個女人啱啱睇完 White Album..... 我既不幸開始了.........

本帖最後由 botsang 於 2016-6-18 04:15 編輯

好死唔死, 佢早兩日摷到我有 WHITE ALBUM 套碟, 開咗嚟睇.....
(註: 以下有劇透)

睇開頭幾集, 一邊睇就一邊不斷話: "飛咗佢啦! 條女掛住發明星夢, 都唔顧自己男朋友!"
睇多幾集, 開始改口: "搞錯呀!! 同個經理人咀埋, 男主角好無定力!"
再睇落去, 開始激動咁話: "痴線架! 仲同個經理人搞埋, 啲男人咁架!!" (我當然好快咁話: 唔係既, 唔係既!)
然後睇多幾集: "吓? 連細路女都想搞?!"

之後開始鬧其他:
"美咲搞乜呀?? 搵彰做水泡? 索性爭冬彌好過啦!"
"理奈連朋友既男朋友都唔放過, 咁衰架....." (去到呢喥, 我再一次見識到女人既人格分裂)
"揀邊個都好過揀遙, 成個機械人咁, 又無厘頭又似男仔.... 家陣搞基咩....."
"英二正人渣!! 居然咀由綺!" "哦! 原來佢 SHORT 既....... 我都一早覺得佢痴痴地線" (我心諗: 大家咁話!)
"瑪瑙咁少戲份架 ! 講佢多啲吖嘛!"

本來諗住佢睇完就算數, 無乜野既.......
點知佢睇到美咲最後嗰幕, 忽然喊到 FEE LEE FAT LET, 兼且開始 "訴諸暴力", 楂到我手臂好痛 (俾佢啲指甲篤到差啲出血)
"索性飛咗由綺啦! 美咲好過佢多多聲!" (我都話女人會人格分裂......)
睇到篠塚同男主角結束時, 又話: "其實篠塚好慘好可憐"
睇到理奈喺鏡上寫 "GOODBYE" 嗰幕, 又喊過: "除咗美咲, 我覺得就係理奈最好" (又分裂)


終於等到佢睇晒, 我諗住一天光晒
誰不知 "突擊測驗" 開始了
"點解你從來無話我係你既女神架???"
"你遇過幾多個女神? 邊個? 你地發生過乜?"
"你有無好似男主角咁, 吼我行開行埋就........?"

以後我都會將呢啲多角戀 VIDEO 收埋 (尤其係 WA 2), 希望唔好再俾佢摷到

ACG4大人渣之一
不用說太多了

TOP

咁唔好比佢睇到School Days

TOP

回復 3 #Once

見埋隻game要收好所有利器

via HKEPC Reader for Android

TOP

唔想有生命危險仲唔快快將套school days收起佢

TOP

打死白學家

TOP

回覆 6# zeroipm
白學是WA2

TOP

提示: 作者被禁止或刪除 內容自動屏蔽

TOP

回覆 8# toylet

完全係過份投入嗰種啦

TOP

提示: 作者被禁止或刪除 內容自動屏蔽

TOP