機米鬆脫問題

之前砌左部 玩具CNC, 砌完之後, 咁耐都無野出...之前送漏既野都補番哂了, 但就一直都比粒機米玩死.

由於平台同XY軸本身有一定落差 (左右相差超過 1mm), 如果要雕 PCB, 一定要先銑出一個新平台.
為左銑一個 100x100mm 既平台, 呢幾日都係咁試, X軸甩機米, 我玩左幾日, 浪費左幾塊膠了.
之前試簡單 D, 切細膠件 (搵唔到合 size, 買左塊大左既膠, 要先切細), 每次只行 X軸去試.
發覺基本上就算唔係挖緊野, 只要開住電機, X 軸來回一次 (每次 90mm), 中途已經甩左.
尋晚忍唔住, 扭到好實之餘, 之前部野印機同步輪都有甩機米, 所以買左螺絲膠.
試下再落埋螺絲膠, 初時只落一滴仔, 唔掂.  尋晚最後再落多 D, 圍哂邊, 等到今朝乾左再來, 一樣係甩.  
問過賣家, 佢都賣出左好多部, 都無呢個問題, 叫我同其他軸換黎試下.  又要拆機, 真係唔多想.
而且今次主要甩 X 軸, 有可能因為我係打橫行, 切膠同銑平台都係一樣, 開住電機只係推 X軸為主, 所以受震影響最大係 X 軸.

想問問,

1) 螺絲腸咁樣落, 對機米得唔得呢?  家陣次次都係甩牙條果條.
20150920_135749.jpg
2015-9-20 14:28


2) 我肯定已經好大力扭了, 連條牙條既紋都比我扭到凹左.  機米換過, 落埋膠都唔得, 都仲係好易甩, 有無其他辦法?

回覆 1# Super169

條絲杆接聯軸器嗰度有冇銼平少少?即係好似D型電機軸咁,等機米食得實d

(Sent from HKEPC iPhone app)

TOP

回覆  Super169

條絲杆接聯軸器嗰度有冇銼平少少?即係好似D型電機軸咁,等機米食得實d

(Sent from HKEP ...
bunbunlui 發表於 2015-9-20 14:59



oh... 要咁做?  唔知添.  無銼到....我以為果 D 係訂做至會咁, 尾端無牙同埋有個平面上機米.
不過, 家陣條牙條可以由另一邊經螺母拆出黎換的.  我怕會唔會銼平左, 第日過唔到螺母拆出黎, 就一定要成架拆開至得.  而且, 家陣既問題係粒機米鬆左出黎 (我都唔明, 落埋膠都可以鬆出黎), 而唔係牙條轉開.

TOP

2樓正解,要有平位至注得實。好多步進支軸都有平位,係 D字形狀。

TOP

回覆 3# Super169

聯軸器係鋁件?

TOP

2樓正解,要有平位至注得實。好多步進支軸都有平位,係 D字形狀。
monogram 發表於 2015-9-20 15:15



家陣出現既問題係機米鬆脫, 而唔係支軸鎖唔緊打轉.
試左幾次無為意, 成粒機米跌左出黎, 就算支軸左右有平面都無用喎.   
不過, 有個平面會唔會食得緊 D 就唔肯定, 但我睇佢轉轉下甩出黎, 可能作用唔大.
anyway, 無計既話, 可能都要一試.

TOP

回覆  Super169

聯軸器係鋁件?
高登阿伯 發表於 2015-9-20 16:56



yes, 係剛性鋁合金聯軸, 呢個我當初亦問過賣家, 因為要求精確度高, 剛性比彈性既好.
但同樣會帶出一個問題, 就係避震能力差.  佢話初時佢都有甩, 但都唔會話行幾步都唔掂.
我初時都可以玩幾耐下的, 不過當重裝一次後, 開埋主軸電機, 就超易甩了.
只係奇怪, 落左螺絲膠, 應該頂得下一定既震動, 但都可以轉轉下咁鬆左, 只係粒螺絲唔會飛走.

可能會試下買支彈性既睇下, 係咪準確度會差好多.  不過, 香港唔知邊度易買到.

TOP

本帖最後由 高登阿伯 於 2015-9-20 21:20 編輯

回覆 7# Super169

THX,會咁問係我懷疑聯軸器嘅螺絲位已經蝕咗,所以用螺絲膠都係上唔實。

螺絲膠係厭氧膠,要靠缺氧觸發固化反應至黐得實,如果螺絲位蝕咗中間空隙太大,缺氧程度唔夠,固化不全,所以黐唔實。

TOP

回覆 6# Super169
用 剛性鋁合金聯軸器, 絲杆 與 步進軸心 要有很高的同心度, 否則支軸會有扭動的情況
一係粒機米注得實就支絲杆轉動不順, 一係粒機米注唔實就很容易番鬆出來。

TOP

回覆  Super169
用 剛性鋁合金聯軸器, 絲杆 與 步進軸心 要有很高的同心度, 否則支軸會有扭動的情況
一係 ...
monogram 發表於 2015-9-20 21:23



oh, 我用眼看, 感覺到支軸有少許上下擺動, 不知是否你說的 "扭動的情況", 但我也不肯定會否自己被螺紋影響而看錯了.
你的說法, 好像太實也不一定好, 我一直以為要夠實才可以, 請問有什麼方法呢?

TOP