慶祝五一黃金周, 唔著褲做運動 (老幼咸宜)

本帖最後由 Super169 於 2015-5-4 01:51 編輯

之前 yuchibb 大大隻龍貓, 真係勁可愛, 好女仔鐘意.
但係, 呢度都係男仔多. 雖然溝女有用, 但係都要整番件比仔玩至得既.

趁住五一假期想攪掂埋之前隻 Zaku, 點知都係做唔切.
有幾個問題要解決, 首先係改過 D 關節, 等佢更厚同硬淨(因為之前玩爛左好多).
另外亦試下用 1.75mm 膠條代替 M2 金屬軸.  我諗唔係咁多人手頭有一堆唔同呎吋既 M2 軸, 放出黎大家印完都整唔到就唔好玩了.

其次就係.(睇左下面  D 圖先)......點解佢唔著褲.  有睇 高達既應該知, Zaku 唔係唔著褲, 佢本身都有條"迷你裙"既.
不過, 呢條"迷你裙"真係玩死我, 因為我想佢可以做到好多動作, 如果直接加條"迷你裙"固定既, 就會局限左對腳既活動.
結果想做到可以翻高(oh...比風吹起果隻), 但係本身既位太細, 打印出黎加軸唔易, 而且我畫佢既曲面, 畫極都怪怪地.
加上今日部機又出事....塞左個頭, 好在另一邊又衰左, 結果將左邊頭裝右邊, 攪左大半日.

攪到頭都大埋, 暫時都係完唔切, 放隻 無褲著既 zaku 出黎做下運動先.

先黎一招 朝天腳.
20150504-001.jpg
2015-5-4 01:37


果個角度可能睇得唔清楚, 呢個角度睇到哂了.
20150504-002.jpg
2015-5-4 01:37


再黎一招 日字衝拳....oh, 唔記得打直番隻手添.  唔係日字..
20150504-002a.jpg
2015-5-4 01:37


做一字馬我都掂架
20150504-004.jpg
2015-5-4 01:37


我都唔係好識分, 左右開軟係前後開至係一字馬, 做埋呢個包無錯.
20150504-005.jpg
2015-5-4 01:37


再做下 sit up 先....哈哈, 比個肚腩頂住添.
20150504-003.jpg
2015-5-4 01:37


再拉下筋先.
20150504-008.jpg
2015-5-4 01:51


打得累了, 坐低休息下, 膝頭都累了, 揼幾下鬆鬆先.  
20150504-006.jpg
2015-5-4 01:38



等我再執下 D 關節, 加埋條"迷你裙", 就可以出黎見人了. ...

t2img_1895.jpg
2015-5-4 01:50


m2軸之MA,大把啦,唔岩SIZE咪鋸短佢,快d放出黎啦

TOP

本帖最後由 Super169 於 2015-5-4 02:02 編輯

回覆 2# 不明人士

ching 請問 鋸 M2/M3 軸容易嗎?  我係買短軸的, 3,4,6,8,10,12 每隻買左幾百粒.
但係有  D 位 12mm 都唔夠 (隻大脾要穿過佢有成 20mm, 結果要10+10.
我唔知易唔易鋸, 所以唔敢買一大支番黎.  如果易鋸 (手鋸 only) 既, 下次入番幾支大既.

家陣無褲著, 同埋隻腳條氣喉未諗掂, 就咁加入去會影響隻腳既活動.
而且, 有D地方我改左都未印過出黎試, 好似隻手既關節, 之前想統一用一set,結果好多位都太幼.
家陣針對每個位去做, 基本上得一兩個地方可能唔夠 2mm, 大部份都有 2mm 或以上, 應該穩好多.
等我組織一下 D STL (因為太多版本, 連我都唔 sure 家陣玩緊既每一 part 係用邊個 version).

anyway, 應該今個月內, 點都死到出黎.
如果 ching 真係好想玩, 唔介意未完成既, 我可以呢兩日試下執左 家陣果套 STL 出黎.
可能會改埋隻手同身體果 part 先, 因為果度用 2mm 軸太鬆, 而身體夠大, 改成 6mm 膠直插入去, 內部有需要可加2mm 軸, 就肯定夠穩.  腳既關節好多我都改左用大膠軸插入去, 中心加 2mm 細軸, 都幾穩.

