[測試] 淘寶平價二合一(正常打印及雷射打印)整機敗入實地大測試

本帖最後由 yuchibb 於 2015-7-3 08:24 編輯

2015-07-03 07.13.02.jpg
2015-7-3 07:49

我有個好鐘意砌模型既朋友仔,佢見我之前係禁印模型畫模型,仲有 SUPER169 C兄印渣古,終於毒到佢,佢筆直吾多,而且又吾識DIY,所以我建議佢買整機,佢前幾日終於課金入左LEE部 清心3D-M8 ,個名......多謝哂~~

2015-07-03 07.13.52.jpg
2015-7-3 07:51

琴晚攞機,機價2380港紙,再加200蚊運肺,送2巻PLA,都算平.....

2015-07-03 07.14.28.jpg
2015-7-3 07:49

2015-07-03 07.14.56.jpg
2015-7-3 07:49

2015-07-03 07.15.09.jpg
2015-7-3 07:49

部機好明顯以Prusa Medel I3 為本,可以印200mm X 200mm X 180mm,有heat bed,仲有雷射打印功能

兒家部機寄居起我度兩星期進行測試同調較,小弟會全程公開比大家睇下lee部機究竟掂吾掂~~!!

如果大家有乜野建議我試印或者有乜建我去試較,歡迎大家提出,因為部機吾係我既,我可以狠狠地~~~~嘻嘻嘻嘻~~!!!!

本帖最後由 Super169 於 2015-7-3 09:21 編輯

終於有人玩呢類機了, 其實我都睇緊有無D換頭可以做到3D 打印同埋 CNC 既.

有樣野我一直都唔係好明 (sorry, 我對呢D機械既原理可能係白痴級), 比較一D CNC 機同 XYZ 既 3D 打印, 其實都好相似.  如果將 噴頭 改成 一部電機, 基本上大家都係按 XYZ 坐標移動.  而 CNC用減去法移走唔要既, 而 打印機就係用慢慢增加既方法組成想要既野.  大家同樣要對 XY 同 Z 既位置有精準既要求.

點解 XYZ 既打印機多數用 同步帶, 而 CNC 就多數用 絲杆呢?
我自己好白痴咁睇, 滾珠絲杆應該比同步帶定位更準確 (可能因為係硬野, 感覺可以走歪既虛位比較少, 所以感覺準D), 點解 3D 打印機唔用既?  

換左個頭變身 3D 打印, 其實網上都已經有.  之前都出過 POST, 不過大家好似唔睇好, 例如每次換頭對位既問題.

但係我又唔多明, 只要做好固定既接口, 每次更換完, 存在既偏差真係會好大?  而且, CNC 本身都預左要對刀 (Z 軸既高度再對過).  而 3D 打印, 如果平台無變, Z軸支撐架又固定, 照計每次重裝, 應該唔會點走位, 就算唔 tune 過都唔會差好遠掛.

唔知 ching 會唔會整部 3D printer + CNC 既.  因為近排整野, 有時覺得 CNC 可以做到 D 唔同既野, 淘寶有 D 幾舊水細細部, 雕 PCB 都可接受.  我都問過 D 用家都話 OK(不過只係CNC), 亦同一D店家問緊, 想整裝超細既平價機, 而可以雕 PCB 既 (其實淘寶本身有部 1988 可以雕 20x15 既了, 不過有個大陸版友想試下自己 DIY 部成本 800 樓下既, 而且佢可以教我自己裝, 想了解多D.  本身網上已有成本 300 樓下行 GRBL 既, 但雕 PCB 走位比較嚴重, 仲 tune 緊.  聽聞有人比多舊幾水改用 USBCNC 好似好 D).  或者樓主 DIY 能力咁強, 會唔會已經自己整左部呢?

TOP

唔好意思, 又離哂題.  不過一見到人用呢D多功能機, 就好想玩 CNC (laser 又好, 雕刻又好) + 3D printer.

ching 部機, 應該係 X 軸用移動平台 (絲杆?), 而 Y 軸係同步帶, Z軸..好似係兩邊絲杆.

