F&K手提電腦鎖(開箱文)

小弟第一次寫開箱文, 希望各位CHING多多支持...
最近朋友個電腦鎖壞左, 就叫我平平地買返個俾佢, 於是我就落左黃金, 見到有間舖賣緊呢隻野...$19...
咁我諗住電腦鎖隻隻都差唔多啫, 就試下佢啦...
(睇圖)(相機係N年前既500萬像相機, 質素唔係咁好, 請見諒... )
外盒用塑膠包裝...

拎出來後...

鎖位近照一張...手工一般般...

鋼線粗度約為4mm...中間為鋼線, 外層有一層膠包住...

呢個位個套好鬆, 輕輕一拉就拉開左, 見到入面係點樣扣住條線, 好似好兒戲咁...


以上嗰D都係好少事啫, 跟住先係重點...
個鎖預設個密碼係0000, 咁我就試按下啦...OK, 冇問題...

(因為個密碼個孔係個掣嗰面, 影唔到...所以影左側邊)


跟住我就多手試下其他密碼啦...點知當我轉左第一個轉輪去9字...
再按個掣, 奇怪, 點解會按到既...

跟住再轉第二個去9字, 嘩, 搞錯呀, 都按到喎...:funk:

如是者, 再試轉第三個同第四個去9字...都按到...



我亦都影左段MOVIE, 以免有人話係我轉左個PW玩野...
http://www.flickr.com/photos/[email protected]/4263021440/

最後我發現, 無論你SET左咩密碼, 每一個轉輪既細一個數都可以開到...
即係如果你個PW係6543, 咁5543, 5443, 5433, 5432, 5533, 6443.....等等既都可以開鎖...
即係俾人開到個鎖既機會由1/10000變左做1/625......
嚇都嚇死人...
於是我即刻去搵返個KENSINGTON鎖黎用...呢個F&K都係放係床底收藏好啦...

希望各位CHING小心呢隻咁既鎖...千其唔好買...以免中招...
買得部幾千蚊既NOTEBOOK, 就唔好慳D咁既錢啦...

[ 本帖最後由 henry9_9 於 2010-1-11 01:13 編輯 ]

真係F&&K 啦呢個鎖
感既神作都有 真係買黎比人偷

TOP

神鎖啊
佢到底點樣做到

TOP

係喎, 呢隻野真係好鬼差...
之前幫人買嗰隻款大約$30既就唔夠一年壞左...
今次呢隻就用都未用, 已經可以放埋一邊...

TOP

F&K 試過用有KEY 的都開唔到鎖

TOP

咩野鎖黎GA, 飛左佢了

TOP