青脆聲.

87Keys 呢種大細岩岩好,
本身書檯唔大, 放左呢個Keyboard 之後都仲有好多位剩.

以百零蚊人仔黎講, 暫時真係無野可以挑剔.
當然唔可以同大牌子比較.
但入門試下機械鍵盤黎講真係好抵玩.
唯一最擔心都係耐用問題. 拭目以待.

個外形同質感睇落都幾好,岩岩上淘寶睇過
得青軸同黑軸,想玩茶/紅軸

TOP

之前用過隻狼蛛青軸 $2xx 都覺得好抵玩.

TOP

thanks for sharing//
好詳細

TOP

其實可試e3lue mazer... 我忍唔住要等 入左紅軸 麻麻地
我都係返工粗用

TOP

提示: 作者被禁止或刪除 內容自動屏蔽

TOP

岩岩一年壞左了

TOP

外形同質感睇落都幾好, 青軸對於我黎講太大聲, 黑軸唔知會唔會細聲啲.
恭喜樓主有新嘢用.

TOP

相關文章