唔知 ching 會唔會試下自己印接合頭, 用黎換個噴咀, 裝部電機落去做 CNC.  希望 ching 考慮下喇.

TOP

終於有人玩呢類機了, 其實我都睇緊有無D換頭可以做到3D 打印同埋 CNC 既.

有樣野我一直都唔係好明 (sorry, ...
Super169 發表於 2015-7-3 09:19


主要係CNC行同步帶會唔夠力...用lazer都還可以, 但lazer都係細watt數, 大watt數平台要改..
唔係連平台都切開埋
CNC同3dp睇落好似, 但設計方向好唔同....一個要快同準, 一個要力同準....就係呢兩樣野,
換頭, 當玩具玩下還可以, 你諗下, 一係用CNC設計,做3PD時X,Y軸都要行到Z軸咁慢, 一係3DP設計, 行CNC冇力, 一係走位,一係得條疤..

TOP

的確係有人用 3DP 黎 CNC
但當然唔係成舊鐵咁鑼,最多係鑼下線路板
** 免費畫PCB既軟件 eagle
已經有 plugin 轉成 gcode 俾 3DP 鑼線路板

如果你無 $$$ 限制既話
係可以用滾珠絲杆加大/長步進
就可以有CNC級既力量同3DP既速度
但就算係DIY $$$ 都應該要5位數字以上.....

TOP

主要係CNC行同步帶會唔夠力...用lazer都還可以, 但lazer都係細watt數, 大watt數平台要改..
唔係連平台都 ...
vichui 發表於 2015-7-3 09:35



其實我都係諗住用 CNC 既架構, 去做 3D printer.
不過, 照ching 既意思, 用絲杆做唔到同步帶既速度?  呢樣真係唔識, 我仲以為用絲杆都可以去得好快添.
用同步帶, 步進轉一圈, 就會行個同步輪既圓周一樣既距離.  12mm 直徑既同步輪, 一圈都 38mm 了.
而絲杆就會行左牙距咁多....可能只係得 1mm 左右.  又真係差好多....

TOP

行絲杆一樣可以做到夠3DP用咁快, CNC Router用絲杆行400mm/min完全沒有問題, 更快都可以.  但如果係鑼金屬, CNC嘅結構同機體精度要求就完全唔係3DP果回事, 所以CNC廠機從來未平過.  淘仔果D幾千蚊嘅龍門機只係得啖笑, 我就賴過嘢了.

TOP

終於有人玩呢類機了, 其實我都睇緊有無D換頭可以做到3D 打印同埋 CNC 既.

有樣野我一直都唔係好明 (sorry, ...
Super169 發表於 2015-7-3 09:19



    C兄,多謝你既愛心回覆~~~其實我對CNC都有興趣,但因為吾係太環保同埋我有兩隻吾識死既惡貓,如果吾搞好粉塵同抽風問題,分分鐘有大鑊野發生,再加上我LEE D 小小小小小蝸居....點放呢~~~~
我諗LEE部機都應該只係好細W數,印下字扮下有品牌都幾好玩既~~~~

其實我DIY能力真係麻麻,印下模型,畫下公仔仲可以既........

TOP

快係可以
但要改大步進(42改57mm)
要大力就要長先夠扭力
咁依家用既 driver 就唔夠力
要加塊大A數既板先推得到
同時火牛亦要換大

TOP

其實我都係諗住用 CNC 既架構, 去做 3D printer.
不過, 照ching 既意思, 用絲杆做唔到同步帶既速度?   ...
Super169 發表於 2015-7-3 10:13


我唔係話絲杆行唔到快,而係要行得快的絲杆唔係3DP常用果條羅C杆,
好似其他師兄講要行滾珠絲杆,步進又要改,連常用的Arduino + RAMPS 都要改....

TOP