黎大鈞寸「拍住賞」跛腳 踩無法支援iPhone HKT指反應熱烈

【本報訊】有「金句王」之稱的數碼通(315)行政總裁黎大鈞離任前接受訪問,力推「遺孤」手機推廣平台「KISS」,同時不忘「寸嘴」,直斥對手csl.的手機支付服務「拍住賞」「跛腳」,無法支援iPhone用戶。香港電訊(6823,HKT)反擊,稱拍住賞反應熱烈,並再與759阿信屋合作推半價購物優惠。
記者:胡仲邦 石永樂

黎大鈞多次強調,KISS是網上市場推廣銷售平台,手機支付只是最後一個環節,並非主打功能,但所有電訊商用戶均可使用,並同時支援Android手機及iPhone。被問到如何評價拍住賞,他立刻爆發:「我都無咩comment,有咩point啫,一半人用唔到,又要轉SIM卡,又要畀你個台綁住,有咩意思吖?」

希望KISS年底前推出
他多次批評對手無法吸納iPhone用戶,「點可以講佢係行先啫?大佬呀,佢嗰個跛腳㗎!唔該,你唔好同我講笑話啦,I think it's an insult(我認為這是侮辱)!」又認為對方的支付數據無用,「如果只係簡單支付,係無data(數據)可言。嘟,買嘢,哦,知道幾時幾日邊個地方,你買咗60蚊嘢,係咁簡單㗎啦。」
他指出,KISS「一路做過咩嘢,攞過咩嘢,去到畀錢喇,已經係最後。所以出發點,我哋同其他支付系統好唔同。」又指已有幾百名零售商戶參與,希望在年底前推出。
雖然KISS向所有人開放,但要成為用戶,亦須到數碼通門市註冊,惟黎大鈞認為,做法對持卡人有保障,商戶及發卡機構亦可降低壞賬率。

拍住賞夥阿信屋五折購物
黎大鈞力踩拍住賞,香港電訊發言人回應時則強調「事實擺在眼前,拍住賞引起市場的熱烈反應」,又指其技術方便安全。
另外,拍住賞繼續用「零食戰」吸客,再次與759阿信屋合作,本周六於旗下店舖出示會員卡及用拍住賞付款,即可獲半價優惠。
數碼通及香港電訊重點出擊手機推銷平台及手機支付,都反映電訊商開始尋找新業務。事實上,外國大型電訊商已作不同嘗試,例如日本軟銀(SoftBank)早年以風險投資者身份入股互聯網公司,例如入股阿里巴巴成為大股東,及收購手機遊戲《Clash of Clans》開發商Supercell等,均獲得重大回報。

資料來源︰按此

好酸啊

TOP

其實8達通可以俾車錢,其他可以好似支付寶咁俾錢人或收錢。俾我揀我用8達通囉

TOP

有時真係唔明呢間公司既思維,
剛剛收到sms 話用緊儲值卡可以用$998 出 E4g (唔係Dual),
仲要有sim lock, 1年後先有解unlock.....

人地人仔台簽6個月$998出E4g Dual 呀,
黎大炮訓醒未呀?

TOP

有時真係唔明呢間公司既思維,
剛剛收到sms 話用緊儲值卡可以用$998 出 E4g (唔係Dual),
仲要有sim lock, 1 ...
癲羊 發表於 2015-8-20 22:39

吓?呢D低階機仲要有SIM lock?依家仲玩呢味野?

TOP

聽黎大J講野令我感到我的荷包好似跌緊錢咁,
佢每講一個英文單字的發音更會有combo的效果

TOP

真係.....
又話上定今個月開記招,結果仲要拖到年尾
繼續九吹啦,黎生!
電盈做得好過你係鐵一般的事實

TOP

黎大蕉 唔係你 smt  lte 唔會咁屎羅

TOP

回覆 8# PC147
當年,也許佢唔知有CA提速呢樣嘢
到現在,佢更估唔到澳洲電訊會放棄香港市場,賣返俾楷楷

TOP

數馬窿真係越做越差。

TOP