[操作疑難] 標準 sim卡槽插咗 micro sim攞唔番出嚟

其實唔係手機,係華為4g router e5776s 。喺groupon買,聲稱係行貨。但包裝完全冇任何說明書,又去過華為網頁搵說明書 download 又冇得 download 。機身亦冇指示入 sim 卡方向(冇托盆;就咁插入方式)。我第二朝飛,所以我承認嗰晚係有啲魯莽就攞住手上有嘅micro sim 插入去試一試機。知道奶嘢之後唔敢試撩佢驚整斷支針。出trip 番嚟後第二日攞番去華為整。佢依家打嚟報咗價,要250,佢話呢啲係人為,一時又話斷針腳(我都冇嘗試過攞番出嚟),一時又話燒咗機(插錯sim 卡後我都未開過機)。我問佢呢部唔係行貨咩。佢話係但又話groupon 嗰啲其實冇保養,不過我個case 係人為,有冇保養都要收。咁我話唔攞住,去消委會問問先,佢話好吖咁囉。

我個人嘅角度係因為佢冇說明書,又冇指示入卡方向搞到我好亂,佢個保護蓋係的而且確印住sim card 兩個字(佢 customer service 亦同我argue 過即等於 standard sim card);我都係認為係佢問題,所以我會真係會去消委會問一問。但依家其實我想問出面搵鋪頭攞番出嚟得唔得呢?大約幾錢?

via HKEPC Reader for Android

你識得拆開部機,見到塊電路板一定得

TOP

ching呢舖真係要硬食個$250。其實網上係揾到隻wifi蛋嘅pdf manual,不過買番來唔跟又真係過份左d。
團上團購嘅items,直接當水貨好過,標大原價再打折,出去買行貨好過。

TOP

我之前買出面既 e5776 上面有張膠紙, 教點入 sim 的

TOP

綜合以上ching 嘅見解。我應該都識拆嘅但係唔敢博,驚整彎埋部機。出事後我係喺網上其他 site download 到個 quick start manual 。但包裝真係冇(雖然佢包裝有印到有 quick start manual 喺入面),另外位ching 話有張貼紙就真係冇啦。唉,口同鼻坳我睇得出華為啲人唔信我。我其實覺得係華為留啲次貨,groupon就同佢收。不過點都好,想睇下有冇 Ching 啲電話試過咁嘅經驗,可以介紹間鋪信得過嘅畀我

TOP

本帖最後由 dandytsang 於 2014-10-3 17:47 編輯

我有呢隻 e5776 係行貨,面上有張膠紙的,因自已好奇拆開過,Micro SD 卡槽有粒細十字鑼絲,拎開後再用小一字批或刀,沿著合邊慢慢用陰力打開,其實都扣得幾穩陣....須要暴力。

TOP

Ching 即係你試過成功拆開個部機而且係可以開到sim 卡槽?係嘅我就試下,有唔明pm 你好嗎?當然要聲明先,發生任何問題都唔關你嘅事啦

via HKEPC Reader for Android

TOP

本帖最後由 dandytsang 於 2014-10-4 01:08 編輯

就算您反轉倒轉入都唔會卡著,只是入剩少少,您係咪用卡套呀,細卡套大卡會厚咗而卡著,我試過您呢過情况,先用眉夾或尖夾鉗佢出來吧。

TOP

冇用到卡套,就咁慢慢咁舌張micro sim 入去。我諗都係去華為攞番部機番嚟先,再慢慢研究點攞番出嚟。或者影幅相post 喺呢度等 Ching 大家研究吓

via HKEPC Reader for Android

TOP

睇下面呢句應該係水貨,拎番去銅鑼灣皇室堡10樓
保養詳情:
由商戶提供1年保養,有效期至2015年9月16日。查詢電話:3973 8561。請保留優惠券以作憑據。

TOP

相關文章