[開箱] “轉帖”:冬雪--小米活塞耳機質感銀(香港版)開箱

聲明:本人的“翻譯”對原文有所改動,而一切改動已經得到原作者(本人)同意。
----------
最近小米香港有聖誕節促銷活動,於是幫屋企人嘅朋友買左部紅米note 4G增強版同埋一堆配件。
然後又順便買埋個小米活塞耳機質感銀。
一直想買,但係唔想比郵費。
咁啱12月16日,活塞耳機9折,連埋手機一齊買,免郵費,於是就梗係買啦!
黎番一個購物全家福。(用小米送嘅禮物袋做背景)

本身打算買土豪金,但係無貨,好可惜。於是買左質感銀。
但係睇到實物,我就覺得。。。我買得實在太好啦!!!!!
正面大特寫!!!!

補番論壇用戶名稱,以免盜圖!

本帖於小米論壇及HKEPC論壇發佈!請大家多多支持!
本帖為促進兩岸交流及河蟹而努力!和諧和諧。
好,繼續開箱!

參數自己睇啦,官網只係列左土豪金嘅參數,目前銀色版以本圖爲準。

令人振奮嘅時刻到啦!終於要打開啦。。。

開箱之後,可以睇到印喺包裝上面嘅簡單說明,同埋一個比保護袋包住嘅耳機收納盒。
包裝好有冬日氣氛。。。白到好似冬天嘅雪。。。

移開耳機收納盒,就可以望到繞線嘅建議教程,非常貼心。
最初唔係太留意,用左apple earpod的繞線方法(因為以前用過山寨apple earpod),發現係繞唔到架!大家要留意睇說明!
繞線嘅方法,簡單粗暴又直接。放好所有金屬部分,然後將所有線逆時針繞好,塞入繞線器就ok。


好啦,繼續開箱!

除低保護袋之後,潔白嘅本體就展露出黎啦。
一副具有冬日氣色嘅耳機,好養眼。

背面寫低耳機嘅參數,同外包裝一致。
再影幾張。


打開透明嘅收納盒外殼,耳機登場!!

將耳機同繞線器移開,我睇到三副耳塞,同埋。。。

一個細小嘅線夾!

買哩個嘅其中一個原因,就係為左線夾!
再影多幾張!



全部配件大合照。

有一樣野令我好佩服,耳塞嘅做工幾好!工整嘅邊緣,以及柔軟嘅觸感,實在係太好啦!
係時候睇下耳機本體。

繞線器做工唔錯,邊緣無突出,MI logo亦都好仔細,唔似國產九流貨色。

背面“1more design”清楚表明哩個耳機係由加一設計。
字體清晰,CD紋細膩,有如一件藝術品。

金屬頭都有紋理紋理無歪曲或者不規則嘅情況出現,好工整。
黎多一個特寫。

攞開耳機,就可以清楚睇到繞線器嘅完整外貌。

然後再睇下耳機。

做工嚴謹!就連線控部份都有紋理。



耳機做工唔錯。預先裝好嘅耳塞似乎係大號,習慣用中號所以換左做中號。

將線重新繞好,再影一張。


小米活塞耳機嘅設計幾好,銀色襯托白色,視覺效果一流。
(本文部份內容有所刪減,小米論壇原帖鏈結:http://bbs.xiaomi.cn/forum.php?m ... page=1#pid317990001
小米活塞耳機係一件外貌幾好嘅產品,包裝有濃厚嘅冬日氣氛,睇落就好似冬天嘅雪一樣。

本開箱文到此完結,感謝觀看!