ASUS STRIX Techday2015 體驗會後分享(純文)

對上一次參加HKEPC活動都唔知係幾時, 只記得係上HKEPC 寫字樓參加, 今次因為正預備攪新電腦, 所有參加ASUS體驗會, 睇下有咩推介既新產品, sale產品有幾好, 但是次一行, 完全意料不及, 因為大部份時間都講及新maxwell 晶片架構同技術跟舊有既分別, 當中講及CUDA Cores減少再分拆為多組運算(好似有一個人做野, 改為一組人分工做野), Memory壓縮技術(顏色壓縮), 都比以前有更加快既運算, 由於CUDA Cores減少, 熱力當然比以住更少
其次仲有由MSAA轉為MFAA(大致同CUDA Cores分拆為多組運算一樣, 都係分工做AA)而變得更快, 同時有一個DSR技術係可以將over 1080P(e.g. 2K, 4K)既畫面出係1080p畫面度, 就好似用DLSR影張千萬橡素既相, 放係1080P畫面上咁, 清晰情況出眾.
多重光源最後係技術上所講既野, 主要係講所有物件受光同反光都會反映在其他物件上, 做出較真實既光暗, 層次, 顏色等呈現係畫面上, 就好似人眼一樣(人睇野係靠, 物件上反光先會見到層次同顏色), 同時都有著近似瞳孔效果(即係由暗睇到光或由光睇到暗既漸變效果)
技術上就講到呢度, 之後就係GTX960公板同ASUS Strix GTX960既分別, 不論係供電同散熱都有相當改善, 令maxwell 晶片有著更好環境去發揮其表現
第一部份就咁就完左, 第二PART 就去Demo Room度講下Strix系列既其他產品(電競用耳機, Keyboard同Mouse), 呢方面我比較弱, 因為我不嬲都冇咁講究, 但聽完睇完又發覺Strix耳機可以由7.1轉為2聲度係一個好既特點(比我用7.1打機時, 又可以比太太錄音時做鑑聽), 實在俾我有理由去買, 另外MOUSE 可以隨時轉DPI及按緊轉DPI都係非常實用(打FPS)值得考慮

到總結啦, 我係參加第二時段, 遲左差不多45分先開始, 不過今次ASUS體驗會令我有好大得著, 學到好多野, 好似回到以前上電腦堂一般興奮(興奮到相都冇咩點影), 新既技術(尤其係多重光源)令我覺得技術之快已經接近真實, 今次真真正正令我學到更多, 希望日後都會有這些體驗會, 其實係Sale野之餘, 講多D技術上既野可能對消費者更有效果, 唔一定下下都硬sale既, 雖然好似賣廣告咁, 不過真係好多謝ASUS比左我呢一個咁好既一課.

相關文章