同中學老師老食飯,好懷念

畢業左好耐,而家出埋黎做野都無番過去探老師。咁岩有frd係facebook搞左個event想約中學個班主任食餐飯,咁我就襯依個機會參加左,順便見下d舊同學!

大家約左係中環等,諗住食香港好出名既鏞記,話咁耐無見,大家銀包又漲左唔少,食好d咁話wor!
一入到去先發現原來今年係鏞記七十週年,由五月至到十一月每月都換一次menu



依個係七月份既menu
因為我地無乜食過依d大酒樓既野,所以個晚都係由老師拍板

第一味係皮蛋酸薑,聽我老師講通常食飯前,依間酒樓都會上一份比你,如果唔食就事先出聲喇!

d皮蛋係溏心,d酸薑好夠味,岩曬中意食既人!

依碟松子雲霧燻香肉先係今晚order既第一味餸,唔好睇佢好似好肥咁,但d五花腩經過茶浸、滷同燻之後已經唔再肥膩,反而係入口即溶。我老師話之前黎食個陣要預先訂先有得食,所以今次有係好好彩wor!


好大舊腩肉


依樣就係第二樣,清香天白花菇湯,個塊肉係叫做肘子,個味道好似金華火腿咁,個湯飲落好重菇味,唔會好似出面咁得個鹹字


第三樣就係依味蝦子扒西施柚皮,我老師一見到已經話而家已經食唔到d咁靚既柚皮。柚皮好厚肉,索曬d汁,配埋d蝦子個口感好得意。之後我老師又話依d食材係夏天先有,好符合中國人不時不吃既傳統....,哈哈,搞搞下好似番去以前教中化個陣咁,如果個陣可以一路黎食野一路聽書應該好好多!


跟住落黎依味犀利啦!個名係皇冠翡翠戲藏龍,剩係聽個名可能都唔知係咩黎,餐牌介紹話,原來係田雞扣,即係田雞既胃!哈哈,不過人一世物一世實要試下既,食落口好爽口,好似食緊海鮮咁,再配合埋黃耳同夜香花依d老師口中既食材,成個餸真係好fresh好健康!



之後個味係銀稔醬煀石岐鴿,顧名思義係乳鴿。聽我老師講銀稔醬係用一種係華南地區既果實整成,平時係香港係好難食得到,哈哈,就黎連地理都上埋添。食落口酸酸甜甜咁,好鬼開胃



之後到蟹粥



唔同出面個d嫁!有好多配料,食落唔鹹,好有蟹味!

TOP




真係成隻蟹上

last依樣一上枱我老師已經興奮到即刻想食,不停大叫山楂呀山楂呀,佢話依家好難會食到依種甜品,因為個味同製法都好複雜唔係咁易做。做唔到一講食連老師都變成細路哥咁。



中間係用白糖黎整,食落酸酸甜甜,好消暑!

今餐雖然好似上左一堂中化堂咁,但見番好耐無見既大家,同可以食d咁特別既野,大家都非常滿足!值得一題既係今餐雖然係鏞記食,但完全唔貴!

TOP

滿足之處應在於與朋友們共聚

TOP

滿足之處應在於與朋友們共聚
A君 發表於 2012-7-29 16:57


幾時攪返個聚餐去鏞記食下啊 ..........

TOP

呢餐埋單幾錢?

TOP

真係正到呢....
同出面d酒樓無得比

TOP

搞到我係公司流曬口水

TOP

估唔到除左燒鵝仲有咁多好野食

TOP

呀~~~~如果有機真係好想試下呀> <

TOP