東莞毛卡過戶進入最後30日限期(配合speedspeed兄Post取經)

本帖最後由 jbnlok 於 2016-12-3 22:25 編輯

唔使心急!最緊要快! 進入12月鳥!按國內論壇情報,東毛10月1日開始半停機,12月係全停機已進入最後30日可過戶期限!話係咁話,各師兄姐都唔好拖到12月尾先上東莞做過戶!現在除星耀王小姐可辦理,門市亦鬆手咗明顯減少推卸嘞 請看以下12月3日之最新更新!

聲明:本人發現有肥花(dxfever)賣東毛人士於二手賣買post直接提供此帖為實名指引,本人與此人並不認識亦無任何利益往來!幫襯佢買卡嘅朋友你張卡實唔實到名自己搵佢找數!在此請那位賣卡人士賣得仲貴過人唔該唔好咁懶自己整指引比客人啦!要賺人錢都做返啲嘢喎!


本Post所有綠色字體都是一click即入資料link,方便師兄師姐更快參考相關資料。

03/12 22:15資料補充:12月1日仍有師兄過戶成功,詳見1187#
另外有好消息!11月尾已有師兄姐順利在永寧門市+康寶門市過戶3至5張東毛,詳見:1115#1120#


24/10 22:45資料補充:ttss師兄分享於東莞鳳崗鎮永盛營業廳成功過戶!詳情值得參考:503##511 交通指南;亦有補充有用提醒:#513#530

21/10 18:15資料補充:123kay師兄成功於週四在另一最近樟木頭火車站嘅康寶街門市過戶!與於永寧路門市一樣需要填寫最近充值資料及5次通話記錄;出示回鄉證、大卡套、sim卡及有登入網上營業聽pw

19/10 aok師兄再報告3合1sim港收3hk接打電話功能完全恢復正常!3hk網絡下打國內手機號碼只需直打,不用+86,如打133、1357號碼要在前面加 "0" (0133xxx、01357xxx),於CSL網絡下打國內手機全部要+86。

17/10 15:20資料補充:mwsummerma師兄實證於星期日在最近樟木頭火車站嘅永寧路門市實名!由火車站行去只需8分鐘路程!詳情請由232#開始睇

14/10 12:30資料補充:

  • 見好多師兄問劉生wechat,其實應該唔使再加佢,因為好多師兄話佢已潛水唔覆人嘞!而且若只為咗想send嘢比聯通搞“加名”--即係佢地聯話嘅申請成為號碼使用者,可以直接send去佢地office嘅qq email就得,當然唔包佢地會唔會好有效率咁處你個申請,因為有幾位師兄已反映跟足指引send文件都係一直未加到亦一直冇劉生回覆!仍然想試嘅話可以睇#25(申請方法)#32(有顯示劉生比嘅qq email)同埋#47yringo師兄嘅分享

  • 在隔離post亦有mdws2002師兄詳細列出由上水往返星耀國際所需時間,十分實用!

    上去過羅湖連過關,約20分鐘。
    買飛到上車,約30分鐘內。
    深圳至樟木頭,約30分鐘內。
    的士至星匯國際(約十分鐘,一出火車站就大把的士佬係度問老細去邊,感覺好似一上車就俾人劏,所以當日我哋無搭。直接行過去,約二十分鐘左右。)
    搭Lift上星匯國際,去到王小姐又唔使幫其他人搞,只係幫你一個搞嘅話,就十分五鐘內搞掂,有其他人,而你又想試清楚嘅話。你預逗留係度半個鐘左右啦。)
    落返去,好彩有的士經過嘅,你就十分鐘可以到返火車站或者去永寧街營業廳換卡。唔係嘅話,行去永寧街換卡再返去火車站,你都係預半個鐘到啦。直接去火車站就二十分鐘左右啦。
    跟住買飛等火車,都係約30分鐘啦。
    車程返返深圳,都係約30分鐘。
    過關返上去,大約都係20分鐘咁上下。

    所以︰20+30+30+20+30+30+30+30+20=240分鐘 = 4小時。

    當然,你等候嘅時間唔使咁耐,就會快啲啦;你等候嘅時間耐啲,就會慢啲。



13/10 22:50更新:有關換3合1 sim有師兄經驗會在香港有打&接電話問題,有師兄正向聯通反映及等待解決方案
14/10 00:54更新:謝謝aok師兄向聯通反映有3合1sim只能在港收3hk only因而不能在港接打電話,現在聯通已更新系統令auto detect 3hk嘅3合1卡可以手動轉返去PCCW/CSL(先關閉4G LTE,只可以3G/2G模式下登入或連續登入pccw 5次),接打電話功能恢復正常!

