可曾遇過未能如期MNP呢?

數年前,我由儲值卡轉「上台」(兩家是不同電訊商),原定「轉台」天前一天收到電話,指因為資料有誤,所以不能「轉台」,要再到「上台」電訊商更新資料,結果數天後才成功「轉台」。近日,我申請由「上台」轉儲值卡(屬於同一個集團),當時職員有影印我的個人資料和儲值卡,但未能如期「轉台」,我也沒有收到任何電訊商電話,我到原先「上台」電訊商查看個人資料,並沒有資料錯誤;亦到儲值卡電訊商查問,職員說他也查不出不能「轉台」的原因。「上台」的合約已經屆滿,我只能延遲「轉台」日期,要在「上台」電訊商寬限期結束前成功「轉台」。

你可曾遇過未能如期MNP的情況呢?「上台」轉儲值卡,或儲值卡轉「上台」,是否較不順利呢?

我早幾個月轉台都差D奶野, 不過我個case係新台果邊輸入錯左資料搞到轉唔到台. 好彩有預留幾日buffer, 趕得切在舊台截數日轉到, 唔係要俾多一個月錢都唔知入邊個數
(我個case唔係儲值卡)

TOP

本帖最後由 保羅兄 於 2015-3-11 14:10 編輯

回覆 1# daemongmong

我同您情況完全一樣。
我之前MNP去hello card,諗住預早截數前一日轉台應該無事,點知個日等極都未轉到台,又收唔到任何人通知乜事,搞到我打左好多次電話...

打上兩台hotline經過︰
先打去新台hotline,俾佢耍我打去舊台,仲同我sell電話同網上痕...;打到舊台又話無MNP紀錄,又叫我打去新台;新台又叫我落去門市搞;去門市呢,又話要去番幫我mnp個間分店先得,個日已經夜晚九點;打去個間分店,先至話個mnp俾舊台reject,又係話唔知原因,佢話幫我跟;隔左半個鐘覆我,對家話我個名錯wow,又話可以試多次mnp,但要遲幾日先知得唔得,又或者下個月先(隔30日後)再轉台,唔好蝕凸出個月舊台台費wow;咁我唯有又打去舊台問清楚,佢又話個名無錯,之後我係咁嘈佢,嘈足半個鐘以上,最後我話我唔會因為轉台問題,要我交下個月全數月費,佢先應允我可以稍後致電申請按比例交,咁我先至罷手。覆番新台再馬上mnp...

就係咁搞足我成晚。佢地成個mnp根本係黑箱作業,都唔知邊邊搞錯,搞到轉唔到台。

TOP

本帖最後由 保羅兄 於 2015-3-11 14:01 編輯

回覆 1# daemongmong

再一次MNP︰
隔左幾日,終於成功轉台...

申請舊台按比例收費︰
因為轉台前已經cut左信用卡過數,所以未至於擔心佢會收多我錢難追究...
咁隔幾日,等舊台出左新月費單,先至再打上hotline要求按比例收費,過程又好順利...只係佢又要我等幾日短訊個新銀碼我去交尾數
點知等左幾日,都係無短訊黎,落去門市又俾人耍,話 "無尾數交,由得佢"...咁我唔係好信,再打上hotline追問,又話可以去門市交埋個7蚊...之後再落門市先終於可以交到條尾數

唉,經過呢件事,我發誓以後都唔再上台,無論寬頻好、電話好。

TOP

回覆 1# daemongmong

下面條link個位人兄,佢轉台連續俾人reject左3次,單野都十年前
http://board.phonehk.com/viewthr ... able&tid=131072

最後佢都要同電訊管理局投訴...我估件事應該解決左

樓主,我建議您打去舊台嘈下,同佢講再搞唔掂會走去電訊局投訴,咁先得

TOP

回覆  daemongmong

我同您情況完全一樣。
我之前MNP去hello card,諗住預早截數前一日轉台應該無事,點知 ...
保羅兄 發表於 2015-3-11 13:43


舊台係3HK?

TOP

回覆 6# tamchicken

係太陽

TOP

回覆  tamchicken

係太陽
保羅兄 發表於 2015-3-11 21:28


姐妹公司扯貓尾?

TOP

回覆 8# tamchicken

都唔奇,不過算,件事都解決左,總之以後乜都用儲值卡算數

TOP

我已經用咗十幾年儲值咭,近呢兩年連寬頻線都cut埋,全用儲值咭上網+儲值咭電話.

TOP