黑仔又黎喇....隻豬又出事....

唉...真係唔好意思, 好日唔發下帖, 發親帖多數係出事, 證明我幾咁黑仔.

今日手痕, 諗住幫隻閃豬清潔下, 擦下送膠轆D碎膠,順便換個新頭試.
整完試過哂 load 膠無問題, 準備打印前當然要調校平台.
點知....一開始去中前方個位時, 聽到幾聲巨響 (約 00:34 果下, 唔單只大聲, 個頭震得好勁的).
https://youtu.be/gFcjHslSIY0

初時以為個頭太低, 撞野.  但係再三睇下, 個頭應該比之前高左, 下面入張 A4 紙都好順, 可以收窄 1mm 可能都得.
個膠架都肯定無撞, 下面有幾 mm 位, 夠點過的.
再三睇過幾條軸, 又無野撞, 同步帶都好正常.  斷電去拉下, X Y Z 軸都好順, 唔似有野卡住.
而且, 佢去完正前向, 再去其他位都無事.   睇左好多次, 都仲搵唔到撞乜.
一開始在後面由左去右行果下都好順, 好似係想停果下停唔正位而震 (我段估咋, 當佢左右搵位).

仲會有乜野可以撞到呢?  如果唔係撞野, 有乜原因會咁呢?  應該印野都未必會有事, 但就係唔明, 點解果度震得咁勁.
唔知有乜野地方需要檢查下?

真係抵打......搵到了, 唔係睇住都估佢唔到, 仲要識得每次 reset 番....
原來係右邊裝既窗有粒螺絲鬆左, 每次行果陣震震下會跌向機內, 就會撞到右邊電機既架, 只係剛剛頂住少少.
最吹漲係....撞到之後會推番埋去, 跌向機外, 之後唔見既.  但再開機對平台, 行行下佢又鬆入機內(其實我估應該開機做乜都會鬆).   所以每次出事後, 我用手推, 點推都卡唔到.  真係比佢玩死.

TOP