[教學] DIY酸菜魚(北面風光系列)

本帖最後由 andy1234 於 2013-6-7 01:07 編輯

DIY酸菜魚(北面風光系列)
如大家北上過, 可能都叫過呢味小菜, 呢味正宗係四川菜, 講求鮮、濃味, 有人話極似四川姑娘 (唔好叫人川姑), 咪咸中帶酸, 酸中帶辣, 柔中帶勁, 煮一大盤, 挑戰味蕾, 最佳配係冰涷飲品.




四川人人人都識煮, 但唔系人人頂得順, 今次試吓呢味家常菜, 不過我都系調節吓辣度, 由中級辣變做10小辣, 飛起泡椒, 所以我叫酸菜魚, 唔系四川、重慶酸菜魚.
備料
1.酸菜    $10到
2.大魚    斤半至二斤$35蚊
3.小番茄、指天椒幾隻
4.可隨意加芽菜.
5.調味用豉油、糖、生粉、酒、碎黑椒粒、花椒粉、少許麻油、蚝油提味

介紹吓點整, 我用咗兩種酸菜, 一種汕頭酸菜,冇葉既, 另一種咪四川酸菜.




系可以簡多種新鮮魚, 我簡大魚魚尾斤半到, 可讓魚店起骨, 自已記住用刀從頭向尾方向斜切切片, 咁魚片煮出泥無咁易碎. 睇吓幾新鮮嫩滑, 肉地彈手既, 仲將佢起雙飛.



用二匙豉油、一匙糖、少許生粉、花椒粉、酒醃下佢15分鐘以上, 有人話加蛋清仲滑, 不過呢次求鮮算喇.




酸菜洗淨切條沈水, 唔洗太耐, 20-30分鐘到. 用手搓乾水,



小番茄、指天椒切塊, 葱頭、蒜頭切碎, 薑切條.




魚片汆水, 快! 大滾水20秒到取出,

附件: 您需要登錄才可以下載或查看附件。沒有帳號?註冊

本帖最後由 andy1234 於 2013-6-3 23:06 編輯

葱頭、蒜頭、薑條用油起鑊爆香, 可用多少少油,



加酸菜炒香些少至乾身, 落小番茄、指天椒.




加一公升水, 試吓酸咸度, 落鹽、糖調味, 下一匙碎黑椒粒及二三小匙花椒粉, 仲未落魚呀, 唔洗急, 要煮幾分鐘出囇酸辣味落湯到先, 先至正斗. 可中途下魚骨、魚尾先煮一煮.





唔! 試到你鍾意既酸味後, 少許麻油、蚝油提味,可轉大煲, 跟手落魚片, 煲一兩分鐘到, 熄火, 焗佢幾分鐘芍熟囇d魚片, 一味酸菜魚大功告成, 賣相低分, 味道一流, 我要攞支凍嘢飲喇。謝謝收看。





下回預告: 大漠風光之孜然寸骨

附件: 您需要登錄才可以下載或查看附件。沒有帳號?註冊

TOP

提示: 作者被禁止或刪除 內容自動屏蔽

TOP

隻鑊好正
支持教學
今雲學到野

TOP

期待下集

TOP

都係水煮好食D,醱菜D味有D怪

TOP

提示: 作者被禁止或刪除 內容自動屏蔽

TOP