由NOSTALE師兄正Post(真正黎料)中國聯通開始嚴格執行未實名就停機措施 (我已被半停機)引發各勇猛師兄無私分享聯通東莞毛卡實名經驗,小妹有以下整理,打算這週三都要上東莞,繼在深圳福田聯通為兩張“真正0月租一卡兩號”實名後,終於都要面對手頭呢3張連冧把東莞毛實名嘞!

Fungsir師兄引新聞:『近日,廣東聯通、廣東電信、廣東移動,分別通過微信、微博等渠道發佈“通牒”,在規定時間內用戶不進行實名登記,手機將被“停機”,廣東聯通的最後期限為9月20日,廣東電信和廣東移動的最後期限為9月30日。比如,廣東電信在公告中寫道,將嚴格執行實名製,9月30日全面停止對未實名用戶的服務……通管局相關人士也向記者確認,根據相關要求,從10月1日開始,未進行實名登記的用戶將被暫停服務。』

So, 我手頭3張東莞毛就係咁響聯通手機營業廳Apps登入都顯示未實名半停機,響業務記錄度就show 2016年10月01日 未實名半停機,受理地點:東莞市分公司

Frankychan師兄分享,佢問過聯通客服,10月31前要實名,否則個號碼會被取消! 亦有師兄說實名限期係被半停機後3個月 有大陸forum話:" 全停卡係得返30日內,半停機有3個30日但最後果30日會變成全停機"←呢個似正解!
我聽大陸forum講, 全停卡係得返30日內
半停機有3個30日但最後果30日會變成全停機 ...
suiyan 發表於 2016-10-5 13:11


以下資料及實際經驗以下勇猛靚仔師兄聯合提供(排名不分先後…指靚仔指數 ):
kkchuang、syeung、wok12345、sa37052005、speedspeed、tl1014、ecorange


  • 聯通唔理上手係乜水,只要你有大卡套俾佢做証明就可以過戶,給回鄉證佢影印,忘記了網上營業廳登入pw都可以!

  • 實名地址:星耀国际12/F--东莞樟木头镇东莞樟木头樟深大道与蓓蕾路交汇处。坐火車去羅湖過關後,落下層行前少少就會見到廣深和諧號,你坐2個站到樟木頭,出車站搵架的士去啦(雖然係可以行到去),如果你想行就咁行:http://f.amap.com/Sgpw_0591Rc8
    speedspeed師兄已在正post東莞毛卡過戶之行中已圖文並茂介紹由火車站行過去嘅方法,我都係跟住呢條route行

  • 記住人哋係OFFICE,一週五天工作,朝早開9點,但午飯時間係1200-1430,收工時間係1730,職員王小姐話希望啲人唔好遲過5點到,如果唔係就迫住佢又要OT。

  • 星耀國際係乜?樟木頭既營業廳卸晒d人去星耀度處理實名問題,東莞仲有其他營業廳可以做實名,但難保太多人去做實名時又會好似樟木頭咁搬龍門,所以現時黎講最穩健既實名東毛地點應該係星耀12樓。

  • 比張大卡同回鄉卡佢搞過戶,佢入資料去系統,影印完,簽個名就得,有紅單寫住過戶。

  • 另外提一提將會去辦理實名過戶既兄弟姐妹要注意既事項:

    • 實名後記得問佢拿新密碼(或確認一下初始密碼重置是否手機最後六位數,登入時需要用忘記密碼更改)--因為過戶後密碼一定被重設,如果無新密碼而sms功能還未成功開通,咁你就無得登入營業廳app查詢;而我自己個人嘅經驗係即場講比職員王小姐知本身用開嘅密碼,佢即時幫我喺系統度set返原本嘅密碼
    • 要留意返辦好哂手續後,要要求重新開通所有功能。即登入營業廳app查看"業務辦理記錄"睇佢有無做漏野,正常情況你應該會睇到(註:師兄係響10月8日上去搞):


    未實名半半停機----2016年10月1日
    未實名半半停機後開機-2016年10月8日 (有呢項即表示能上網)
    過戶---------2016年10月8日 (有呢項即成功轉左你個名)
    服務/優惠變更----2016年10月8日 (有呢項即成功開通語音、sms等功能)



  • 若有需要換3合1size嘅sim卡可以跟手行落永寧街營業廳,需付¥10,只要剛才過戶時開通返所有嘢,一換卡即可以用。有師兄表示換咗3合1在香港auto detect係3hk嘅卡會出現電話打出打入嘅問題,我換嘅係CSL就未出現問題,師兄師姐若要換卡請留意鳥!