TOP

回覆  不明人士

ching 請問 鋸 M2/M3 軸容易嗎?  我係買短軸的, 3,4,6,8,10,12 每隻買左幾百粒.
但係有   ...
Super169 發表於 2015-5-4 01:57


我用模型鋪買果D垃圾手鋸都鋸得斷,2MM唔難,去五金買D細既鐵鋸我諗三兩下手勢已經可以搞得掂

如果ching唔介意可以比我DL我當然好開心,不過近排天氣熱夜晚要開冷氣,唔可以長時間開機印野

TOP

回覆 4# 不明人士


吓...咁易鋸?  聽日搵條 12mm 試下先?  
你果D係鐵定係鋼?  我果隻係 軸承鋼, 硬度 60 左右的, 會唔會有分別?  感覺上手拉鋸塊片好似仲軟過佢好多.

不過, 如果用 1.75mm 膠條都掂, 會更多人玩到.  我試過, 如果用 1.75mm 包膠紙, 基本上可以頂得住下, 你應該都見到我隻腳都有幾條係用膠條 D, 都算可以玩到.  家陣最大問題係隻手, 其實...家陣好易甩既, 左手個盾係用寶貼頂住既.   
sit up 果張, 幾乎唔同既野可以好清楚見哂.  攝膠紙, 落寶貼, 直落膠條, 膠條再包膠.....  腰位加左個環, 係準備用黎著裙既, 希望可以加左條裙之後, 都做得番哂家陣D動作.

我盡量呢兩日執住一 set 無褲著既 share 出黎比大家玩下先.  遲下慢慢執靚 D 關節再升級.
不過, 都要印幾耐下, 我用 100% infill, 0.2mm, 夾埋都印左幾日.  當然, 我印完都掉左好多下, 之前淨係為左改關節都掉左好多隻手了.....

TOP

回覆 5# Super169

> 吓...咁易鋸?  聽日搵條 12mm 試下先?  

淘寶上的鋼軸, 是個名號而已, 哪會咁易買到好野呢?  不就是普通軟軟的鐵支一條而已, 當然容易鋸.  你試試找支縫紉用的針 去鋸下, 小小一支針也是超難鋸的.

TOP

回覆 1# Super169


嘩~!~!!!嘩~~!!嘩~~~!!!!!!!!!!!!!!!!!嘩嘩嘩嘩~~~~~~!!!
好正呀~~~!!!!關節全可動~~!!!男人既浪漫呀~~!!!!

已經吾係砌渣古,而係整同印渣古~~!!!型九倍以上呀~~!!!

快D整埋條裙,再加埋武器同上埋色啦~~~~!!!一定超多人想整呢~~!!!!!勁呀~~!!!

快D啦!~快D啦!!~~快!~D!~啦!~~~!!!!!!我個朋友已經問我可吾可以幫佢印一個出黎呢~~~!!!!!正豆~~!!!!

TOP

回覆 5# Super169

鐵黎,邊淘去到鋼咁專業,買鐵平平地幾毫子一支咪算

期待你既file

TOP

回覆  Super169

> 吓...咁易鋸?  聽日搵條 12mm 試下先?  

淘寶上的鋼軸, 是個名號而已, 哪會咁易買到好 ...
ma_hty 發表於 2015-5-4 08:25


我都唔知係唔係, 不過我唔係去玩具鋪買既, 係同鋼材鋪買既, 好似一兩仙一支, 所以要一百一百咁買.  我另外有D玩具鋪買既鐵軸, 質感明顯好唔同的.
anyway, 話之佢鐵定鋼, 最緊要合用.  如果可以容易鋸既, 就唔駛唔同 size 買一堆, 方便好多.

TOP

回覆  Super169


嘩~!~!!!嘩~~!!嘩~~~!!!!!!!!!!!!!!!!!嘩嘩嘩嘩~~~~~~!!!
好正呀~~~!!!!關節全可動~~!! ...
yuchibb 發表於 2015-5-4 10:03



我呢 D 點同 ching 果D比, 不過我比較鐘意渣古, 所以整黎自娛一番.
好多年無油模型, 我都唔知上完色會有幾醜惡.  或者等我呢兩日放個未完成既出黎, 比 ching 印完上色比我睇吧.

TOP