Razer Carcharias個人用後感

前幾日終於係黃金度花$730買左Razer Carcharias耳機,亦係小弟第一次用razer既野。開箱文我唔寫喇,因為之前有師兄寫過,而我亦講過如果買左之後會打個用後感出黎。順帶一提小弟既sound card係X-Fi Xtreme Music,高、低音跟預設一樣set做50%,但求用後感有一定程度既準確性。分數最高為10.0分。

外觀:
8.5分
整個耳筒都係黑色,雖然係大路顏色,但未免有d單調。頭頂、耳筒都係厚厚既海綿,而且耳筒更用上類似毛巾既物料包裹住,帶起黎都好舒服,帶一個鐘到都唔覺攰。枝mic唔太長,無伸縮功能,雖然可以彎曲,但未至於可以貼住咀講野果隻,而且奇怪在無海綿包住,唔可以隔下d風聲。個控制器有大/細聲較同埋mic既開/關,不過覺得太重,如果用佢夾住衫領會墮落黎,呢個要好好改善下。但係好在由耳筒至控制器果段既線都幾長,可以選擇夾衫尾都得。

音質---遊戲篇:
8.5分
用Let 4 Dead同Call of Juarez - Bound in Blood黎測試,上下左右前後定位唔錯,高音部份(例如爆玻璃、尖叫聲等)都唔差,但低音方面過火左,例如槍聲方面一定會覺得呢隻耳機個bass set得太重,手槍似爆竹,散彈槍似炮聲,有點兒失去左原聲感覺,所有聲音都加左重低音,遇重越重,呢方面係唯一不足之處。

音質---音樂篇:
8.0分
用耳筒聽歌通常都會比用喇叭聽得更多細節,尤其係唔突出又細聲既配樂,呢隻耳筒亦一樣,配樂細節都ok清楚,男、女人聲都算清,鋼琴、木結他都合格,不過同上面講過一樣,遇重越重,剩聽音樂已經覺得所有聲都預設加bass,人聲亦「沉厚」左d,只有係中、低音你會覺得幾好,如果你想欣賞一d歌手如張敬軒既高音,呢隻耳筒會令你失望,你係唔會聽到佢高音果陣既吵耳聲。

音質---DVD演唱會篇:
8.8分
奇怪在一隻以遊戲為主打既耳機竟然用黎聽演唱會有唔錯既效果,觀眾既尖而吵既歡呼聲、歌手用mic講野、音樂中既重低音、節拍既重低音都做得好好,但仍未能達到9.0分或以上係由於重音方面耳筒始終唔可以做到同2.1或以上既喇叭既效果,不過耳機黎講算係咁喇。

音質---DVD電影篇:
7.7分
呢隻耳機既定位唔係用黎睇DVD用,所以音質效果只屬一般,高、中、低音還算合格,中音如人聲會更好,但某類重低音做唔到預期效果,亦都係因為耳機無woofer,做唔到呢類效果。

音質---mic篇:
9.0分
好多人係用耳機既時候容易會忽略既一點,雖然唔係主要功能,但一個mic係玩遊戲果陣好影響其他隊友對你既感覺,一個收音唔清、聲矇、有回音等等既差mic係其他隊友唔願聽到既聲音,就好似一個人人品幾好,但係出街着衫不論不類,衣衫不整都會比其他人印象差既感覺。好在呢個mic收音都幾好,講野既時候對方聽得好清楚,只係由於佢唔貼咀,所以設計既時候收音能力會加強,變左附近既聲音都有機會收埋,但只係附近既聲音大到某一個程度先收到,都唔會太過份。

總結:
8.0分
不過不失
以佢定位於遊戲用既耳機黎講,價錢實在太貴,似乎只係因為牌子而抬高左價錢,實際覺得價錢只值$5xx左右,而且根本無必要將預設低音set得咁強,咁做只會令聲音失真,其他聲音亦跟住沉落去,好在遊戲中既定位唔錯,尤其玩FPS既遊戲唔會影響玩家反應。聽歌方面唔出眾係意內之事,因為佢定位於遊戲用,但以遊戲用既耳機黎講聽歌都算係咁,只係低音太重。睇電影?唔好諗,除非係只在乎劇情既電影,如果睇多特效既電影都係用番2.1或以上既喇叭啦。

提示: 作者被禁止或刪除 內容自動屏蔽

TOP

原帖由 ~Sam~ 於 2009-9-1 14:27 發表
前幾日終於係黃金度花$730買左Razer Carcharias耳機,亦係小弟第一次用razer既野。開箱文我唔寫喇,因為之前有師兄寫過,而我亦講過如果買左之後會打個用後感出黎。順帶一提小弟既sound card係X-Fi Xtreme Music,高、低 ...


呢隻耳筒根本就係賣遊戲為主...
最好可以配合埋支援X-FI 既game 如2142...先試得出佢既真正能力

低音重D好..爆炸聲會比較好聽(個人認為)

[ 本帖最後由 hkarmy01 於 2009-9-1 15:57 編輯 ]

TOP

原帖由 anth 於 2009-9-1 02:28 PM 發表

no photo

http://www.hkepc.com/forum/viewt ... &extra=page%3D4
唔係開箱文所以唔post相

TOP

原帖由 hkarmy01 於 2009-9-1 03:34 PM 發表


呢隻耳筒根本就係賣遊戲為主...
最好可以配合埋支援X-FI 既game 如2142...先試得出佢既真正能力

低音重D好..爆炸聲會比較好聽(個人認為)

有x-fi做sound card再搭配唔太差既喇叭/耳筒已經夠,佢再加重d重低音本人覺得有d多餘,除非用者係用AC97啦~~

TOP

如果比730蚊我

打機我會買5hv2

兩用我會加少少買hd555

當然我已經用過呢款咁"精美"既headset

[ 本帖最後由 dev.f 於 2009-9-2 04:27 編輯 ]

TOP

[OT] 點解razer改D名咁特別, tarantula, orochi, lycosa, carcharias... 唔識讀

TOP

原帖由 lic 於 2009-9-2 10:55 AM 發表
[OT] 點解razer改D名咁特別, tarantula, orochi, lycosa, carcharias... 唔識讀

官方翻譯都好核突添

TOP

原帖由 dev.f 於 2009-9-2 04:26 AM 發表
如果比730蚊我

打機我會買5hv2

兩用我會加少少買hd555

當然我已經用過呢款咁"精美"既headset

唔唔,可能我已經比razer搵左笨

TOP

提示: 作者被禁止或刪除 內容自動屏蔽

TOP