(河馬仔專欄)元朗蛇餐評論




又係秋冬起三蛇肥之時令,香港現在食蛇的地方約有三四十間到,今次就講講一間位於元朗大馬路之蛇王如.



店雖然冇乜裝修,但蛇舖多數都係咁,冇乜問題,仲要有蛇宴食.小弟記得自己上次食蛇宴已經係十幾年前在工會食,諗起當時都真係幾回味,如無記錯當時食蛇宴有點似流水席,圍圍都係食食下就有些人食完,通常係每人買張蛇券,全枱人都可能三唔識七圍埋就食,當時最好食就係炸蛇碌,但現在真係唔知仲有冇得食.


晚餐有唔同野食,仲有時令煲仔.

小弟食過幾次,趁未跑馬一於樣樣都評下先:

先講一些非蛇類食物:


鹽焗雞脾飯,非常不俗,個脾油份收到好乾但肉汁仍鎖得好,個皮變得一點都唔漏而帶點點鹹味,係個飯硬了小小.


效外油菜,以菜心來說都算肥大而且新鮮.


白切脾飯,當時跟餐要加5蚊要脾,食落唔似雪雞,雞肉有彈性而雞肉香味足,可能有些人會覺得太熟而已,但現在食野都係熟點較好


黃鱔煲仔飯,一大開蓋有大大陣薑味出來,可能係加了薑汁酒,據我阿媽所講,以前有些婦女都會食黃鱔來進補.個飯吸收了黃鱔之肉香及薑味,食完真係暖身,係個飯少了點但黃鱔就幾多,而魚肉都唔太粗.現在在香港已唔係太多地方有得食.

看板娘---馬場樂子---對非蛇類之食物之評分:



講到一些有蛇/龜之食物,當然唔講蛇羹唔得,此店蛇羹有餐跟,當然薄脆及檸檬草任您加.

此店蛇羹比其他的蛇店有樣令小弟有好深印象之分別,就係蛇肉好鬼大條而且唔少,睇落唔覺但真係食落啖啖肉,食完一碗都真係半飽.雖然藥材味唔係太夠重但如您係喜歡啖啖肉的話您應該會喜歡



枝竹蛇腩飯,香港已唔多見好多地方有得食,食落比想像中滑,帶點膠質不過係有點骨,有新鮮感的.


另一日要了個餐,有蛇羹有糯米飯仲要有龜湯,糯米飯花生好多,臘味量適中,尚算可以的.個龜湯就真係飲落藥材味幾重,有陣類似土茯苓之味道,當晚加埋蛇羹一齊食,雖然當晚食完後唔會一飛沖天,即時燦爛.不過都暖在心頭,氣定神閒.個餐食完都真係好飽肚暖胃的.足矣.

看板娘---馬場樂子---對蛇/龜類之食物之評分:


正 好想食呀!!

TOP

屏會街都有間蛇王如, 有冇試過?
我覺得o個間都ok

TOP

屏會街都有間蛇王如, 有冇試過?
我覺得o個間都ok
mahoro 發表於 2010-1-26 17:17



   
咁就未試過噃,但呢間個名都係一樣,會唔會係是但一間係分店?

TOP

咁就未試過噃,但呢間個名都係一樣,會唔會係是但一間係分店?
河馬仔 發表於 2010-1-26 11:09 PM


唔清楚, 但o個間好似得o的大路野
(蛇羹, 蛇/龜湯, 糯米飯等)

TOP