幫老人家選買新電視 --> 4K or no 4K ?

本帖最後由 red_devil 於 2015-2-16 16:39 編輯

想請教大家,

將要幫老人家選買新電視,
主要看 32", 或可升至 40".
舊電視原是 32" Samsung,但check過新型號 40"
是和舊32"一樣size肯定放得落原處 (雖然 screen 大了,但邊位窄了
所以整體機身尺寸幾乎一樣)

主要在看 Samsung, LG, Panasonic,因為保養最長   --> S & LG 3年,P 5年。
大陸牌子應不會考慮,因為聽過連保養都呃人,師傅上到門扮野話冇得整,跟住遊說你買新機...

我最緊張保養和功能因為預算可用愈長愈好,希望唔壞起碼 3-5+年,
亦唔想例如1,2年後突然話漏左樣新功能就又要被迫再買過架新機。
畫面質素不太挑剔達標就可以,反正老人家唔識仔細分的。

老人家主要睇番TVB, HKTV, 機頂盒... (但位置未有得插lan, 所以 內置Wi-Fi 是必要)
現在的  IDTV 有 Android 又標明可以睇HKTV,
其實是否代表已經 built-in 完全有曬機頂盒(如小米盒)功能無需再加盒?

Panasonic AS630H 保養最長有5年,但見佢得2核(Samsung 有4核),
所以擔心佢唔夠快...

已check 過32" 只有 1080p, 40" 才有4K.
想問未來幾年4K市場前景如何?會迅速 pick-up 嗎(還是只會是 gimmick)?
我有否需要只為了4K功能而特登現在選買40" ?
尤其對老人家來說,TVB, HKTV 現在(或未來)也未有4K 廣播?
加上反正只以 40" 來說,1080p or 4K 看來也未必有太大分別?

謝意見,亦祝大家羊年進步  

老人家用買個普通簡單易用就可以,不要太複雜

TOP

唔使睇價錢做人既話梗係4k啦
有an既話可以裝hktv
問題係佢an介面有幾易用,有冇快鍵
唔講老人家,有啲人平時禁電視就識,轉睇碟或者打機,要佢地轉hdmi都可能有問題

TOP

唔使睇價錢做人既話梗係4k啦
有an既話可以裝hktv
問題係佢an介面有幾易用,有冇快鍵
唔講老人家,有啲人平 ...
bbsunny 發表於 2015-2-16 17:09



哈,明白, 所以當然知道d老人家用愈簡單愈好,
閉在依家個世界迫你要複雜呢......................
一陣個政府唔發牌迫到 HKTV 要用網上Android播,
老人家又嚷住要睇 HKTV, 但佢地又唔識禁制d Android app 盒子介面,
想 keep 住簡單但真係避無可避.........

TOP

哈,明白, 所以當然知道d老人家用愈簡單愈好,
閉在依家個世界迫你要複雜呢......................
一 ...
red_devil 發表於 2015-2-16 17:19



    其實盒子有快捷鍵既,不過要解決轉hdmi問題。另外其實a sir之前團購個個智能家居遙控都有用
你set到佢禁手機一個制就可以轉台,什至佢打電話叫你,你幫佢轉都得

TOP

其實盒子有快捷鍵既,不過要解決轉hdmi問題。另外其實a sir之前團購個個智能家居遙控都有用
你set到 ...
bbsunny 發表於 2015-2-16 17:30



你意思系轉 input source? (e.g. AV, HDMI, DTV, Antenna...)
呢個佢地應該識轉,

但 HKTV Android 介面如果d menu 太複雜就麻煩。。。。

TOP

4K唔4K有乜所謂,香港電視台都完全無聲氣話轉4K,你睇當初模擬廣播話到二0一二就停,結果依家都仲有,就算真係轉4K,唔係4K既電視一樣睇到啦
老人家最緊要簡單易用!

TOP

4K唔4K有乜所謂,香港電視台都完全無聲氣話轉4K,你睇當初模擬廣播話到二0一二就停,結果依家都仲有,就算 ...
triangle020 發表於 2015-2-16 19:58



哈,話唔定 HKTV 年尾如果仲未摺埋會升級4K網播......

TOP

卑老人家用,一定要買最好,要敬老!4K喇!

TOP

卑老人家用,一定要易用. 我揀大尺寸, 4k 電視節目有排先有得睇

TOP