(河馬仔專欄)旺角土耳其式午餐評論




講起土耳其餐廳,香港其實唔多,非官方統計都可能係得十數間.而身為香港人的我其實對土耳其認識近乎零.

土耳其首都為安卡拉,國花係鬱金香,國家其實又多個種族人口組成,由於地理上接連亞歐兩洲及與地中海及黑海接連,故此歷史上係重要的戰略據點之一.

原來土耳其食物多年亦受到歐亞之影響,而且由於國土頗廣闊,全土耳其之食物製法都有唔同特色,如香港人最熟識之KABABS就是東南部出名的食物

今次一於講講位於旺角通菜街(即女人街)之OUR RESTAURANT之土耳其式午餐.




午餐價錢唔算貴:


先講講第一餐之轉轉燒雞肉飯:


講起轉轉燒,即doner kebap,又叫做旋轉烤肉,主力會以羊,牛,雞等等之肉食切成一片片後再在明火或紅外線爐烤好後再旋轉地打直片出來,除以上肉食外,有時還會用到魚類來做.通常配以大量蔬菜及酸奶等等佐食

此店製作頗認真,雖然配飯並唔常見,但個飯彷彿加入了一些奶,熱辣辣之餘仲要綿綿地,仲有陣陣的奶香滲出來.雖然個飯有點笠口,但配以爽口之蔬菜及烤好的雞肉確唔差,而且雞肉雖然燒過,但並唔太粗,配以酸奶帶出有特色之層次感.


第二餐就特別點,點了一個炒牛肝飯,量多而炒出來冇覺得過火,汁醬雖然不多但可能多菜的關係,一點都唔乾.而且牛肝經過熱炒後有點咬口但唔硬,而香料亦為牛肝辟走了大部份平時食肝的血水味,帶出特別的感覺


雖然以前香港有一句話:"飯後一支煙,快活過神仙",場內有土耳其傳統之水煙擺設(當然唔用得啦),不過對自己及家人身體好一點,還是在此勸勸大家可以的話戒戒煙吧.

講起提外話水煙來自阿拉伯世界,佢地會將煙草加入果味糖漿等等入此裝置供人吸煙.

回來講飲品,除土耳其紅茶之外還有最出名的土耳其咖啡,當時小弟要加錢飲.


細細杯,比ESPRESSO更濃,香氣及味道極濃,如唔飲得濃咖啡的話可能會覺得苦.當然飲完四份一後都會感到有咖啡碎在底.雖然小弟唔太識欣賞,不過作為第一次的嘗試又幾特別.

唔知大家有冇發覺,點解店員在您飲土耳其咖啡之時,會俾埋杯凍水您?當然有原因啦,土耳其咖啡係將一些磨好的咖啡豆加上大熱水(通常會避免用100度滾水),加或唔加糖後飲用,有時會與一些土耳其甜品同食.

凍水之原意係因為飲咖啡時非常熱辣辣,凍水係俾人一邊飲熱啡時一邊飲少少凍水,這樣除了降溫之餘仍可REFRESH一下.


小弟唔喜歡落糖,土耳其話叫SADE.當然大家都可能有
聽過用咖啡來預測連程.通常點樣做?飲完後將個杯倒轉等到凍,最後睇過杯的咖啡碎PATTERN來占卜.當然您問我都唔知點樣來解讀啦!

看板娘---馬場樂子---對OUR RESTAURANT之土耳其式午餐之評分:

本帖最後由 超級高手 於 2010-1-24 23:33 編輯

那個“土耳其傳統之水煙擺設“不是擺設來的,佢地成日攞這個係門口吸食。
我見到佢地成日都企係門口煲煙,都唔想食了。……

TOP

D倦 幾好食但幾貴

TOP

如果個POST 冇咁ACG 就好

TOP

提示: 作者被禁止或刪除 內容自動屏蔽

TOP

那個“土耳其傳統之水煙擺設“不是擺設來的,佢地成日攞這個係門口吸食。
我見到佢地成日都企係門口煲煙, ...
超級高手 發表於 2010-1-24 23:31



   唔係啩

個水煙擺得好高噃

TOP

估唔到旺角都有d另類菜式

TOP

食過一次,野食麻麻地,d汁反而ok,不過細份,偏貴(其實都只係5-60蚊),最慘係地方太細....

TOP

食過了...吾合本人口味

TOP