求大陸上網卡介紹

一直用緊中移動一卡兩號加 5GB Data (國內可以 share Data) 約 $200 月費。下個月夠期,可以繼續 $200 蚊月費續約。

但之前因為一星期都要返大陸廠3-4日,但轉左工大半年,依家份新工一星期只返大陸一日,最多兩日。係國內用 Data 機會少左好多好多。想將我張中移動卡轉平d 既 plan (係香港我有另一張 CSL 卡,但中移動號碼想 keep 住,用平d既 plan 可 keep 住 number 外,有時 CSL 卡爆 data 可以用中移動卡再補上)。

見到 "聯通跨境王粵港共用上網卡" 想問下適唔適合我用?
係大陸我著重用 data (whatsapp, check email, facebook),勁少打電話。所以想只係出張 Data 卡,但自己少買儲值卡,請各 ching 俾d 意見小弟。
如果要增值會唔會有難度?因為我份工有時收工都 8-9 點 (鴨記應該都落晒閘),定增值可以係網上做?
請 ching 指點。謝謝!

你講緊呢張吧?

呢張無得增值啊!
3GB用量,開通後有限期90日
如果你一般用量不大,90日玩唔晒3GB,呢張卡會否貴了少少?
如果你一日就玩到差不多3GB,除非你很少上大陸,一次買一張黎玩,都會OK既~


其實,你本身有移動PLAN,反而CSL並非上台PLAN?
有冇諗過KEEP移動PLAN,CSL若想要保留電話號碼,就把CSL轉入你既移動PLAN裡?
200蚊一個月有4G既5G用量,依家真係買少見少了~
我都有用緊移動PLAN,不過我係買機上台,依家係俾緊206蚊,不過係扣減機價後既每月$206(個PLAN叫4G398)
如果屆時續約可以200蚊月費,我都肯了!(因我間中都會上大陸,呢個PLAN唔使轉卡就可上網,方便啊!)
只怕佢要我398蚊個月,咁我就要轉約了~

TOP

我正正就係用緊買機上台。佢就話可以 $200 續約。
我中移動同埋 CSL 都係 contract 的 (CSL 係跟 iPhone plan)。但係香港我比較鐘意用 CSL,因為中移動係我香港公司收得超差 (九龍灣 Megabox 區)。

無得增值咁唔岩我用添.. 我上聯通網,有太多太多唔同既款,其實我自己係大陸用量好少,轉左工後,每個月用得果 100-200MB 咋,所以唔想俾多 $200 俾中移動。依張卡有埋一卡兩號亦真係好方便,唔使轉卡唔洗 set APN 一到大陸就即上到網,過完關返到香港又唔洗即時轉卡又可以繼續上網,係香港用多兩日記得轉卡先轉。
不過以上既都唔係重點,所以如果要轉卡set APN 果d 對我黎講都唔算太麻煩既。
我係網上見到有其他都係叫跨境王就 around $130-$160 張,依d又有無得增值?

TOP

本帖最後由 Ezra 於 2015-2-23 08:33 編輯

應該用呢張
http://store.hk.chinaunicom.com/productContent/html/453433.html

如果要30日plan,就要呢張
http://store.hk.chinaunicom.com/ ... jsp?salproid=453558

TOP

本帖最後由 Botti 於 2015-2-23 08:43 編輯

回覆 4# Ezra

講 流量/月 就第 2 張抵 d
但固定月費就幾貴下 - $18 vs $6
呢兩張香港卡 優勢 (暫時)係過左關都睇到上面 block 的網站

TOP

本帖最後由 剋星 於 2015-2-23 11:25 編輯
我正正就係用緊買機上台。佢就話可以 $200 續約。
我中移動同埋 CSL 都係 contract 的 (CSL 係跟 iPhone pl ...
crazyjs 發表於 2015-2-22 11:26



    CMHK 咩PLAN 都係可以 用當時簽約價黎續約...
我而家用68+0限速..都係68+0去續
其實講左咁耐.佢應該要一個號碼長養...一個星期先用一日...一個月先用4日到...
就係咁大陸買張神州行..冇最低消費...開個上網PLAN 打電話一分鐘一分鐘計..

TOP

回覆 4# Ezra

回覆 5# Botti

Thank you Ezra, Botti ,應該 "跨境王加強版" $138 似岩我用多d。如果 "跨境王,一卡兩號儲值卡" $35 得 100MB 我諗我實爆,因為都常 check email 同埋 whatsapp send 相等等,一下係 facebook 睇段片我諗好快就爆 100MB,如果  "跨境王加強版"  $68 一個月,有 500MB 應該足夠有餘,而且相比我之前一個月 $200 蚊平得多。

不過就要再諗下我本身果個中移動 number 可以轉乜野最平既 plan,即 $68 + 最 cheap plan (keep number).. 哈哈!可能計出黎都要過 $100 蚊...

TOP

跨境王(加強版)真係可以上到facebook? 我問過佢地....佢ge答案好似係唔得咁ge.....
Screen Shot 2015-02-25 at 3.11.23 pm.png

TOP

我岩岩過年上廣州,就試左聯通跨境王普通版,上禁網無問題,但用部Nokia Lumia 630來tethering就好奇怪地只能WhatsApp同WeChat兼十分龜速甚至經常斷線,WhatsApp更收唔到圖片只能收發文字,上網上Instagram就更加完全不能,但係返部630本身度上網又完全無問題上乜都得連YouTube都睇到仲好順。唔知係機問題定聯通問題,但同係630 tethering中移動又完全無問題喎!

TOP

聽聞,一卡兩號,大陸號碼好像無得轉台,你祇轉香港號碼?

TOP