[Java ME] 有無巴打用過YouTube Data API? 有關Streaming問題...

我而家諗住寫一個Java ME application, 透過YouTube Data API search playlist, 然後播Videos. 而家已經知道點樣Search playlist, 同埋Playlist入面每個Video entry對應嘅三種Streaming output format.

而家最大問題在於, 我要點樣先可以Read到YouTube俾嘅Streaming output, 然後用Java ME入面的Player object播Video嘅聲音? (無錯, 暫時只做到播聲先). 我試過用Manager.createPlayer(String url)呢個Method, 但係會出MediaException; 我又試過用Connector.openStream(String url)去Get一個InputStream object, 然後將呢個InputStream object pass去Manager.createPlayer(InputStream is, String type)呢個Method, 但會出IOException/ ClassNotFoundException, 睇Error message就係話com.symbian.midp.io某Package入面無rstp呢個Class.

BTW, 講少少背景先. YouTube提供三種Streaming output, 一種係Flash, 一種係H.263+AMR, 一種係MPEG-4 SP+AAC. 我部Nokia 6120c應該Support後面兩種Streaming的, 因為我用Manager.getSupportedContentType()呢個Method試過. 同埋有樣野要提一提, 嘗試Connect去YouTube的Streaming output嗰陣我係Create咗一個MIDlet再裝落手機試嘅, 因為Java ME SDK 3.0本身有好多Codec都無.

有無巴打用過YouTube Data API黎播片, 而遇過類似問題? 唔一定Java ME, Java SE/ Java EE都可以講下的.

Thanks a lot.