[中央處理器] 中招...

本帖最後由 totao1984 於 2015-5-28 19:56 編輯

小弟新婚新屋入伙,見家裡大局已定,身痕,於是諗住換部機喇.不過資金唔多...咪諗住貪平...留意吓二手市場囉.
有一日,咁岩留意隔離二手場.
出售物品: Biostar H81MHV3 & i7 4790k 2千,心諗,哩度之前都有放2千1,仲諗住執到平嘢 .仲即日就交易添.
同佢交易時一開始就話粒u已經上咗係塊板度,係岩岩用緊即刻除出黎嘅.我都係第二次交易咋,諗住信佢喇講明同一日買.我都係擦咗散熱膏見4790k就算了.反正佢話私保7日.(蠢咗...我見塊板都好新淨,風扇散熱膏一D塵都冇...就應該懷疑了)
點知到我返到屋企,插ram插線插電.部機有著,不過咩都睇唔到...我仲諗會唔會關火牛關ram事(由舊機抽出來用),換過另一隻牛.單插一條唔同牌子嘅ram都係一樣...咁當然即係拆風扇睇清楚粒U.
20150528_181604(2)_resize.jpg
2015-5-28 19:18

開始發覺粒U都被上手玩到唔知點...我都未見過粒U"瓦"色成咁...
於是開始心急了 .whatsapp返個賣家,再上個post一睇...大大隻字寫住已被撤取...再睇whatsapp最後上線時間就係岩岩交易完果個時間...就知道出事了...果晚真係訓唔著...心諗...自己竟然會蠢成咁...就咁俾人呃咗...
第二朝,見個賣家有pm我,仲諗住佢算好人喇.仲問我係唔係Ram同PSU唔夾,我就覆佢...點知到宜家都冇再聯絡成功了.
咁佢話粒u同塊板同一日買咁咪唯有靠自己囉...星期一佛誕放假攪唔到,就由星期二開始打電話.
我仲好天真一心諗住應該係塊板個bios未update,所以先話塊板個代理,打咗去話個師傅要星期三先係度.咁我唯有等到星期三(即昨天).
我一放工就去個代理果度.點知同個職員同升降機.佢話個師傅未到,要7點半-8點先到.咁我唯有行吓黃金高登等個一個鐘.到佢打黎時話見到嘅情況同我一樣都係見唔到畫面.佢哋話會俾寄去廠睇睇...叫我返去拎返粒u同ram.仲要叫我快D因為七點前收鋪.我仲諗住講就黎8點了.
去到時我就可唔可以用其他cpu或者睇吓個bios有冇得update.但佢哋話個師傅已經走咗...(哩份工真好做)因為其實我緊張粒u用唔用到多過塊板!!!
總之塊板收咗,我有一刻好想買塊新塊再返屋企試...好彩打咗俾老婆舒緩自己情緒,唯有第二日去聯強度睇睇.
第二日即今日,好彩放假.所以先打去聯強問粒u係唔係valid.咁我同樣好天真咁認為粒U應該同個盒一樣喇.咪照個盒上個batch id報囉.聯強亦話係佢哋保.咁食完早餐就過去喇.
20150526_212347(2)_resize.jpg
2015-5-28 19:18

去到時,可能食午飯時間了,得位靚女客服招待 .話師傅唔係度.宜家只會收件.遲D再試.咁我就俾咗粒u佢.佢先擦乾淨D散熱膏.然後就發現四隻角有花痕,我話係呀,我拆出黎都見到...都冇法...我都唔想.
跟住佢Check埋個serial number發覺同個盒唔一樣,我就話唔係化...咁大獲...今次真係賠了夫人又折....位靚女仲講,好少見粒u咁"瓦"色.我都只好講其實粒u係二手嘅.我仲以為粒u同個盒係同一件貨品來的.佢都好好人,俾咗intel個電話我叫我試吓問粒u是否valid...可惜打去後話D engineers好忙,覆唔切.去到宜家都聯絡唔到...
所以宜家唯有等收返塊主板再確認粒u了...

我明白買賣係雙方嘅事.被人呃就被人呃...我都只係唯有呻吓.仲諗住執到平嘢...
之前果次都係買粒cpu相當順利.用到仲同個賣價講個多謝.我都係諗住大家信大家姐.吓吓要check到咁仔細嘅話買果個麻煩,賣果個都唔爽喇.
自問要做嘅都做咗喇...錢就攞唔返...唯有希望粒u用得到喇.

本帖最後由 totao1984 於 2015-5-28 19:56 編輯

重覆了

TOP

好在你買等快。。。嘿嘿嘿
如果唔係出post既就係我。哈哈。

TOP

你上intel網打下,有得check是咪valid

TOP

本帖最後由 Turboaftershave 於 2015-5-28 20:23 編輯

個個人遲早有報應,師兄你當做善事吧

btw 尼d 得3相供電既cheap板 完全配吾起 4790k 身分 (仲要生物星 資源錯配)
就算勉強用到 d mosfet 肯定熱到hihi 好快瓜柴

用得i7 仲要k 無z97你已經要懷疑

甘既配搭 你下次多加留意 吾好再受騙

TOP

慘慘豬

TOP

回覆 2# totao1984


    睇BOX都知 BOX寫住MADE IN VIETNAM 但粒U就馬拉

TOP

網上 4790K 圖, 對比返 個 TM 印得好鬼, 師兄真係兇多吉少

TOP

提示: 作者被禁止或刪除 內容自動屏蔽

TOP

係呢度二手版買?

TOP