[推介] 蓮花 - 新派健康料理 ( 元朗 ) 真心推介!

如果大家都有食下齋既習慣
可以去食下 係元朗既 蓮花-新派健康料理
你會發現原來食齋,都可以色香味俱全
素食,原來都可以好多花款 。
最緊要老闆娘佢用心經營,
不求賺錢,只希望來食野既人食得健康同開心

自己係一個飲食網台主持
訪問左老闆娘後才發現,佢每朝早風雨不改
七點回到公司煲湯,為求十二點一點來食lunch
既學生同老師食得健康,有老火靚湯飲
仲有d套餐根本無肉食同蝕錢佢都無所謂
只要宣揚到食齋可以放生,積德
辛苦d都無所謂,所以我真心推介大家去食
食野除左好味,用心去煮都好緊要
至少你會食得開心同感恩。

大家去到一定要飲佢老火湯記得,
跟住可以點下 南瓜盅。
明爐素魚都要推介,係勁好食同勁似肉,
冬蔭功湯底又整得好飲,
加埋個即叫即整既荷葉飯,真係無得輸

記住老闆娘的一句說話
吃一口素,放一口生
我地絕對可以減少食肉次數
去拯救小動物嘅生命