大埔CHOI潤記食後感

又一個係香港做食肆係靠風水既例子 呢間舖係大埔有兩間差不多名 一間係新CHOI潤記 另一間係無個新字 今次中伏係無新字果間 其實一行三人本來想食群記 但實在太多人 想起呢間係 Openrice 都好多 Like 入到去11張枱坐滿人 有D枱隔離有人等緊位 唔明點解間舖D人唔叫人排隊安排入座 攪到有D人等極無位 有D一入黎就有位坐 我地等位都等左成10分鐘 叫左牛筋河 牛肚河 雙丸米 又等左差不多10分鐘 魚旦 Size 係普通既一半 得4粒 咬落滑潺潺似咬膠咁 完全無魚味 牛丸裡面唔熱無牛丸味 牛筋無味 牛肚都係無味 最經典係D湯 理論上 牛筋 牛肚果兩碗應該有腩汁 但係而家三碗都係豉油溝水 完全無味 呢樣野原來 Openrice 都有 CHing 提過同埋話有個新字果間會好D 但應該都係唔會試啦 呢間野D咁既出品都可以咁多生意 除左風水好真係諗唔明 重有一樣就係做野D人D態度真係不敢恭維 詳情可以睇返 Openrice 簡直離晒大普 早知等返群記好過

食開既街坊都知差左好多, 魚蛋細粒左, 魚片薄左, 魚皮少左, 不過食開有感情; 而且識食既一定係一朝早去, 個湯未開始溝水, 好好多

TOP

"識食"就一定唔去, 仲要一朝早就去?有自唔在, 攞苦黎幸!

TOP

新那間仲差...我去都係食牛腩多

TOP