  • 過左戶後,如有任何不正常要搵人開通的,開通就打上去或Wechat 同提供身份證明。

  • 你覺得上去東莞搞實名麻煩,唔介意唔係自已名實名,可以wechat搵劉生影幾幅相同簽聲明書做加名就可以用得返張卡。有師兄已試過成功用email寄文件同埋相比劉生搞到"加名"--即係登記使用者,但王小姐說卡嘅持有人仍然屬於原本卡實名咗嘅公司,一旦卡損壞咗或者唔見咗,係唔可以以使用者及大卡來補返張卡嘅。(因為我都係搵師兄pm我劉生wechat,所以我不便在此明寫...sor)

亦有師兄在我edit時仲係等緊result:QQ 聯通 劉生比左資料到今天還是一樣情況

QQ 聯通 劉生比左資料到今天還是一樣情況

未受理
此路通不通 ?
ywringo 發表於 2016-10-12 10:28

回覆  ywringo

昨天我見王小姐枱面堆積著一疊print out係啲人email比佢地搞"加名"的,然後都間唔中有佢嘅 ...
jbnlok 發表於 2016-10-12 10:40




我之前已經實名咗兩張聯通0月租,宜家上埋去實名多3張東莞毛,我問職員王小姐,佢話聯通只比每証件實5張卡,系統會有record所以唔係每次最多實5張而係每証只可實5張。但係我上去嗰時見到有師兄一次過實5張但佢話仲要上廣州實多張...所以唔知查實係咪每證係可以實多過5張?

祝各師兄師姐實名順利!

本帖最後由 ywringo 於 2016-10-10 19:54 編輯

1)        可以pm我劉生wechat?  X2
我唔介意唔係自已名實名,
可以wechat搵劉生影幾幅相同簽聲明書做加名就可以用得返張卡。

TOP

本帖最後由 jbnlok 於 2016-10-10 20:06 編輯

噢!原來speedspeed師兄已經出咗圖文並茂Post詳盡介紹,失禮曬添!我出post前應該再三睇清楚

TOP

1)        可以pm我劉生wechat?  X2
我唔介意唔係自已名實名,
可以wechat搵劉生影幾幅相同簽聲明書做加名 ...
ywringo 發表於 2016-10-10 19:53

我都唔介意,想要劉生wechat,謝謝!

TOP

我都唔介意,想要劉生wechat,謝謝!
格拉底 發表於 2016-10-10 20:34



    相信是傳說吧  .......................

TOP

本帖最後由 kkchuang 於 2016-10-10 20:40 編輯

劉生wechat已PM以上三位~~

我去星耀時,劉生不在場,但應該係嗰度啲職員嚟。
之後我SMS仲未開通,我都係wechat劉生,佢好快幫我開通番。

TOP

C姐,巧耐冇浦頭喎!
1嚟又有貢獻

TOP

劉生wechat已PM以上三位~~

我去星耀時,劉生不在場,但應該係嗰度啲職員嚟。
之後我SMS仲未開通,我都係 ...
kkchuang 發表於 2016-10-10 20:37

師兄 可唔可以pm埋我 唔該晒你呀

TOP

本帖最後由 jbnlok 於 2016-10-10 21:53 編輯
C姐,巧耐冇浦頭喎!
1嚟又有貢獻
lailailai 發表於 2016-10-10 21:18


自己一浦頭就衰冇再三check post就出post囉!真係自己都覺好????!其實我係有check,不過唔知典解當時睇唔到師兄已一早出咗啲咁正嘅料,如果睇到就響佢度回

都多謝師兄你肯show appreciation!感謝!

TOP

回覆 6# kkchuang

謝謝ching!

咁你知唔知quota嗰個問題呢?我驚係咪我以後冇得再買要實名嗰啲大陸sim喎!

TOP